icon_gotop
18+
autorisation
Войти | Регистрация
Время в Татышле
16:09
Четверг, 28 Октября
Рекламный баннер 990x90px top

Гуртлэн синучконэз выллем

2013-11-14

- Ирина Байкузовна, тодэме потэ, кыӵе улӥськоды, мар вылез ужады?

- Улон азьлань дыртэ, аръёс бы­земъя котькуд удыслэн но аслаз воштӥськонъёсыз, выльдӥськонъёсыз луо. Культура юртын ужасьёс но ась­сэлэн ужазы пӧртэм выль амалъёсты кутоно луо. Алтау гуртлэн но сюл­маськонъёсыз трос пӧртэм, шумпоты­мон иворъёсын ӵошен сюлэмез шуг карисез но ӧжыт ӧвӧл. Гуртамы школа­мы ӧвӧл ни, пиналъёс табере бускель гуртын дышетсконо луо. Нош школа, культура юрт, нылпи сад, гуртлэсь «шокамзэ» утё. Соос ӧз ке луэ, гурт ка­лык ёрос центръёс но городъёс пала учкыны кутске. Туннэ нуналэ гуртамы культура юрт калыкез огазеясь инты луэ. Праздник нуналъёсы концертъёс, пӧртэм ужрадъёс ортчытон сярысь сюлмаськиськомы. Асьмеос но ёро­самы, бускельёсмы дорын ортчылӥсь ужрадъёсы пыриськыны тыршиськомы. Трос аръёс ӵоже ини «Инвожо» калык ансамбльмы ужа. Кырӟаны, вераны яратӥсь пӧртэм аресэн адямиос огазе люкаськыса, мылкыдзэс сцена вылын усьто, – вера Ирина Байкузовна.

Улон-вылон сярысь вераськыку, культура юрт вӧзтӥ ортчись егит пиос дорамы лыктӥзы. Ирина Байкузовна соослы кӧня ке куронъёссэ вераз. Соос шоры учкыса тодмо: егитъёсын Ирина Байкузовна огъя кыл шедьтыны быгатэ.

- Ӝытъёсы егитъёс трос люкасько. Гужем нуналъёсы тужгес шулдыр луэ. Соос пӧртэм ужрадъёсы но пыриськы­ны пумит уг луо. Егитъёс усто, визьмо луыку ужаны но, улыны но шулдыр. Юон вылэ гинэ медаз чӧлске, – ватсаса вера на Ирина Байкузовна.

Алтау гурт понна татысь культу­ра юрт синучкон выллем луэ. Калык татчы ӵемысь люкаське, ваньмон дыръёсаз ӟеч мылкыдзэ сцена вылэ потыса возьматэ, сям-йылолъёсты утьыны тырше. Алтауослэн пичи гуртлэн шораз интыяськем культура юртлэн тылъёсыз ноку уз кысылэ, гурт калыкез ӧтьыса ялан пиштозы шуыса осконзы вань.

Ирина САМИГУЛОВА.

Бурай ёрос.

2649

Оставить сообщение:

НАШИ ПАРТНЕРЫ