Татышлы РОВД-ын 10 ар тыршем Владимир Борисович Гарифьяновлы но 2011-тӥарын выль уже вамыштоно луиз. Изоляторен кивалтӥсез участковое выжтӥзы. Солы Калмияр но Ялгызнарат гурт поселениосты оскизы. Владимир Гарифьянов кык ар куспын гурт поселениосысь эрикрадлыкез утёнын шӧдскымон азьпала вамыштӥз. Ёросысь участковой уполномоченнойёслэн ёзэтэнызы кивалтӥсьлэн Данил Садиевлэн верамезъя, со, кылсярысь, таиз арысь дас толэзь куспын 13 йыружъёсты шараяз, 150 административной протоколъёс гожтӥз.
- Участковой уполномоченной мар тодыны, быгатыны но лэсьтыны кулэ? – юасько со пумысен полициысь капитанлэсь Владимир Гарифьяновлэсь.
- Полициысь участковой уполномоченнойлы трос пӧртэм ужъёсын пумиськоно луэ. Ми йыртэмасьёслы пумит ужъёс нуиськом, юонэн, наркотикен нюръяськиськом, љожтӥськонъёсын вазиськисьёслэсь ужъёссэс эскериськом, пӧртэм ужрадъёсы пыриськиськом но мукет.
Участковой уполномоченной котькуд вазиськонэз эскерыны кулэ. Со сяна, административной участокъёсын пӧртэм калыкъёс уло. Милям одӥгез валтӥсь ужпуммы луэ соосын котькудӥныз огкыл шедьтон.
Туннэ республикаын «Лес», «Скот», «Внимание – дети!», «Браконьер» операциос мыно. Участковой уполномоченнойёс соослэсь но палэнэ уг кылё. Нош йыртэмасьёсты Россия Федерацилэн законэзъя кыл кутыто. Соос озьы ик наркотикез вӧлмытонлы пумит но паськыт ужъёс нуо. Со тужгес шӧдӥське «Мак» операция радъяськыку. Туэ со 28-тӥконьывуонэ йылпумъяськиз. Та вакытэ Калмияр, Ялгызнарат гурт поселениосын эскерон ужъёс радъяськылӥзы. Уго котькуд сьӧд ужез дыраз «серметаны» быгатоно.
Владимир Гарифьяновлэн, полициын котькуд ужасьлэн сямен, трос дырыз уж дураз ортче. Нош солэсь уйзэ-нуналзэ тодытэк тыршемзэ «200 лет МВД России» гадьпус (2002-тӥар), БР-ысь Югдурез утёнъя министерстволэн Данъян грамотаез (2004-тӥар), Башкортостанлэн Россия борды кариськемез дырысен 450 ар тырмонлы сӥзем (2007-тӥар) но «За отличие в службе» медальёс возьмато. Берпуметӥез куинетӥстепенё медаль солы 2008-тӥарын сётэмын.
Ольга НИГАМАТУЛЛИНА.
Татышлы ёрос.
Оставить сообщение: