icon_gotop
18+
autorisation
Войти | Регистрация
Время в Татышле
00:10
Суббота, 24 Июля
Рекламный баннер 990x90px top

Гурт калыкез секытэн уд кышкаты

2013-11-07

Тужгес со пумысен сӥзьыл куазен сюлмасько. Уго гуртын та вакытэ тросэз ошъёссэс-парсьёссэс сӥльлы вузан сярысь сюлмасько. Одӥгез тодмое, кылсярысь, быдэс гужем кык кунян будэтэм. Нош али ошъёсызлы 11 сюрс манет гинэ, пе, дун пукто. Со сяна, солэн скалэз но валэз вузано на. Соослэсь поттэм коньдонэныз тодмое коркаезлэсь липетсэ воштыны малпа. Нош вуз басьтӥсьёс солэсь малпанъёссэ уг валало, лэся, сӥльлэн дуныз усиз, шуо. Озьы ке но, та выллем шуг-секытъёслы сётскытэк, республикаысьтымы гурт удыс азьпала вамыштэ. Башкортостанын, 2012-тӥарен ӵошатыса, вуз поттонлэн быдӟалаез 7,9 процентлы будӥз. Лыдпусъёслэн йылэмзы тужгес ю-нянь будэтонын шӧдӥськиз. Та удысын укмыс толэзь куспын 39,6 миллиард манет тыр коньдон поттэмын, пудо вордонын – 54,6 миллиард манет. Алигес республикаын гурт удысэз азинтонэн герӟаськем пресс-конференция ортчиз.

Пудо но тылобурдо вордӥськом

Башкортостанын 2013-тӥарысь укмыс толэзь куспын огъя 1,289 млн йыр пудо лыдъяськиз. Со пӧлысь 497 сюрсэз кысконо скалъёс, 302 сюрс йырез – парсьёс. Нош тылобурдоос 14 миллион йырлы вуо.

- Республикаын пудоослэн но тылобурдоослэн лыдзы кылем арын выллем ик возиське, - вера республикаысь гурт хозяйствоя министр Николай Коваленко. Солэн кылъёсызъя, толшор-куарусён толэзьёсы огъя 220 сюрс тонна сӥль дасямын.

Со сяна, республикаын 878,3 млн курегпуз басьтэмын. Та ласянь лыдпусъёс туннэ ӟеч возисько. Нош Россиысь мукет регионъёсын со шӧдскымон кулэсме.

Йӧл дасянын но Башкортостан, котьку сямен, азьмынӥсьёс пӧлын луэ. Та удысын ӟеч ужъёсынызы Аургазы, Дюртюли, Стерлитамак, Татышлы, Уфа но Чекмагуш ёросъёс шумпотто. Татын котькуд скалзылэсь ньыль сюрслэсь ятыр йӧл кыско.

- Башкортостанын пудо вордон удысэз азинтонлы шӧдскымон юрттэт висъяське, - вера Николай Коваленко. – Гурт калыклы бадӟым юрттэт возьматэ «500 ферм» программа.

Министрлэн кылъёсызъя, та программая тупа­тэм яке ӝутэм фермаосын йӧл дасянлэн быдӟалаез 20-25 процентлы йылэ, ӟечлыкез но шӧдскымон ӝутӥське. Нош Бакалы, Сала­ват но Татышлы ёросъёсын ферма котырысь сюресъёс но та программая тупатэмын. Озьыен, кивалтӥсьёс та удысын тыршисьёслэсь ужзэс капчиятон сярысь сюлмасько. Соин егитъёс но гуртысь пегӟыны уг дырто ни.

Выль техникаос берто

Таиз арысь укмыс то­лэзь куспын республикаын нимысьтыз программая 3,6 миллиард манет тыр выль техникаос басьтэмын. Федерал бюджетысь но удысэз азинтонлы коньдон висъямын. Озьы шаерамы поттэм куд-ог техникаослы дунъёс 15 процентлы кулэстэмын. Николай Коваленколэн верамезъя, республикалы 75 миллион манетлэсь ятыр квота сётэ­мын. Солэн 42 процентэз уже кутэмын ни. Солы 55 техника басьтэмын, со пӧлысь 39-эз «Ростсельмаш» заводын поттэм ю тысь октон комбайн.

Сакыр кушман удалтӥз

Гурт удысын тыршисьёсты сакыр кушман берло аръёсы ӟечлыкеныз ӧз шумпотты. Нош туэ со ласянь удалтӥз – котькуд гектарысь шорлыдын 35 тонна сакыр кушман октэмын. Таӵезэ асьмелэн республикамы 10 ар ӵоже ӧз адӟы ни вал. Гурт калыклы выль технологиос но сортъёс юрттӥзы. Со сяна, инкуазь но берло нуналъёсы зоръёсыныз шумпоттӥз. Николай Коваленколэн верамезъя, туэ ваньзэ 1,8 миллион тонна сакыр куш­ман октыны чакламын.

Туннэ емышлэн бадӟым люкетэз республикаысьтымы сакыр поттон заводъёсы вуттэмын ни.

- Куинь сакыр заводъёсын южтолэзёзь ӟырдыт ужъёс мынозы, - вера министр. - Соос пӧлысь котькудӥзлы 600 сюрс тонна кушманэз сакырлы пӧрмытоно луоз. Со республи­камылэсь вань кулэяськонъёссэ тырмытыны юрттоз.

Пресс-конференциын верам лыдпусъёс возьмато: республика таяз арын гурт удысын поттэм вузъёслы уз кулэяськы. Озьыен, магазин ӝажыос но Башкортостанын поттэм сиён-юонъёсын тырмозы.

Ольга ГИЛЬМУРАНОВА.

1628

Оставить сообщение:

НАШИ ПАРТНЕРЫ