icon_gotop
18+
autorisation
Войти | Регистрация
Время в Татышле
01:50
Пятница, 29 Марта
Рекламный баннер 990x90px top

Жингырты, удмурт кырӟан!

13:32 31.10.2013

Нош таяз ужрадэ кызьлэсь ятыр кырӟасьёс вуизы. Со пӧлысь 19 устооссэ Гала-концертэ бырйизы. Концертэз «Италмас» кырӟанэн усьтӥз ёросысь одӥгез тодмо егит кырӟась Алёна Тимерханова. Нош собере сцена вылэ огзы бӧрсьы огзы потӥзы кузёос Индира Шайсламова но Руслан Павинев. Та нуналэ соос 36 ареслэсь бадӟым кырӟасьёс но егитъёс пӧлын кужымзэс эскеризы. Нош Улысь Балтачысь Олег Марданов, кылсярысь, культура удысын тыршисьёс пӧлы пыриськиз. Озьыен, конкурсын кырӟасьёсты куинь группаослы люкизы. Нош соослэсь кырӟаны быгатонлыксэс, интыосын но Гран-приен сяна, пӧртэм номинациосын дунъязы. «Агро-Танып» СПК нимысьтыз кузьымзэ Калмиярысь егит кырӟасьлы Светлана Мардамшиналы сётӥз, нош Руслан Павиневез «Оскон» номинациын но гуртысь культура юртлэн кузьыменыз данъязы. Арибашысь Инна Зиянбаева но Алевтина Галимзянова, Калмиярысь Индира Шайсламова «Вормонэ кыстӥськемез понна», «Калык сям-йылолъёсты утемез понна», «Сцена вылын ассэ ӟеч воземез понна» номинациосын вормисе потӥзы. Улысь Балтачысь Алик Кайрановез «Аслэсьтыз гожтэм кырӟанзэ быдэстэмез понна» номинациын пусйизы. Нош татысь ик Татьяна Ахмадуллина учкисьёслы тужгес кельшиз.

Вормисьёсты быръён жюрилы капчиен ӧз сётӥськы. Соос егит кырӟасьёс пӧлысь вылӥгес дунъязы Светлана Мардамшиналэсь быгатонлыксэ. Нош кыкетӥ но куинетӥ интыосты Калмиярысь Есения Бадретдинова но Выль Татышлыысь Ульяна Гильманова люкизы. Кыкетӥ группаын куинетӥ интыосты Кызыл-Ярысь Лидия Зариповалы, Калмиярысь Ирина Минлиаскаровалы, Вязовкаысь Фирая Туктамышевалы сётӥзы. Нош кыкетӥ интыосын луизы Выль Татышлыысь Марс Шартдинов но Калмиярысь Александр Костин. Нырысетӥ интыен дунъязы Вязовкаысь Вилияна Рахматуллиналэсь кырӟанзэ.

Культура удысын тыршисьёс та нуналэ вормон доры зол кыстӥськизы. Сцена вылын удалтӥз улысь балтачъёслы – нырысетӥ интыосын луизы Ирина Шайхлисламова но Алик Кайранов, кыкетӥын – Олег Марданов. Выль Та­тышлыысь Марина Низамова «Кырӟанзэ аспӧртэм быдэстэмез понна» номи­нациын вормисе потӥз. Нош конкурслэн валтӥсь кузьымез – Гран-при – Уразгиль­дые кошкиз. Солэн кузёез луиз татысь культура юртэн кивалтӥсь Зульфира Хати­пова.

- Бадӟымъёс пӧлын таӵе ужрад ортчытон – мынам кемаласен малпанэ, - вераз С. Г. Гарифуллин. – Нош отын тросгес кылэм потэ песянайёсмылэсь быдэстэм, асьмелэн крезьгурчиосынымы но кылбурчиосынымы кылдытэм кырӟанъёсты.

Конкурсын вормисьлэн кырӟанэз чылкак солэн куронъёсызлы тупа. Уго Зульфира Хатипова ужрадын песянайёсынымы яратоно «Васькисько, васькисько» калык кырӟанэз быдэстӥз.

Ольга НИГАМАТУЛЛИНА.

7964

Оставить сообщение: