icon_gotop
18+
autorisation
Войти | Регистрация
Время в Татышле
10:25
Четверг, 29 Июля
Рекламный баннер 990x90px top

«Уӵы нылъёслы» Эстониын чабизы

2013-10-31

 - Эстониын ортчоно ӵыжы-выжы калыкъёслэн нуналъёсазы ӧтён гожтэт инвожо толэзе вуиз. Пӧртэм ужкагазъёсты дасяса, дыр туж ӝог ортчиз. Сюрес вылэ ми 12-тӥ коньывуонэ потӥмы. Со Ижевск, Санкт-Петербург пыр кыстӥськиз. Эстон шаер милемыз 14-тӥ коньывуонэ пумитаз. Отчы ми Татышлы ёросысь культура ёзэтэн кивалтӥсен Салимьян Гарифуллинэн, ансамбльысьтымы кырӟасьёсын Раиля Нуриахметоваен, Анифа Тимрхановаен, Фирая Туктамышеваен, Валентина Хайруллинаен но Выль Татышлы культура юртысь арганчиен Александр Галиевен ӵош вуимы.

Татын милемыз нырысетӥ нуналэ ик пӧртэм ужрадъёсын пумитазы. Нырысетӥез концертмы Таллинысь военной частьын радъяськиз. Удмурт композициосты, вашкала кырӟан-эктонъёсты отын туж шуныт пумитазы. Со бӧрысь нуналъёсы школаосын пумиськонъёс ортчылӥзы. Нош ӝытазе одӥгаз ресторанын эстон-удмурт ӝыт радъяськиз. 17-тӥ коньывуонэ ми Тартуэ вуимы. ӵыжы-выжы калыкъёслэн нуналъёсазы уго куинь бадӟым концертъёс чакламын вал. Со пӧлысь одӥгез Тартуысь университетын ортчиз. Та нуналэ отын пӧртэм калык кырӟан-эктон гуръёс чузъяськизы. Палэнысь вуэм коллективъёс сяна, концертэ интыысь финн-угоръёс но пыриськизы. Озьы калыкез шулдыртӥзы Тартуысь поръёслэн союззылэн «Марий кумыл», удмуртъёслэн «Юмшан гур», ансамбльёссы. Со сяна, сетоос но ужрадлэсь палэнэ ӧз кыле. Учкисьёсты «Сорры­сетто» но «Сийдисызары» группаос паймытӥзы.

Ӵуказеяз милемыз бадӟым ужрад Виляндиын витиз. Тартулэсь со 81 иськемлы палэнэ интыяськемын. Вилянди, калыкезлэн лыдызъя, Эстониын сизьыметӥ интыын луэ. Быдӟалаезъя но та лыдпус утиське. Виляндиын одӥгеныз учкымон ин­тыен лыдъяське Феллин замок. Нош милям концертмы Пяримусмуусика Айт культурая центрын радъяськиз. Татын ик мастер-класс но ортчиз.

Ӵыжы-выжы калыкъёслэн нуналъёссы 19-тӥ коньывуонэ йылпумъяськизы (та нунал Эстониын кун праздникен лыдъяське). Та нуналэ ик милемыз Эстонилэн шоркареныз тодматӥзы. Таллин кык люкетъёслэсь сылэ, шуыны луоз. Городлэн вуж люкетаз 1300-1400-тӥ аръёсы ӝутэм юртъёс сыло. Татын ульчаос сюбегесь, нош юртъёс ваньзы сямен ог-огзы борды лякиськемын. Эстон Республикалэн Парламентэз – Рийгикогу – но Вуж городысь Тоомпеа замоке интыяськемын. Нош со вӧзын Длинный Герман башня сылэ. Котькуд ӵукна кункрезь чузъяськем улсын отчы куншет ӝуто. Нош ӝытазе – уськыто.

Таллинын радъяськем концертэ трос калык люкаськиз. Соосты ми Башкортостан Республикаысь удмуртъёслэн «Быдӟымнал» но «Армие келян» сям-йылолъёсынызы, вашкала кырӟан-эктонъёсынызы тодматӥм. Нош ми эстон калыклэсь задор мылкыдзэ но трос шуныт тодэ ваёнъёсты, дуннеысь финн-угор калыкъёслэн культуразылэн азинско­нэзлы осконэз сьӧрамы кутӥмы. Таӵе пумиськонъёсты радъяны юрттэмез понна Татышлы ёрос администрациен кивалтӥсьлы Р. К. Гараевлы тау карон кылъёсмес вераськом.

Дасяз Ольга НИГАМАТУЛЛИНА.

1644

Оставить сообщение:

НАШИ ПАРТНЕРЫ