icon_gotop
18+
autorisation
Войти | Регистрация
Время в Татышле
23:49
Пятница, 23 Июля
Рекламный баннер 990x90px top

Азинсконъёс шӧдскымонэсь

2013-09-26

Сӥзьыл бусы ужъёслэн азинлыко радъяськемзы хозяйствоосын ю тысь октон техникалэн тырмыт луэменыз герӟаськемын. Гурт удысын коньдон ласянь секыт югдур ке но кылдэмын, та удысын тыршисьёс ужан агрегатъ­ёссэс кулэсмытыны уг дырто. БР-ысь Гурт удысъя министерствоын пусъ­емзыя, республикаысь ӟеч возиськись хозяйствоос пудо сиён дасян техника басьтон сярысь тужгес сюлмасько.

- Туннэ нуналэ республикаын гурт удысэз азинтонэ инвесторъёсты кы­скон валтӥсь ужпумен лыдъяське, - вера БР-ысь гурт удысъя министр Николай Коваленко. – Азьвыл уже кутӥськем техникаез туала улонлэн куронъёсызлы тупась агрегатъёс вошто. Выль техника котьма ласянь пайдаё луэ: ю тысь, турын будэтонын но, пудо вордонын но.

Аграриослы техника басьтонын государство но юрттэт возьматэ. 2011-2012-тӥ аръёсы республикаысь гурт хозяйствоосын огъя 6570 выль техника но 6,8 миллиард манет тыр ужан тӥрлыкъёс басьтэмын. Поттэм коньдонлэсь 1,35 миллиардзэ госу­дарство субсидиосын берыктӥз.

2013-тӥ арын тямыс толэзь ӵоже куинь миллиард манет тыр 2570 техника басьтэмын. Кылем арен ӵошатоно ке, со 375 млн манетлы тросгес луэ. Туннэ нуналэ та мугъ­ёслы республика бюджетысь 682 миллион коньдон висъямын.

- Машинно-тракторной паркъёсты выльдонъя республика программа борды 2013-тӥ арын гурт удыслы чаклам техника поттон предприяти­осты субсидировать карон федерал программа ватсаськиз на, - пусъё БР-ысь Гурт удысъя министерствоын. – Республикаын федерал программаез азинтонлы 75,5 млн коньдон висъ­ямын: 45 выль техника басьтэмын, соос пӧлысь 35-ез – ю тысь октон комбайнъёс.

Ӧнерчиослэн малпамзыя, гурт хозяйствоослэсь поттэм коньдонзэс субсидиосын берыктон выль техника басьтонын бадӟым юрттэт луэ. Туннэ нуналэ мукет амалъёсын выль тех­ника басьтон гурт удыслы «вормон­тэмен» лыдъяське.

Техника ласянь шуг-секытъёссы кылдэм хозяйствоослы республика­ысь машинно-технической станциос (МТС) юртто. Ӟырдыт бусы ужъёс азинскыку, МТС-ын ужасьёслэн лыдзы 6000 адямилы ӵоша.

Берло аръёсы МТС-ъёслэн ужзы пумысен пӧртэм малпанъёс кылдэ­мын вал. Соин ик 2011-тӥ арын, респу­бликалэн Президентэзлэн Рустэм Хамитовлэн ӵектэмезъя, МТС струк­тураослэн ужзы пыр-поч эскериськиз. МТС азинлыко ужъёссэ возьматӥз: солэн ёзэтъёсаз 22 сюрслэсь ятыр пудо лыдъяське. Соос пӧлысь 2360-эз – парсьёс, 1300-эз – валъёс. МТС-лэн 300 сюрс гектарлэсь ятыр арендае басьтэм музъемез но вань.

Берло аръёсы МТС «Социальное развитие села» программае но азин­лыко пыриське. БР-ысь Гурт удысъя министерствоын ивортэмзыя, матысь дыре республикаысь машинно-транс­портной станциос агрохолдинг кыл­дытон борды басьтӥськозы.

Дасяз Миляуша БУЛАТОВА.

1514

Оставить сообщение:

НАШИ ПАРТНЕРЫ