icon_gotop
18+
autorisation
Войти | Регистрация
Время в Татышле
05:39
Четверг, 5 Августа
Рекламный баннер 990x90px top

Пиналъёсты выль вормонъёс витё

2013-09-19

Соревнования по стрельбе из пневматической винтовкиТуэ но секцие пыриськыны мылкыд карись нылъёс но пиос ыбылӥськонъя быгатонзэс эскеро­зы, та аспӧртэм искусствоын киос­сэс волятозы, трос выльзэ тодозы. Секциен школаысь дышетӥсь Вадим Шаймухаметов кивалтэ. Уженыз, отчы ветлӥсь пиналъёсын тодма­тыса со вераз:

- Ыбылӥськон – трос быгатэ­мез кулэ карись искусство. Армие мыныны дасяськись пиослы туж­гес но ыбылӥськыны быгатоно. Малы ке шуоно, солдат пыӵалэз ӟеч тодӥсь, уже кутыны быгатӥсь адями луыны кулэ. Пиос секцие  котьку мылысь-кыдысь пырисько. Занятиосы ветлон соослы тунсы­ко потэ. Нылъёс но бере уг кылё, пӧлазы ӟеч ыбылӥськись, пӧртэм ӵошатсконъёсы вуылыса призо ин­тыосын шумпоттӥсьёсыз но вань. Н. Ахметшин, Д. Зидымышева, О. Садретдинова, А. Рахимьянова, А. Садиев, А. Гарифуллин, Н. Гафурова кадь усто пиналъёслэн «копил­каязы» трос пӧртэм вормонъёссы люкаськемын. Командамы ёрос ӵошатсконъёсы сяна, республика­ын ортчись ӵошатсконъёсы но ӵем вуылэ, котьку бадӟым вормонъёсын берытске. Таяз арын секцие дас вить пиналъёс ветлозы. Соос пӧлын 8-11-тӥклассъёсын дышетскись нылъёс но пиос луозы. Кӧня ке ар ӵоже кружоке ветлӥсь пиналъёс пӧлын выль лыктэмъёсыз но вань.

Азьвыл аръёсы выллем, туэ но пиналъёс пӧртэм ӵошатсконъёсы вуылозы. Я. Васильевалэн, И. Ла­типовлэн, В. Мардамшинлэн, Ю. Ги­задуллинлэн, Э. Зидымышевлэн, К. Зиннатуллинлэн, К. Шайсламовлэн, Ю. Сафиуллинлэн вормонъёссы сярысь трос пол кыломы на. Нош дас одӥгетӥклассын дышетскись пиналъёс И. Гильфанов, Р. Шаки­ров, Н. Рафикова, К. Зидымышева, Е. Шарафисламов, В. Васильева, А. Гильманов туэ куинетӥарзэ секцие ветлозы но быгатонзэс юнматозы. Кематэк пиналъёс Янаулын ортчоно зональной ӵошатсконын Татышлы ёрослэсь данзэ утёзы. Оскон вань: пиналъёслэн командазы отысь одно ик бадӟымесь вормонъёсын берытскоз.

Ирина ХУЗИАХМЕТОВА.

Татышлы ёрос.

1846

Оставить сообщение:

НАШИ ПАРТНЕРЫ