icon_gotop
18+
autorisation
Войти | Регистрация
Время в Татышле
09:47
Четверг, 29 Июля
Рекламный баннер 990x90px top

Ӟеч ужлы но уждунлы осконэн

2013-09-13

Башкортостан Республикалэн Президентэз Рустэм Хамитов но та пумысен сюлмаськонзэ ватытэк вера. «Уж интыос кылдытон – одӥгез валтӥсь ужпум. Калыклэн палэнын тыршемез монэ юн сюлмаськытэ. Соос Тюмень улосвылэ, Ханты-Ман­сийск автономной округе, Ямалэ ветлыса ужало. Мукет регионъёсты ужась киосын тырмытон ласянь асьмеос «донор» луиськом», - вера Рустэм Хамитов. Солэн кылъёсызъя, республикалэн палэназ 100-120 сюрс адями тырше. Берло аръёсы таӵе амалэн ужасьёс пӧлы азьвыл мувӧй поттон удысын тыршемъёс но йылӥзы. Уго «Башнефть» АНК ОАО-ын ортчем вошъяськонъёсын сэрен трос адямиос ужтэк кылизы. Но азьланяз мувӧй но чагырэстӥськон дасянлэн быдӟалаез йылоз на. Озьыен, ужасьё­сты но берыктыны луонлык кылдоз.

Калыклэсь палэнын тыршемзэ та удысэн гинэ герӟаны уг луы. Бер­ло аръёсы трос адямиосты ужтэк кельтӥзы гурт хозяйствоослэн бы­ремзы.

- Гурт хозяйствоосын туннэ та ласянь бадӟым ужъёс нуоно, - малпа Башкортостанлэн Президентэз.

Рустэм Хамитов озьы бадӟым комплексъёс ӝутон сярысь вера. Туннэ, кылсярысь, Благовар ёросын парсь будэтонъя мегакомплекс љутон борды кутскизы. Отын арлы быдэ 42 сюрс тонна вуз дасяны ча­кламын. Нош Мелеуз ёросын курка будэтозы, Буздяк ёросын йӧл дася­лозы.

Гурт удысэз азинтонын «500 ферм» программалэн но бадӟым юрт­тэтэз шӧдӥськоз. Та программа улсын туэ сю ферма љутэмын-тупатэмын луыны кулэ. Нош республикалэн Президентэз та лыдпусэз 110-лы вуттонлы но осконзэ вера. Со сяна, Рустэм Закиевич Аургазы ёросын быдэстӥськись «Живое село» проект сярысь шуныт кылъёсын вазиське. Та проектэз азьланяз быдэс респу­бликаын, пе, кутыны луысал. Озьы гурт калыклэн ӟеч ужлы но уждунлы осконэз быдэсмысал.

Дасяз Ольга НИГАМАТУЛЛИНА.

1367

Оставить сообщение:

НАШИ ПАРТНЕРЫ