ГЕРДЛЫ СӤЗЕМ НАУЧНО-ПРАКТИЧЕСКОЙ КОНФЕРЕНЦИЯ ОРТЧИЗ

Регионъёс куспысь ужрад Удмурт кунлыклэн 100 ар тырмонэзлы сӥземын.

Конференцие республикаысьтымы Татышлы, Балтач, Бурай, Ермекей, Кушнаренко, Калтасы, Ягаул ёросъёсысь, Удмуртиысь Завьял, Шаркан, Балезино, Вавож, Камбарка, Воткинск ёросъёсысь, Ижевскысь, Пермь шаерысь Чайковскийысь вуэм куноос пыриськизы.

Выль Татышлыысь многофункциональной клублэн фойеяз кибашлыослэн киужъёсынызы, книгаосын выставкаос дасямын вал.

Научно-практической конференция улсын Выль Татышлы школаын но модельной библиотекаын нылпиослы нимысьтыз площадкаос ужазы. Кылсярысь, бадӟым классъёс «Что? Где? Когда?» выллем шудонэ пыриськизы. Со Кузебай Гердлы сӥземын вал.  Шудонын Янаул ёрослэн командаез, Татышлы ёросысь Улысь Балтач  но  Выль Татышлы школаосысь быдэн кык командаос кужымзэс мертазы. Вормисе потӥз Выль Татышлылэн «Герӟетъёс» командаез. Кыкетӥ интыын – янаулъёс, куинетӥ – Выль Татышлы школаысь «Кузёос» команда.

Фото: https://vk.com/myudm?w=wall-25185834_23811