Ужрадлэн программаяз пудоосты учкон, республикаын ӟеч выжыысь пудоосты йылэтӥсь хозяйствоослэн ужъёсынызы тодматскон пыртэмын вал.
Адӟытон-аукционын Москва улосвылысь «Московское» ОАО-ысь но Свердловск улосвылысь «Уралплемцентр» ОАО-ысь вуэм экспертной комиссия ужаз, пудооссэс адӟытонэ ваем хозяйствоослэн ужъёссылы дунъет сётӥз. «Рассвет» СПК-ысь ӟеч выжыысь пудоосын ужанъя ӧнерчи, зоотехник-селекционер Вячеслав Баймиев ужрадысь бадӟым вормонэн берытскиз: Башкортостан Республикаысь Гурт хозяйствоя министерство солэсь ужзэ «Лучшая племенная работа с породами сельскохозяйственных животных» номинациысь дипломен но бронза медален пусйиз.
Адӟытон регионамы азинскись ужлы дунъет сётыны юрттӥз. Тросэз хозяйствоос татын пудооссэс бадӟым дунэн вузаны быгатӥзы.
Миляуша БУЛАТОВА.
Оставить сообщение: