Калык Инмарлы осконзэ уг ышты

28-тӥ инвожое Бурай ёросысь Алтау гуртэ калыкез огинэ люказ Элен вӧсь. Туэ со дасэтӥ ползэ радъяськиз. Совето власть вакытэ Элен вќсез ортчытон йылол таркамын вал. 2008-тӥ арын Элен вќсез улњытыса нырысьсэ Алтау гуртын ортчытћзы. Кылем арын со Пермь шаерысь Куеда ёросысь Кирга гуртын радъямын вал. Нош вуоно арын удмуртъёслэн бадњым вќсьсы Янаул ёросысь Вуж Варяшын ортчоз.

Элен вќсе трос калык люкаськиз. Кема зорыса улэм бере урод сюресъёс но ќз кышкатэ кадь соосты. Тросэз, вӧсяськон возь вылэ вуыса, киосазы азвесь коньдонъёсын пужым яге вамыштӥзы. Отын пересь кызьпу будэ. Калыкын сое пелё кызьпу нимало (пельлы укшась «яраез» вань – авт.). Со «пельыз» пыр Инмар адямиослэсь вазиськемзэс, пе, кылэ.

Валтӥсь вӧсясь, Алтау гуртын улӥсь Анатолий Галиханов вера: «Вӧсе одӥг нуналскын гинэ дасяськыны уг луы, ужъёсты азьвылгес быдэстӥмы: туалет тупатӥм, пу дасям. Бадӟым тау гурт калыклы. Вӧсьлы дасяськон ужъёсысь одӥг пол но ӧз кыле алтауос В. Габидуллин, А. Зайнуллин, И. Шакиров но И. Султанахметов. Юрттӥсьёс луэм бере, котькуд уж капчиен сётӥське».

Вӧсез лымшор вакытэ сӥзёнэн усьтӥзы. Собере кыл сётӥзы Ижевскысь вуэм куноослы. Камсьӧр удмуртъёслэн огазеяськонэнызы кивалтӥсь Флюра Чибышева вӧсе лыктэмъёслы пумтэм тау кылъёссэ вераз, дас ар азьвыл та вӧсез улӟытыны юрттэмзы но туннэ нуналэ но сое сӥлы каремзы понна. Вӧсясьёслы со камсьӧр удмуртъёслэн огазеяськонзылэн нимыныз кузьымъёс сётъяз. Со сяна, Бурай ёрос администрациен кивалтӥсьлэсь воштӥсьсэ Н. М. Хаматдиновез, Алтау гуртысь «Инвожо» калык ансамбльлэсь кивалтӥсьсэ И. Б. Шарафутдиноваез, Свердловск улосвылысь удмуртъёслэн «Эгес» огазеяськонэнызы кивалтӥсез М. Ш. Ягуткинаез камсьӧр удмуртъёслэн огазеяськонзылэн тау карон гожтэтъёсыныз пусйиз. Алтауысь валтӥсь вӧсясьлы А. Ш. Галихановлы УР-ысь Йӧскалык политикая министерстволэсь тау карон гожтэтсэ сётӥз. Элен вӧсе республикаысь удмуртъёслэн национально-культурной центренызы кивалтӥсь Салимьян Гарифуллин но пыриськиз.

Удмурт калыклэн бадњым вќсяськоназ укмыс ыж вандћзы. Кемалась дырысен озьы кылдэмын: Элен вќсьын котькуд гурт аслэсьтыз пудозэ вќся. Та нуналэ вќсе ижевскъёс, качакъёс, улысь балтачъёс, выль татышлыос быдэн одћг ыж вандћзы, нош алтауос – витьсэ. Вӧсе сӥзьыса, дунтэк, ыж сётӥсьёс но луизы: Флюра Чибышева, Салимьян Гарифуллин, Алтауысь Анна но Тимофей Фаизовъёс, Рамзия но Вячеслав Янсубаевъёс, Бадӟым Качакысь Ирина но Фёдор Вагаповъёс.

Тани котыре чузъяськизы вќсясьёслэн - Алтауысь Анатолий Галихановлэн, Калтасы ёросысь Бадӟым Качакысь Анатолий Насипуллинлэн, Куеда ёросысь Киргаысь Леонид Зартиновлэн, Татышлы ёросысь Выль Татышлыысь Раис Рафиковлэн но Улысь Балтачысь Евгений Адуллинлэн - жингрес куараоссы. «Осто, Инмаре-Кылчинэ … Оминь!» - киосазы тусьтыен ӝук кутыса соос Инмарлы вазиськизы. Вӧсясьёслэн кылъёссы али ке но пель сьӧрын жингырало на.

Миляуша НИГАМАТУЛЛИНА.

Бурай ёрос.