Кема ӧвӧл Шудек школаысь покчи классъёсын дышетскисьёс гуртысь модельной библиотекаен радъям «Мы за чистую планету! Мы за чистое село!» акцие пыриськизы. Нылпиос шумпотыса ульчае потӥзы, ортчись-мынӥсьёслы тамак палэсъёссэс, ӟенеликъёссэс ураме медаз куялэ шуыса, листовкаос сётъязы, пумитазы шедьылӥсь жуг-жагъёсты бичазы. Экологилэн арезлы сӥзем суредъёс лэсьтӥсьёс но луизы: Дарья Абдрафиковалэн, Арина но Татьяна Нурисламоваослэн, Александра Галямутдиновалэн ужъёссы усто пӧрмем. Инкуазез утёнлы сӥзем ужрадмы туж тунсыко ортчиз.
Людмила САДЫКОВА,
Янаул ёросысь Шудек гуртысь модельной библиотекаен кивалтӥсь.
Оставить сообщение: