icon_gotop
18+
autorisation
Войти | Регистрация
Время в Татышле
17:06
Четверг, 28 Октября
Рекламный баннер 990x90px top

Нылпиос анай кылзэс медаз вунэтэ

2017-05-11

Группаям нылпиосы бигеръёс, витез гинэ удмурт. Соос но ӟуч кылын верасько, удмуртэз валало гинэ. Альбомам удмурт калыклэсь йылолъёссэ, сямъёссэ адӟытӥ. Выль кен пыртон, нылпи сектан (нуны сюан), быдӟымнал сярысь гожтӥ, туспуктэмъёс пуктылӥ. Дасям альбомез нылпиосын ӵош учким, эскерим, вераським. Соослы туж кельшиз, мылкыдзы ӝутскиз.

Удмурт дэрем дӥсяса, нылпиослы занятие ортчытӥ. Туж паймыса, тунсыкъяськыса учкизы соос мынам дӥськутэ шоры. Чеберъяськонъёсыз кутыса учкылӥзы. Уразгильды гуртысь юалляськыса, пичи нылъёслы но удмурт дӥськут шедьтӥ. Устоесь анайёс нылпи садэ ветлӥсь нылпиоссылы но удмурт дэремъёс вурытӥллям, пӧртэм ужрадъёсы пыриськон понна. Пичи нылъёслы но удмурт дӥсь туж кельше вылэм. Бадӟым тау соослы но,  воспитательёссылы но!

Занятиын удмурт калыклэн сиён-юонэз, пыжиськемъёсыз сярысь но вераським. Перепеч, табань, шу нянь пыжыса нылпиосмес сектам. Уразгильды школалэн музейысьтыз материал но, туспуктэмъёс но трос люкай: ужан тӥрлыкъёс, куиськон станок, черсон, кут, нуны веттан. Школаын ужасьёслы но тау кылме верасько, соослы азинсконъёс сӥзисько. Нылпиослы занятие туж кельшиз. Озьы тӥни одӥг нуналэз удмуртъёслы сӥзим. Мынам верам потэ: нылпиос анай кылзэс медаз вунэтэ, сям-йылолъёсты мед тодозы.

               Дина ВАСИКОВА,

          «Солнышко» нылпи садысь воспитатель.

3288

Оставить сообщение:

НАШИ ПАРТНЕРЫ