icon_gotop
18+
autorisation
Войти | Регистрация
Время в Татышле
15:12
Четверг, 28 Октября
Рекламный баннер 990x90px top

Вормонъёссы выль ужъёсы бурдъяло

2017-05-11

- Вань ёрос ужрадъёсы пыриськыны тыршиськом. Выльдӥськем коллективен сцена вылэ ми нырысьсэ потӥмы  Бадӟым Качакын ортчем «Культура моего села» ёрос фестивальын. Озьы ик татын ортчем регионъёс куспысь «Чакара» фестивальын кырӟамы, - вера Лилияна Ивановна.

«Марӟан» ансамбль егитсэ но, мӧйызэ но бордаз кыске. Коллективын кылдэмез дырысен воштӥськонъёс но луиллям. Нош туннэ солэн ужаз Эмма Аксямова, Ольга Диязова, Тамара Галяутдинова, Лилия Галякбарова, Мария Гилимзянова, Светлана Каташова, Елена Насипова, Гульсина Мадырова, Зарифа Атнагулова, Наталья Байрамгулова, Вера Байтимирова пырисько. Кылсярысь, Зарифа апай, Тамара апай но Мария апай пенсиын ни. Зарифа апай нылкышноос пӧлысь тужгес мӧйыез. Озьы ке но соослэн кырӟаны-эктыны мылкыдзы уг сӥя на. Нош Елена но Вера - егит анайёс. Куинь пиналъёссы луыса но соос ансамбльлэн ужаз пыриськыны дыр шедьто.

Лилияна Ивановна школаын дышетскись пиналъёсын но огкыл шедьтэ. Та пумысен солы дышетскон юртын тыршемез, соин дас ар кивалтэмез но юрттэ, дыр. Л. Шарафутдинова «Золотой ключик» театр коллективен кивалтэ на. Отчы гуртысьтызы дас витьлэсь трос нылпиос шумпотыса ветло. Ӵошен тыршыса ужамзы ӟеч емыш сётэ. Кылсярысь, соос кылем арын Кинолэн арезлы сӥзем ёрос ужрадэ пыриськиллям. Отын «Приключения Буратино», «Красная шапочка» выжыкылъёсысь возьматэм сюжетъёссы вылӥ дунъямын. Пусйытэк кельтыны уг луы пиналъёслэсь эстрадной эктонъёсъя «Данс-дебют» ёрос конкурсэ пыриськемзэс но. Татын соос «Чунга-чанга» эктонэн кыкетӥ интые потӥзы. Нылпиослэн «Колокольчики» эктон коллективзы дипломен пусъемын. Отчы нырысетӥ но кыкетӥ классъёсын дышетскись пиналъёс пыриськизы. Со сяна, Снежана Уразбаева, Карина Семёнова, Анастасия Байрамгулова, Диана Зайнетдинова конкурсысь грамотаосын бертӥзы.

- Ужрадъёсысь огпол но грамотаостэк но дипломъёстэк бертэммы ӧвӧл, - вера Лилияна Ивановна. –Таӵе вормонъёсмы выль ужъёсы бурдъяло. 

Марина НИКОЛАЕВА.

Калтасы ёрос.        

2453

Оставить сообщение:

НАШИ ПАРТНЕРЫ