icon_gotop
18+
autorisation
Войти | Регистрация
Время в Татышле
15:23
Четверг, 28 Октября
Рекламный баннер 990x90px top

Малпанзы быдэсмиз, удмурт огазеяськон кылдӥз

2017-04-13

Янаул ёросысь удмурт огазеяськон аръёс ӵоже ни трос пӧртэм ужрадъёс ортчытъя. Кылсярысь, Вуж Варяшын «Чеберина» конкурс радъяськылэ, котькудаз сямен гуртын «Вӧй келян», «Быдӟымнал» йылол праздникъёс ортчыло. Юрис Саитов та нуналъёсы Шудеке люкаськем калык азьын ужрадъёссы сярысь пыр-поч мадиз. Отын удмурт огазеяськонлэн 25 ар тырмонэзлы сӥзем ӝыт ортчиз. Со Шудек гурт поселенилэн пӧртэм гуртъёсысьтыз калыкез котыраз люказ. Соос пӧлысь троссэ Юрис Саитов ёросысь удмурт огазеяськонлэн данъян грамотаосыныз пусйиз. Со сяна, ужрадъёсы мыло-кыдо пыриськисьёсты БР-ысь удмуртъёслэн национально-культурной центрзылэн грамотаосыныз пусйиз на огазеяськонэн кивалтӥсь С. Г. Гарифуллин. Вераны кулэ, та нуналэ люкаськем калыкез  ӟечкыланы вуэмын вал Янаул ёрос Кенешлэн секретарез В. Р. Нигмадзянов, культурая управлениысь методической кабинетэн кивалтӥсь М. Ю. Соснина но пӧртэм калык огазеяськонъёсын кивалтӥсьёс. Трос шуныт кылъёссэ вераз Шудек гурт поселенилэн администрациеныз кивалтӥсь И. Г. Минликаева.

Удмурт огазеяськонлэн юбилеезлы сӥзем ӝыт бадӟым концертэн йылпумъяськиз. Сое интыысь культура юртысь «Чибориё» но «Тюрагай» ансамбльёс «Веник керттон» композициен усьтӥзы.  Та нуналлы шудекъёс трос кырӟан-эктонъёс дасяллям. Со сяна, бускель удмурт гуртъёсысьтызы, Татышлы ёросысь Улысь Балтачысь но Калмиярысь ансамбльёсты  куное вазиллям. Татчы соос пӧртэм кырӟан-эктонъёсын вуиллям. Улысь Балтачысь нылкышноос, кылсярысь, трос ӟуч кырӟанъёсты быдэстӥзы. Озьы удмурт огазеяськонлэн юбилеезлы сӥзем ужрад калыкъёслэн эшъяськонзылы пӧрмиз. Со возьматӥз: Башкортостанысь пӧртэм калык огазеяськонъёс котьку валче, ог-огзылы юрттыса ужало. Янаул ёросысь удмурт огазеяськон та выллем эшъяськонлэсь кужымзэ 25 ар ни шӧдыса улэ.

 

Ольга НИГАМАТУЛЛИНА.

2658

Оставить сообщение:

НАШИ ПАРТНЕРЫ