icon_gotop
18+
autorisation
Войти | Регистрация
Время в Татышле
06:35
Четверг, 5 Августа
Рекламный баннер 990x90px top

Висёнэз куддыръя шуныт кыл но бурмытэ

2017-04-06

Дарбина Минзарифовна гурт калыкезлэн сяна, куать иськем огпала интыяськем Ардашевоын улӥсьёслэн но тазалыксы сярысь сюлмаське. «Ардашево гуртэ мон арняяз огпол вуылӥсько. Котькуд юртэ пырыса потӥсько, эмъюмен юрттӥсько. Ӧтьыкузы одно ик мыныны тыршисько, - вера Дарбина апай. – Тӥ ке лыктӥды, гуртмы ик шулдыргес луэ, шуо соос».

Дарбина апай одӥг нуналзэ но фельдшер пунктаз огназ мӧзмыса уг ортчыты. Гуртоосыз со доры ӵем вуыло. «Кин ке укол басьтэ, кин ке вирзӥбетсэ эскерыны лыктэ, кин ке синмаз эмъюм понытэ, - вера Дарбина апай. – Татын соос ог-огенызы сюлмысь верасько, шумпотон-куректонъёсынызы люкисько».

Дарбина Минзарифовна дораз вуэм арлыдоосын пӧртэм висёнъёслы сӥзем лекциос, вераськонъёс ортчытъя. Котькинэн огкыл шедьтэ.

- Мон соосты бурдъясько, улыны кужым сётӥсько. Куд-ог дыръя песянайёс пыкъяськыса лыктэм бодыоссэс но вунэтыса кельто, - вера фельдшер.

Байшады ёрос центрлэсь 36 иськем огпала интыяськемын. Отчы ветлыны секыт. Соин байшадыос ӵемысь Татышлы ёросысь Шулган гуртысь эмъюртэ вуыло. Дарбина Минзарифовналэн кылъёсызъя, отын бускель ёросысьтызы висисьёсты ӟеч, пе, учко.

Ӝог эмъюрттэт кулэ луыку, Дарбина апайлы муш утись Айдар кузпалыз бадӟым юрттэт возьматэ. Айдар агай висисьёсты арлэн котькыӵе вакытаз «Нива» машинаеныз ёрос эмъюртэ ӝог вуттоз. Соин гуртоосыз сое мукет ёрос, город эмъюртъёсы но мыныны ӵем вазё. «Дарбина Минзарифовналы нокин пумит кыл уг вера. Сое ваньзы ярато но гажало. Уйин-а, нуназе-а вазё, котьку висисез доры бызе. Шутэтскон нуналъёсы, ёрос центре ветлыкуз но со уж дураз лыктыны тырше», - вера гуртысь клубен кивалтӥсь Зухра Багаутдинова.    

Дарбина Минзарифовна сюлэмшугъяськонъёсыныз но люкиськиз. Солэн юнматэм участоказ али арессэ тырмымтэ одӥг нуны. Нош дас кык аресозь 11 нылпи лыдъяське. «Гуртысьтымы берло дыре 23 адями кошкиз ни. Соос пӧлысь тросэз Татышлы ёросэ улыны выжизы, - вера со.  – Егитъёс гуртысь кошко, нош улонэн люкиськисьёслэн лыдзы будэ». Озьы ке но Дарбина апайлэн ужаны мылкыдыз уг сӥя. Со котькуд вазиськись адямиез пыр-поч кылзэ. Фельдшер тодэ: куд-ог дыръя сюлмысь верам кыл но висёнэз бурмытэ.

Марина НИКОЛАЕВА.

Бурай ёрос.      

1360

Оставить сообщение:

НАШИ ПАРТНЕРЫ