icon_gotop
18+
autorisation
Войти | Регистрация
Время в Татышле
10:41
Sunday, 17 Октября
Рекламный баннер 990x90px top

Ӵошатскон лыдӟисьёсын кусыпъёсты юнматэ

2017-03-02

«Ошмес» газет арнялы быдэ лыдӟисьёсыз доры шумпотыса вуэ. Волейболъя ӵошатскон но кусыпъёсты юнматыны, пинал лыдӟисьёсмы доры сюрес шедьтыны юрттэ. Со сяна, шудон дышетскисьёсты тазалыко улонэн эшъяськытэ. Та нуналэ командаосты ӟечкыласа вераськизы Татышлы ёрос Кенешлэн секретарез Р. Г. Рахимов но «Ошмес» газетлэн валтӥсь редакторез С. Г. Гарифуллин. Соос командаослы волейбол площадкаын зол кужымзэс возьматыны но бадӟым вормон сӥзизы. Собере шудӥсьёслы шулдыр кырӟанзэ кузьмаз Выль Татышлы культура юртысь художественной руководитель Марина Низамова.

Шудон Выль Татышлыын ортчиз. Волейбол площадкаын нырысь нылъёс пумиськизы. Соос котьку сямен татын асьсэлэсь зол кужымзэс возьматӥзы. Озьы ке но та нуналэ тужгес удалтӥз Бадӟым Гондырысь командалы. Соос Выль Татышлыысь кык командаосты, Улысь Балтачысь нылъёсты 2:0 лыдпусэн вормизы. Озьыен, «Ошмес» газетлэн волейболъя кубокез Бадӟым Гондыре кошкиз. Нош кыкетӥ но куинетӥ интыосты Выль Татышлыысь нырысетӥез команда но Улысь Балтачысь нылъёс люкизы.

Ӵошатсконэз пиослэн командаоссы азинтӥзы. Татчы Куеда ёросысь Кипчакысь но Улысь Балтачысь кык командаос вуизы. Кузёос но соослы пумит вормонлы осконэн султӥзы. Соос пӧлын нюръяськонын Улысь Балтачысь нырысетӥ командалы вуисьёс ӧз луэ. Соослэн кыкетӥез командазы куинетӥ интыен буйгатсконо луиз. Нош кыкетӥ интыез кузёос басьтӥзы. Вормись командаос дипломъёсын но медальёсын данъямын.

Волейболъя ӵошатсконын устооссэ нападающийёсты, связующийёсты но защитникъёсты бырйизы. Таӵе номинациосын вормисе потӥзы Бадӟым Гондырысь Кристина Аскатова но Улысь Балтачысь Влас Кайранов, Улысь Балтачысь Виктория Туктакеева но Выль Татышлыысь Ильнар Латипов, Выль Татышлыысь Елена Хабибьянова но Кипчакысь Данил Кильметов. Соос данъян грамотаосын но нимысьтыз кузьымъёсын пусъемын.

Ӵошатсконэз ортчытыны юрттэмзы понна, «Ошмес» газетлэн редакциез валтӥсь судьялы А. Сабанчинлы но командаослэн тренеръёссылы тау каре. Соослэн сюлмаськеменызы волейбол площадкаын туннэ нуналысь кужмоосыз командаос шараяськизы.

Ольга НИГАМАТУЛЛИНА.

2065

Оставить сообщение:

НАШИ ПАРТНЕРЫ