icon_gotop
18+
autorisation
Войти | Регистрация
Время в Татышле
11:46
Четверг, 29 Июля
Рекламный баннер 990x90px top

Тӥледын калыкмы данъяське, тӥледлы со оске

2017-02-22

Вашкала дырысен Башкортостан аслаз ожгарчиосыныз данъяськиз. Улосчиосмы кышкатэк Наполеонлы пумит но султӥзы, Быдӟым Атыкай ожын но нюръяськизы, локальной конфликтъёсы но пыриськизы. Туннэ нуналэ республикаысьтымы куать сюрслы матэ пиос шаермес утисьёслэн радазы лыдъясько. Со сяна, кӧня ке сюрсэз - контракт амалэн служить карисьёс но улонзэс военной ӧрен герӟамъёс. Соос асьмеды, шаерез кышкытлыкъёслэсь утё.

Балтач ёросысь Асавка гуртысь Антон Ахмадуллин но туннэ шаермес утисьёс пӧлын. Солэн службаез Уссурийскын 70-тӥ отдельной мотострелковой бригадаын ортче. Котькуд пияшлэн выллем, Антонлэн но пичиысен солдат луон мылкыдыз вань вал. Чернушкаысь политехнической колледжын  отделочной ужъёсъя мастер ӧнерлы дышетскемез бере, сое армие басьтӥзы.

- Армия улон сярысь верамзэс кылылэме вань вал. Но службаез кылын гинэ вераны, валэктыны уг луы вылэм. Сое веръяно. Татын тросэзлы дышиськод. Соин ик вуоно солдатъёслы сӥземе потэ: армилэсь медаз кышкалэ, служить карон мылкыдзы мед луоз. Армия - со аспӧртэм, со дыре ик, тунсыко улон, - вера А. Ахмадуллин.

Служба нуналъёссэ Антон тунсыкоен ке но лыдъя, вордӥськем палъёсаз бертон сярысь но малпаське.

- Доре бертыны потытозь 124 нунал кылиз на, - шуэ со.

                           Миляуша

                       БУЛАТОВА.

1206

Оставить сообщение:

НАШИ ПАРТНЕРЫ