Кунмы анайёсты шумпоттэ, нылпиос сярысь сюлмаське

- 2013-тӥ арысен кутскыса, республикаысьтымы калыклэн лыдыз 21 сюрс адямилы йылӥз. Кылем арын Башкортостанын 55708 нылпи вордӥськиз. Соос пӧлысь тросэз семьяязы куинетӥ пинал луизы, - шуиз Рустэм Закиевич. – Трос нылпиен анайёс кунмылэсь но юрттэтсэ шӧдытэк уг уло.

Кылем арын Ужъя но калыкез улонын утёнъя министерствоен нылпиен семьяослы огъя 4,5 млрд манет тыр коньдон сётӥськиз, со пӧлысь 1,9 млрд манетлэсь тросэз – республика бюджетысь. Нош 2007-тӥ арысен анаймурт капитал 135 сюрслэсь трос семьяослы улон котырзэс тупатыны юрттӥз. Кылем арын та лыдпус 31,5 сюрс семьялэсь ортчиз.

Рустэм Хамитовлэн кылъёсызъя, анаймурт капитал 2018-тӥ арозь ужалоз. Соин Тӧро оске, та дыр куспын трос семьяос улон котырзэс тупатыны быгатозы шуыса. Со дыре ик со пусъе: 2016-тӥ арын, 2015-тӥ арен ӵошатыса, республикаын ӧжытгес нылпиос вордскизы. Нош демографи лыдпусъёс кивалтэтлэсь ужзэ возьмато.

Дасяз Ольга НИГАМАТУЛЛИНА.