icon_gotop
18+
autorisation
Войти | Регистрация
Время в Татышле
04:41
Пятница, 29 Марта
Рекламный баннер 990x90px top

Ӵошен капчи но шулдыр

09:16 15.09.2016

- Гуртын уж ӧвӧл. Кызьы ке но табыш поттоно ук. Аслад будэтэм пудоедлэн сӥлез пайдаё но. Тросэз гуртоос палэнэ ветлыса ужало. Мон но сыӵе амалэн ужай. Но берло ини валай, гурт удыс мыным матын шуыса, - вера Е. Асадуллин. 

Зэм, Евгений Борисовичлэн улон но уж сюресъёсыз вордӥськем гуртэныз, гурт удысэн герӟаськемын. Со 22 арлэсь трос Т-150 тракторен ужам. Гурт ужлэсь шӧмзэ со ӟеч вала.

Пудо вордон сяна, Асадуллинъёс кык бакча утялтыны но дыр шедьто. Теплицаын кияр, помидор будэто. Убоосын - кешыр, гордкушман, сугон, кубиста, кумызь. Кузёос сяськаосты но ярато, шӧдӥське. Юртазы вуттӥсь тротуар сяськаё коридор пыр ортче. Улмопуоссы но Асадуллинъёслэн трос.

Кузпалъёслэн шудзы но шумпотонзы – вить нылпиоссы. Светлана Валихановна «Анаймурт дан» гадьпусэн данъямын. Павел но Саша пиоссы, Эвелина нылзы улонын асьсэ сюрессэс шедьтӥллям, соос ужало ни. Олег пизы вылӥ тодон-валан юртын дышетске. Нош пичи Славиксы куатетӥ классэ мынӥз.

- Нылпиос гуртэ ӵем вуыло, маин быгато – юртто. Бадӟымесь ужъёсты котьку ӵошен ужаськом. Гужем турын дасяны, сӥзьыл картофка октыны берто, - шуэ Евгений Борисович.

- Асадуллинъёс – гуртысьтымы адӟем карымон семьяос пӧлысь одӥгез. Соос туж тыршыса уло, жадёнэз валатэк ужало, -  вера Канлыысь клубен кивалтӥсь Фаниля Шаймутдинова. – Тодам лыктӥз одӥг учыр. Азьло турын ӵошен дасяськом вал. Ми Асадуллинъёсын огазе шедимы ужаны. Огдыре Светалы одӥгез пиез жингыртэ. Павел-а, Саша-а меда вал? Ми, пе, бакчаысь вань жагез ишкыса парсьёслы сюдыса быдтӥм ни, табере соосты маин сюдоно шуыса. Вераны кулэ, кузпалъёс нылпиоссэс быгатыса, шонер визьнодазы. Ваньзы соос ужез гажась луыса будӥзы.

Светлана Валихановнаен милемлы пумиськыны ӧз кылды, солэн уж нуналэз тупаз. Со Уфаысь РКБ-ын санитарка луыса ужа. Куатьтон иськеме интыяськем городэ ужаны ветлонлэсь чик уг курда.

Миляуша БУЛАТОВА.

Кушнаренко ёрос. 

4098

Оставить сообщение: