icon_gotop
18+
autorisation
Войти | Регистрация
Время в Татышле
06:27
Понедельник, 26 Июля
Рекламный баннер 990x90px top

Бадӟым ужез огнад уд быдэсты

2016-08-25

Выльдӥськем клубен тодматскыны Бурай ёрос администрациен кивалтӥсьлэн социальной ужпумъёсъя воштӥсез Н. М. Хаматдинов, «Башкиравтодор» ОАО-лэн Бурай ёросысь филиалэныз кивалтӥсь Р. З. Вяльшин, Тепляк гурт поселенилэн администрациеныз кивалтӥсь М. Г. Раянов вуизы. «Клубез кемалась ни тупатоно вал. Берло аръёсы солэн липетэз зор шапыкъёсты но ӧз кутын ни», - вераз гурт поселенилэн администрациеныз кивалтӥсь Мадис Гадельянович. Липетлы профнастил басьтон понна проектъя 50 сюрс манет коньдон висъяськем. Со вӧзы 15 сюрс манет гурт поселение висъям. Солы буёл но тупатӥськон ужъёсты быдэстыны мукет арбериос басьтылӥллям. Со сяна, техникаен, ӝутӥськон материалъёсын бадӟым юрттэт возьматэм на крестьян-фермер хозяйствоен кивалтӥсь Г. А. Гильмаутдинов. Нош ужъёсты быдэстон понна калыкез люкан сярысь сюлмаськиллям гуртысьтызы старостаос Валентин Гарейшин но Владимир Багаутдинов.

Калыклэн тупатӥськон ужъёсты быдэстонын сюлмысь тыршемез понна шумпотон кылъёссэ вератэк ӧз чида Николай Миншарапович Хаматдинов но. Со ӟеч тодэ: бадӟым ужез адями огназ уг вормы. «Туэ проект улсын ёросысь укмыс клубъёсын тупатон ужъёс быдэстэмын. Табере байшадыослэн но люкаськон-шулдыръяськон интызы чебер, шулдыр луиз»,- вераз Николай Миншарапович. Нош собере кыл сётӥськиз люкаськем калыклы. Шӧдӥське, соос кемалась витиллям ни вылэм таӵе пумиськонэз. Соин куноослы вань сюлэмшугъяськонзэс усьтыны дыртӥзы. Но та нуналэ соосты тужгес шугъяськыто вылэм сюресэн герӟаськем ужпумъёс. Соин тросэзлы юанъёслы «Башкиравтодор» ОАО-лэн Бурай ёросысь филиалэныз кивалтӥсь Р. З. Вяльшин валэктон сётоно луиз. Байшадыос, гуртысьтызы школазы пытсаськем бере, пиналъёссэс бускельёссы доры – Татышлы ёросысь одӥгаз школае – дышетскыны келяло. Но тулыс но сӥзьыл, тол куазен отчы сюрес уг усьтӥськы. Гуртъёсты бусы сюрес гинэ герӟа угось. Нылпиосты дышетскыны келянэн шугъяськонъёс кылдэмен ик гурт «пересьме», егитъёс палэнэ улыны интыяськыны тыршо. Со клубез усьтонэн герӟаськем ужрадын но яркыт шӧдӥськиз. Татчы тросгес арлыдоос люкаськизы. Пӧлазы кӧня ке егитъёс гинэ адӟиськизы. Со сяна, залын кык пиналъёс пукизы. Ӝоген соос но школае вамыштозы. «Толалтэ ёросъёсты герӟась сюресэз усьтыны нимысьтыз трактор висъяломы, - оскытӥз байшадыосты Рамиль Закирович. - Озьы одӥгзэ лэчыт ужпумдэс палэнтыны юрттомы».

Тупатӥськем клубын нырысетӥез люкаськон шулдыр кырӟан гуръёсын йылпумъяськиз. Та нуналэ татысь сцена вылын, Байшадыысь «Туганэ» ансамбль сяна, Теплякиысь нылкышноослэн «Сударушка» ансамбльзы но быгатонлыксэ возьматӥз. Учкисьёс соослы кужмо кичабонъёсын тау каризы.

Ольга НИГАМАТУЛЛИНА.

Бурай ёрос.

1173

Оставить сообщение:

НАШИ ПАРТНЕРЫ