icon_gotop
18+
autorisation
Войти | Регистрация
Время в Татышле
11:10
Sunday, 17 Октября
Рекламный баннер 990x90px top

Кузь ты дурысь удмурт гуртын

2016-08-18

Татышлы, Янаул ёросъёсын, кылсярысь, удмуртъёс огазьынгес уло ке, Кушнаренко ёросын удмурт гурт одӥг гинэ. Кема аръёс ӵоже бигеръёсын, башкиръёсын артэ улыса но, канлыос анай кылзэс утьыны-вордыны быгатӥллям. Ортчись-мынӥсьёс удмурт кылын ӟечбуръяськыса ортчо. «Ошмес» газетын ужасьёсты юри адӟыны лыктӥм шуыса, клубе вуисьёс но луизы. Вераським, тодматским. Татын милемыз туж шуныт пумитазы. Ческытэсь пыжиськемъёсын, пӧръёсын ӝӧк дасяллям.

Канлы куинь урамъёслэсь сылэ. Тужгес кузез – «Центральная». Вань на «Интернациональная» но «Александрская» урамъёссы. Ульча нимъёслэн кылдэмзы но туж тунсыко.

-Тӥ - егитъёс - оло уд но тодӥське, дыр, азьло гуртъёсын урамъёслэн нимъёссы ӧй вал. Кылсярысь, Канлыын одӥгзэ ульчаез палурам нимало вал. Огдыре урамъёслы ним сётыны ӵектӥзы. Вань гуртэн, шуом, со сярысь малпаськыны кутским. Шоретӥ урам, тодмо ини, «Центральная» луоз. Палурамез кызьы нимано? Пыр-почгес малпаським но, та урамын юртлы быдэ сямен Александр нимо воргоронъёс уло вылэм.

Соослы сӥзьыса нимамын одӥгез ураммы. «Интернациональная» урамын гуртысьтымы одӥг гинэ ӟуч улэ вал, со сяна отын ик бигерен суро семьяосмы вань, - вера гуртысь клубен кивалтӥсь Фаниля Шаймутдинова. 

Фаниля Фанисовна Кушнаренковоын вордскыса будэмын, Канлые быземын. Со бигер ке но, удмурт сямен умой вала. Гурт калыкез сярысь сюлмаськись кышномуртлэн кичӧлтэмезъя, школаысь одӥгаз классын этнографической удмурт сэрег - пичияк музей - кылдытэмын. Удмурт сям-йылолъёсты утён вылысь, Ф. Шаймутдинова «Италмас» ансамбль но кылдытэм.

- Ёросамы радъяськись одӥг ужрад но «Италмас» ансамбльтэк уг ортчы. Удмурт сям-йылолъёсты, кырӟанъёсты но эктонъёсты соос туж умой возьмато. Кылсярысь, туэ сабантуйын вашкала дӥськутъёсын, ужан тӥрлыкъёсын но удмурт сэрег дасяллям вал. Ужрадын ансамбльлы вылӥ дунъет сётӥзы, - данъяськыса вера Ахметово гурт поселенилэн администрациеныз кивалтӥсь Зиля Ялаева.

Зиля Авлияровналэн кылъёсызъя, Канлыын 240-лы матэ адями улэ. Клуб сяна, гуртын библиотека, ФАП, пекарня, вуз карон юрт вань. Жаляса верано, школа пытсаськемен, гурт хозяйство быремен, воргоронъёслы но, нылкышноослы но тросэзлы нуналлы быдэ Уфае ветлыса ужано луэ. Нош музъем, пудо утён ужъёс борды сюлмынызы «бурмемъёс» гуртазы ик ужало. Сыӵеос пӧлын – Регина но Анатолий Хабибуллинъёс.

Кузпалъёс 2011-тӥ арын крестьян фермер хозяйство кылдытӥллям. Соослэн огъя 150 гектар музъемзы лыдъяське. Туэ толйись чабей, йыды кизиллям. Со сяна, 30 йырлы матэ пудо вордо.

- Дас тямыс йыр кысконо скалъёсмы, кунянъёс, вал вань. Уж капчи шуыны уг луы, секыт йӧтэ. Ваньмызлы коньдон тырмытыны туж шуг. Та дыре нуналаз 120-130 литр йӧл кыскиськом, шорлыдын литрзэ 16 манетэн басьто. Турын дасяны техникамы вань. Нош ю тысь октон понна МТС-лы вазиськоно луэ: комбайнмы ӧвӧл угось, - вера Анатолий Хабибуллин.

Хабибуллинъёс вань ужзэс асьсэос быдэсто, шуыны луоз. Соослэн одӥг гинэ ужасьсы – Вадим Фаршатов. Гужем со кырын пудоосты возьма. Нош мукет ужъёсты быдэстыны нылпиоссы юрттӥсько. Артём пизы армиысь бертэмын. Со – атаезлэн бур киез. Куинетӥ классэ мынӥсь Руслан но ужлэсь уг курда, агаезлэсь адӟем карыса, маин быгатэ, анай-атаезлы юрттӥське. Бадӟым хозяйство вордон сяна, Светлана апай Уфае но ужаны ветлыны вутске. «Мылкыд ке вань, котьмалы вакыт шедьтыны луэ», - шуэ Анатолий агай.

Миляуша БУЛАТОВА.

Кушнаренко ёрос. 

2254

Оставить сообщение:

НАШИ ПАРТНЕРЫ