icon_gotop
18+
autorisation
Войти | Регистрация
Время в Татышле
23:17
Пятница, 23 Июля
Рекламный баннер 990x90px top

Кышкыт вотэсэ эн шеде

2016-06-09

- Рамиль Кабирович, республикаын терроризмен но экстремизмен нюръяськон вылысь кыӵе ужъёс быдэстӥсько?

- Экстремизмлы но терроризмлы пумит султон – со Башкортостан Республикаысь исполнительной властьлэн органъёсызлэн но федерал органъёслэн валтӥсь ужпумзы. Та дыре Башкортостан Республикаын терроризмлы пумит сылонъя 2013-2018-тӥ аръёслы кутэм Комплексной план ужа. Со план федерал программа улсын кутэмын. Нырысетӥ интыын – пиналъёсын ужан. Соос экстремизмен но терроризмен герӟаськем ужъёс борды медаз кыстӥське.

- Нош малы пиналъёс?

- Пиналъёс, 13-18 аресъемъёс, ӵем дыръя экстремистъёслэн «жертваоссы» луо. Та аресъёсын нылпиослэн психиказы юнмаса уг вуы - соослэсь котьма «пӧрмытыны» луэ. Огез адреналинзэ поттон амал утча, мукетыз – пумитъяське, куинетӥез «юношеский максимализм» шуонзэ возьматэ - сыӵе пиналъёсты ик утчало вербовщикъёс. Трос дыръя интернетысь, социальной сетьёсысь шедьто. Сообществооссэс, статусъёссэс, суредъёссэс эскерыса тодо, кинэ ужазы кыскыны капчигес луоз. Бӧрысь пиналэн ужаны кутско. Нырысь солэсь куронъёссэ лыдэ басьто, быдэсъяло, берло ини асьсэлэсь малпанъёссэс пыӵато. Нырысь нокин уг вера, ожмаськоно луоз шуыса, «зарни гурезьёсын» пӧяло – дуно машинаос, особнякъёс сярысь кылпум ӝуто. Огъя вераса, каньыл улон кылдытон сярысь верало, со дыре ик пиналэз кулонэ вутто.

- Мар лэсьтӥське солы пумит сылон понна?

- Профилактика. Бадӟым уж быдэстӥське, кытчы пырисько БР-ысь дышетонъя, культурая, егитъёслэн политиказыя но спортъя министерствоос, БР-лэн Тӧроезлэн администрациез бордысь межконфессиональной кусыпъёсъя Кенеш, ёросъёсысь администрациос. Пиналъёслы, егитъёслы пӧртэм ужрадъёс – конкурсъёс, слётъёс, флешмобъёс – радъяськом. 2015-тӥ арын трос акциос ортчытэмын вал, кылсярысь, «Турфест» туристической фестиваль, егит кырӟасьёс пӧлын «Во славу Великой Победы» патриотической кырӟанъёсъя республика конкурс ортчиз. КВН, волонтёръёслэн движенизы азинлыко ужа. Мукет кылын вераса, традиционной дунлыкъёсты - семья, спорт, творчество, ӟечлык - азинтон паськыт ӧръяське. Со сяна, пӧртэм пособиос, методичкаос, социальной реклама трос дасямын. «ВКонтакте» социальной сетьын «Молодёжь Башкортостана за мир и согласие» группа усьтэмын (vk.com/molrb.). Отчы котькуд мылкыд карись пыриськыны быгатэ.

- Семьяын, школаын но пиналъёсты эскерон ужъёс радъяськыны кулэ ук?

- Озьы. Дышетон юртъёсын пӧртэм ужрадъёс, классной часъёс ортчыло, пайдаяськыны ярантэм сайтъёсы «сюрес» пытсамын. Нош анай-атайёс сярысь ке верано – секыт ужпум. Трос семьяосын нылпиослэн но анай-атайёслэн кусыпъёссы тэшкамын. Уждуразы ӝегатскеменызы, анай-атайёс нылпиоссылэсь дырзэс кызьы ортчытэмзэс уг тодо. Нош нылпилы бадӟым саклык висъяны кулэ: ваче син пуксьыса вераськоно, кыӵе сайтъёсы пырамзэ эскероно, эшъёссэ тодоно, кыӵе малпанъёсын улэмзэ валано. Анай-атай вордэм нылпиез понна тужгес матысь эш луыны кулэ.

- Марлы нырысь ик бадӟым саклык висъяно?

- Малпамтэ шорысь пинал вераськисьтэм ке луэ, эшъёссэ ке воштэ, религиен витьымтэ шорысь юн герӟаське ке, яке семьялэн йылолъёсызлэсь ке палэнтӥське, кышкыт югдур сярысь малпаськоно.

- Мар кароно сыӵе дыръя?

- Категоричной луоно ӧвӧл. Котькуд югдур аспӧртэм луэ угось. Пиналдылэн выросъёсыз, ассэ воземез воштӥсько ке, психологлы вазиське. Правоохранительной органъёслэсь кенешъёс басьтэ. Тодады возе, таӵе югдур кылдыку туж чакласькыса выроно.

Кинъёс соос – экстремистъёс?

Кинъёс соос –

экстремистъёс?

Экстремизм – со кышкыт ужъёслы дурбасьтон. Экстремистъёс нимысьтыз адямилы пумит ӧвӧл, соос адямиослэн улон шоры учкемзылы, ӟеч ужъёс лэсьтэмзылы пумит мыно. Экстремистъёс тупаса, каньыл улонэз быдтон сярысь сюлмаськыса уло.

Коррупциен нюръяськон – огъя ужпум

2015-тӥ арын республикаын 800-лы матэ коррупционной йыруж шараямын. Отчы пыро взятка, подкуп но служебной подлог. Мздоимство улонлэн котькуд ӧраз пыремын ни. Но солэн тросэз шараяськытэк кыле. Котьку тодын возёно, коррупцилэн изъянэз пайдаезлэсь трослы бадӟым луэ.

Ми сётӥськом –

соос басьто

Коррупционной йыружъёслэн бадӟым люкетэз – 650-эз – финансово-хозяйственной ужъёсын герӟаськемын. Кылсярысь, шаерамы луэм одӥгез учыр.

2015-тӥ арын инвожо толэзе республикаысь одӥгез ООО-лэн директорез ӝегатэмын вал. Следствилэн лыдпусъёсызъя, со предприятилэн представителезлы 5 миллионлы матэ коньдон ӵектэм, кабель пуктонъя аукционын вормисе потон понна. Полицейскойёс йыртэмасез 200 сюрс манет тыр аванс сётыкуз ӝегатӥзы.

Мукетыз учыр. Белорецкын улӥсь кышномуртлэн машинаысьтыз наркотик шедьтӥзы. Интыысь наркоконтролья ёзэтэ юалляськон понна ӧтем кышномурт оперативной сотрудниклы 200 сюрс коньдон ӵектӥз, эскерон ужъёсты дугдытон понна. Кышномуртлэн ужез судэ ыстэмын.

Кин янгыш?

Коррупцилэн тужгес паськыт вӧлмем ӧрез – со взятка. Кылем арын республикаын 300-лы матэ сыӵе уж шараямын. Нош огъя кӧня сыӵе учыр луэмын, нокин уг тоды. Малы ке шуоно сётӥсь но, басьтӥсь выллем ик, та йыружлы дурбасьтэ. Сыӵе амалэн зачёт сётыны малпало, эмчи доры дырызлэсь вазь шедьыны тыршо, ГИБДД-лэсь штраф басьтытэк туртто…

- Асьмелэн обществоын «искажённой установкаос» вань, - пусъе республикалэн Тӧроез Рустэм Хамитов. - «Ваньзы сёто – ваньзы басьто», «тон – мыным, мон - тыныд», «уд юртты – уд мыны» но мукет. Со дыре ик ваньзы чиновникъёсты, казнокрадъёсты, мздоимецъёсты янгыше уськытыны дырто. Ас бордысеныд кутскыны кулэ. Взятка понна одӥг адями гинэ кыл уг куты. Сётӥсь но, басьтӥсь но йыртэмасен лыдъясько. Соос троссэ 15 арлы пытсэт сьӧры шедьыны быгато.

БР-ысь МВД-лэн иворъёсъя но общественной кусыпъёсъя ёзэтэныз кивалтӥсьлэн Максим Родионовлэн кылъёсызъя, коррупциен герӟаськем фактъёс оперативно-розыскной ужрадъёс ортчытыку шараясько, яке адямиос асьсэос вымогательство, взятка сярысь иворто. Соку котькуд полицилэн ёзэтаз вазиськыны луэ. Сыӵе вазиськонъёс бордын ужало экономической кышкытлыкъёслэсь утиськонъя подразделениысь ӧнерчиос. Вазиськонын полициын ужасьёслэн йыртэмамзы пусъемын ке, уж борды басьтӥське МВД-лэн собственной безопасностья подразделениез.

- Коррупция – системной проблема, - пусъе Рустэм Хамитов. – Одӥг адямиез пытсаса гинэ югдур умой пала уз воштӥськы. Коррупцилы пумит ӵош султоно но ӵошен нюръяськоно.

Башгосуниверситетысь Экономикая, финансъёсъя но бизнесъя институтлэн директорез Рустем Ахунов вера:

- Экономической дунъет сётоно ке, коррупция шаерлы араз 40 миллиард манет тыр изъян вае. Солэн бадӟым люкетэз – ужбергатон ӧрлы. Коррупция луэмен вузъёслэн но услугаослэн дунъёссы будо, нош ӟечлыксы усе, ӟечлыко  конкуренция кулэсме. Экономикаен герӟаськымтэ умойтэм фактор сярысь верано ке, калык кунлы осконзэ ыштэ.

Дасяз

Миляуша БУЛАТОВА.

1353

Оставить сообщение:

НАШИ ПАРТНЕРЫ