icon_gotop
18+
autorisation
Войти | Регистрация
Время в Татышле
14:38
Sunday, 17 Октября
Рекламный баннер 990x90px top

Куинь нылпи – куинь пӧртэм сюлмаськон

2016-05-26

Куинетӥ классэз йылпумъям пияш зэмос кивоштӥсь луыса будэ. Уго тодон-валан люкан сяна, со вын-сузэрзэ учкыны, эшъёсыныз шудыны, юрттӥськыны но вутске. Садриевъёслэн семьяязы нылпиоссылы пичиысен ик ужез яратон мылкыд пыӵатыны тыршо. Тол нуналъёсы соос, кылсярысь,  ӵошен  юрт котырысьтызы лымыез сузяло. Эсьмаса, люкам лымызы но юнме мӧзмыса уг улы. Выль ар азьын со пӧртэм выжыкыл геройёслы, тунсыко пӧйшуръёслы, нискылан гурезьлы пӧрме. Соку выжыкыл дуннелы укшась капка азьысь нылпи куараос уг чалмо ни. Нош куазь шунаса, нылпиослы нимысьтыз кортлэсь тупатэм ӟечыран улӟе. Таиз пумысен пичильтыкъёслэн атайзы сюлмаськем. Со Янаулын «Таргин» ООО-ын токарьын тырше. Кибашлы атаймурт трос дыръя пиоссэ  пулэсь лэсьтэм шудонъёсыныз шумпоттэ. Со сяна, Роберт гуртоосызлы но удысэзъя юрттыны дыр шедьтэ. «Куронмес быгатэмезъя быдэстыны тырше. Ноку пумит уг луы», - верало бускельёсыз.

Роберт Ольга кузпалыныз ог-огзэс валаса дас ар ӵоже улон сюрестӥ ӵошен вамышто. Огъя кужымен яратоно нылпиоссэс пыд йылазы султытон сярысь сюлмасько. Уго куинь нылпи - куинь пӧртэм сюлмаськонъёс. Тросэз соос анаймурт пельпум вылэ усё. Котькуд ӵукна со нылпиоссэ уже келя. Тимурзэ – школае, Севазэ но Виталиназэ – нылпи садэ. Лушкемен верало на та мертчан йырсиё пичи ныллэн нимыз пумысен но. Солэн Виталий нимо песятаез вылэм. Но, жаляса верано, солэн улон сюресэз вазь чигем. Соин кузпалъёс вордӥськем пичи нунызэс, песятаез кадь визьмо мед луоз шуыса, Виталина нималлям. Огез шумпоттэ, егитъёслы нылпиоссэс будэтыны анайзы юрттэ. Соос огазьын уло. Скал кыскисьын ужам Нюра апай котьку пиналъёсыз вӧзын. Озьы ке но со тол нуналъёсы керттӥськыны, черсыны вутӥське, гужемзэ бакчаын ортчытэ. «Висьымтэ дыръя ужасько но ужасько. Чик тэк улэм уг поты. Ужаса улыны ик капчи», - вера со.                                       

Тупаса, огмылкыдын улӥсь семьяын ужен ӵош шутэтскон но вамышъя. Егит кузпалъёс ӵемысь нылпиосынызы нискыланы ветло, куас вылэ султо. Соослэсь адӟем каре Нюра песяйзы но. Гуртысьтызы мукет песянайёсын ӵош со но бодыен ветлыны пота. Озьы быдэс семьяен тазалыко улонэн эшъясько.

Марина НИКОЛАЕВА. 

Янаул ёрос.  

1943

Оставить сообщение:

НАШИ ПАРТНЕРЫ