icon_gotop
18+
autorisation
Войти | Регистрация
Время в Татышле
15:32
Пятница, 29 Марта
Рекламный баннер 990x90px top

Усто нылпиослэн форумазы вуылӥз

09:24 26.05.2016

2016-тӥ арын республикаысь 53 дышетскисьёс усто быгатонлыкъёссэс, трос тодэмзэс возьматӥзы. Соос пӧлысь 43-ез школаын дышетскисьёслэн быдэсросси олимпиадазылэн берпуметӥ этапаз висъяськизы, 10-эз - пӧртэм предметъёсъя регионъёс куспысь но республика олимпиадаосын вормисе потэмъёс. Шумпотымон, форуме  Татышлы ёросысь Улысь Балтач школаын дышетскись Екатерина Шайсламова но вуылӥз.

Дышетскисьлэн вормонэз – со дышетӥсьлэн жадёнэз валатэк тыршемез. Ас ужзэ ӟеч тодӥсь, яратӥсь сюлэмо адями одно ик пиналлэн пуш дуннеяз сюрес шедьтыны быгатоз, кулэ тодон-валан сётоз. Быгатӥсь дышетӥсьёссы луэмен, дышетскисьёс олимпиадаосын но конкурсъёсын вормонъёс утон сяна, улонын асьсэлэсь интызэс но шедьто.

Школаын дышетскытозяз Катялэн вормонъёсыз уно луиллям. Соин ик со Улысь Балтач школаысь вань дышетӥсьёслы тау кылъёссэ вуттэ, нош удмурт кылъя но литературая ӟеч тодон-валанъёсыз понна – дышетӥсезлы Зинаида Тимиряевна Шарафутдиновалы. Вераны кулэ, «Надежда Башкортостана-2016» конкурсэ со республикаын ортчем удмурт кылъя но литературая олимпиадаын вормонлы кузё луэменыз сэрен пыриськиз. Форумысь Катя дипломен берытскиз. Дышетӥсьсэ тау каронэн пусйизы.

Миляуша БУЛАТОВА.

Татышлы ёрос.

6599

Оставить сообщение: