icon_gotop
18+
autorisation
Войти | Регистрация
Время в Татышле
04:22
Пятница, 29 Марта
Рекламный баннер 990x90px top

Быдӟымналэ трос куно ӧтчазы

12:57 05.05.2016

Люкаськонэз усьтыса вылысь барабановкаослы но татчы лыктэм куноослы шуныт кылъёсын вазиськизы Максим гурт поселениен кивалтӥсь А. А. Хузин, БР-ысь удмуртъёслэн национально-культурной центренызы кивалтӥсь С. Г. Гарифуллин, солэн воштӥсез Ю. С. Саитов, историяя но культурая центрен кивалтӥсь И. М. Самигулова. Нош собере кыл сётӥськиз вӧсясьёслы. Соос Инмар-кылчинлы шудо-буро улон курыса вазиськизы. «Оминь» шуккиськиз люкаськем калыклэн куараез котыре. Собере интыысь «Етӥн» ансамбле ветлӥсьёс Быдӟымнал йылолэз возьматӥзы. Вераны кулэ, 1984-тӥ арын кылдэм ансамбль та нуналэ учкисьёслы трос шулдыр кырӟанъёссэ кузьмаз. Шӧдӥське, калык кырӟанъёс аръёс ӵоже но дунлыксэс уг ышто. Та нуналэ гуртоосызлы шулдыр кырӟанзэ кузьмаз на «Чеберина» конкурсын кыкетӥ интыез басьтэм Светлана Набиуллина. Со бере аспӧртэм сцена вылын кыл сётӥськиз куноослы – ёросысьтызы Вуж Варяшысь но Нанядыысь, Андреевкаысь, Барабановкаысь но Шудекысь ансамбльёслы. Вераны кулэ, туэ Быдӟымналэ шумпотыса вуизы Татышлы ёросысь Калмиярысь куинь эктӥсь эшъёс – Валерия Мардамшина, Вика Муллаярова но Екатерина Хайдаршина, «Инвожо» ансамбль, Улысь Балтачысь Олег Марданов. Вылысь Барабановкаын соосты кужмо кичабонъёсын пумитазы.

Пумиськон кузь ӝӧк сьӧрын йылпумъяськиз. Аркаос сое быдэс гуртэн дасяллям. Та нуналэ соос кунооссэс, ческыт пыжиськемъёсын сяна, пӧсь ӝукен но сектазы. Интыысь клубен кивалтӥсьлы Венарий Васиуллинлы бадӟым ужрадэз ортчытыны юрттӥзы ужбергатӥсьёс Маргарита Фазлиахметова но Салима Шарафисламова, «АгроМ» ООО-ен кивалтӥсь Рудольф Шарафутдинов. Туж бадӟым юрттэт возьматӥз на Альмир Хузинэн кивалтоно Максим гурт поселение.  

 Ольга НИГАМАТУЛЛИНА.

4933

Оставить сообщение: