icon_gotop
18+
autorisation
Войти | Регистрация
Время в Татышле
02:29
Четверг, 13 Февраля
Рекламный баннер 990x90px top

Общество

Кузь ты дурысь Канлы
2014-08-28
1909-тӥ арын Максим Прокопьев, Удмурт автономиез кылдытӥсьёс пӧлысь одӥгез тодмо адями, кыдёкысь Канлы гуртэ вуэ но отын школа усьтэ. Начальной школа бӧрысь - сизьым классъем, берлогес тямыс классъем луиз. Та вакытэ нокыӵе школазы ӧвӧл ни, со пытсаськиз.
Лагерьлэн тулкымъёсаз лэйкасько
2014-08-28
9-19-тӥгудырикошконэ Удмурт Элькунысь «Ёлочка» лагерьын быгатӥсь нылпиос понна «Шундыкар-2014» смена радъяськиз. Сое усьтыны кыл сетӥськиз лагерьлэн тӧроезлы Ольга Алексеевна Трониналы: «Ӟечбуресь, пиналъёс, вожатойёс, ӧнерчиос но ӧтем куноос. Тани, 22-тӥарзэ ини «Шундыкар» ӧсъёссэ усьтӥз. Озьыен, тӥ, нылпиос, солэсь историзэ лэсьтӥськоды».
Анаймурт куректэ
2014-08-21
Янаул городын локальной конфликтъёсын бырем солдатъёслы памятник усьтӥзы. «Скорбящая мать» проектэз дасяз Уфаысь тодмо скульптор Халит Галиуллин. Памятник бырем пиез понна куректӥсь анаймуртэз возьматэ. Со пьедестал азе пыдесъяськем. Нош отысь лобӟись туриос вордскем палъёсысьтызы весяклы кошкем егит пиослэн тодметсы луо.
Анай-атайлэн ваньбурез – нылпилэн узырлыкез
2014-08-21
1985-тӥ арын Идиятуллинъёслэн семьяязы шумпотонэн валче секыт адӟон пыриз. Ӵапак соку «Мичурин» хозяйствое выль КСК комбайн басьтӥзы. Солэн рулез сьӧры связьын ужась Аркадий Каюмовичлы пуксьыны ӵектӥзы. «Гуртын улэм бере, хозяйстволы но юрттӥськытэк ӧз луы», - ортчем аръёсты тодаз вайыса вера юрт кузё. Уго со арлы быдэ сямен ӟырдыт бусы ужъёс вакытэ паськытэсь бусыосын комбайнэн тыршиз. Со куштӥськем комбайнъёсты тупатъяса но нырысетӥос пӧлын луылӥз. Та ласянь солы атаезлэн визь-кенешъёсыз но, оло, юрттӥзы. Каюм Идиятуллович быдэс улонзэ гурт удыслы сӥзиз. Быдӟым Атыкай ожысь ветеран берло аръёссэ ЗИЗ-150 машинаен ужаз. «Та машинаез керттылыса ке но пенсие потытозь нулло», - трос дыръя серекъялляз со. Каюм Идиятуллович «корт эшсэ» тол куазен, сюресъёс луымтэен, гуртлэсь палэнэ кельтылэм. Нош ӵукна сое вырӟытон понна быректэм ву ныпъяса поттылэм.
«Усточикар», эн лэзьы бурдъёстэ!
2014-08-14
Али гинэ вал кадь «Усточикар» лагерьлэн усьтӥськем нуналъёсыз. Нош табере дас кык яркытэсь но ноку вунонтэм нуналъёс тодэ вайыны гинэ кылемын ни. Дас кыкетӥ гудырикошкон толэзе лагерь ӧсъёссэ ворсаз.
Кырӟа, эктэ, ческыт пӧраськыны быгатэ
2014-08-14
Та синмаськымон пальпотӥсь егит пияш Татышлы ёросысь Улысь Балтач гуртын улэ. Эшъёсыз сое яратыса но гажаса Ростик шуо.
Воштӥськонъёс - ӟечезлы оскон
2014-08-14
Татышлы ёросысь «Дэмен» СПК-лэн секыт югдуре шедёнэзлы азьвыл аръёсы нокин ӧз оскы, дыр. Уго татын котькуд уж азинлыко быдэстӥськиз: бусыосын ю-нянь шаулаз, фермаосын пудоос пуж-пуж йӧл сётӥзы. Озьы «Дэмен» СПК ёросысь кужмо хозяй¬ствоос пӧлын луиз. Но берло аръёсы татысь ужъёс шӧдскымон «чутыны» кутскизы. Соин, вылды, таиз арысь воштӥськонъёслы кинъёс ке оло шумпотӥзы но, дыр, сюлмазы ӟечезлы оскон кылдӥз. Туэ «Дэмен» СПК-е Уфаысь инвесторъёс вуизы. Соослэн юрттэменызы тулыс куазен бусыосы ӟеч ю тысь пыриз, техника пумысен но бадӟымесь сюлмаськонъёс ӧз кылдэ. Табере дэменъёс солэн буй-буй удал¬тонлыкезлы оско. Нош та нуналъёсы соос пудо сиён дасян бордын ӟырдыт ужъёс нуо.
Пальпотэ «Усточикар», шумпотэ удмурт пинал!
2014-08-07
Котькуд ар гудырикошкон толэзе Татышлы ёросысь Вязовка гурт вӧзысь пужымо нюлэс пӧлын выжыкыл дунне улӟе. Со Башкортостанын но солэн палэназ улӥсь удмурт пиналъёсты огазе люка. Таяз арын но Комаров нимо лагерьын «Усточикар» сменалэн ӧсъёсыз усьтӥськизы. «Усточикар» кыл удмурт пиналъёслы туж матын, туж дуно но трос тодэ ваёнъёсын герӟаськемын.
Гырпумез уд куртчы
2014-08-07
«Крутой тачкаен» ворттылон, особнякъёсын яке коттеджъёсын улон туннэ нуналэ тросэзлэсь узырлыксэ уг возьматы, «пунэмаса улонэн» лыдъяське.
Калыкен ужан шугъяськонъёс уз кылдыты
2014-07-31
Башкортостанысь городъёс но ёросъёс Украинаысь вуэм калыкез пумитаны дась. Республика селектор совещаниын со сярысь ивортӥз президентлэсь ужъёссэ быдэсъясь Рустэм Хамитов.
Тодон-валан – улонын юрттэт
2014-07-24
Евгений Гузаеров – Татышлы ёросысь Улысь Балтач школаысь одӥгез усто дышетскись. Туэ со ёросысь ньыль предметъёсъя олимпиадаосын школаезлэсь данзэ утем. Биология, экология, геграфия но правоведение предметъёсын тунсыкъяськись пияш ужрадын ӟеч тодон-валанзэ возьматыса, «призёр» нимлы дано луэм. Азьланяз со улонзэ наукаен герӟаны малпа, биология ӧрез, пе, быръё.
Арлэн котькуд вакытаз
2014-07-24
ТАТЫШЛЫ ёросысь «Агро-Танып» СПК ӟеч возиськись хозяйствоен лыдъяське. Татын ужасьёс пӧлысь егит ӧнерчиосты но пумитаны луэ.
Ульчаосын нылпи куараос мед чузъяськозы
2014-07-24
Арлян Янаул городлы 12 иськемлы палэнэ интыяськемын. Солэн кылдон сюресэз кыдёкысь 1807-тӥ арен герӟаськемын. Гуртэз кылдытонын Уранской волостьысь башкиръёс кичӧлтӥсь луиллям. Нош туннэ Арлянлэсь историзэ удмуртъёс азинто.
Нылпи дуннеез быръем эшъёс
2014-07-17
Алия Аксаитова но Дания Хабибуллина Янаул ёросысь Вот. Ошья гуртын вордскиллям. Кышномуртъёс пичиысен эшъясько. Школаын дышетскыкузы соос котьку парта сьӧрын ӵошен пукиллям. Уж удыс но огвыллем бырйиллям: воспитательлы дышетскиллям. Тодон-валан басьтыса, 1986-тӥ арын егит ӧнерчиос Выль Артаулысь «Василёк» нылпи садын ужаны кутскиллям. Семья кылдытэм беразы гинэ матысь эшъёслэн ваче азинскись сюрессы воштӥськем. Алия Минкаировна гуртысьтыз пияшен улонзэ герӟам, Дания Алексеевна Выль Артаул пияшлы бызем.
Гужем куазь ӟырдыт ужамез кулэ каре
2014-07-10
ГУЖЕМ гурт хозяйствоын ужасьёс понна котькуд нунал лыдъямын луэ. Бусы ужъёсты дыраз лэсьтоно, турын дасяно, хозяйствоез сенажен, силосэн тырмытоно. Ваньмыз вутскемез, уж шоры кузё синмын учкемез кулэ каре.
Удмуртъёсты огазеяз «Элен»
2014-07-03
2008-тӥ арын Алтауын одӥг нуналэ куинь бадӟым ужрадъёс ортчизы. Ӵапак соку ик республикаямы быдӟым Элен вӧсь улӟиз. «Осто, Инмаре-Кылчинэ» чузъяськиз со нуналэ котырак. Нош таиз арысь 29-тӥ инвожое Алтау музъем вылын куинетӥ ползэ ни Быдӟым вӧсьын Инмарлы вазиськизы. Озьыен, туэ со огъя сизьыметӥ ползэ радъяськиз. Элен вӧсьын арысь аре республикаысьтымы Алтауын но Вуж Варяшын сяна, Пермь шаерысь Кирга музъем вылын но йыбыртто.
«Гуртэ, мынам гуртэ…»
2014-07-03
«Гуртэ, мынам гуртэ. Бадӟым ик со ӧвӧл…» - Г. Корепанов-Камскийлэн чуръёсыныз усьтӥзы гуртлы сӥзем праздникез ужрадэз нуисьёс Лидия Пукрокова но Гульфиза Садриева.
Тыршемлэн емышез медло
2014-06-26
Гурт удысын тыршисьёс тулыс гырон-кизён ужъёс бере шутэтскыны но ӧз вуэ, мукетыз ӟырдыт дыр кутскиз - пудо сиён дасян. Та ужпумлы хозяйствоосын бадӟым саклык висъяське. Дыраз тырмыт турын, силос, сенаж дасямтэ хозяйствоослы толалтэ секыт йӧтэ угось. Та выллем шуг-секытъёсын гуртын улӥсьёс зоръёс луымтэ аръёсын трос пол пумиськылӥзы ни.
Солдат улонэз веръязы
2014-06-26
Кыкетӥ арзэ ни Татышлы ёросысь Улысь Балтач школаын нылпиос понна «Юный спецназовец» профильной военно-спортивной лагерь ужаз. Отын пиналъёс дас нунал ӵоже мугоръёссэс кыдатӥзы, родинамес утисьёслэн радазы султыны дасьлыксэс возьматӥзы. Пиналъёслэн стройын сылыны, пыӵал-тӥрлыкъёсын, противогазэн вырыны быгатонлыкъёссылы вылӥдунъет сётыны луэ.
Аслад лэсьтэм ужед котьмалэсь дуно
2014-06-26
Татышлы ёросысь Выль Татышлы гуртын улӥсь Вадим Зиядуллинэз тросэз усточи шуыса тодо.