«Чакаралэн» куараез кыдёке чузъяськиз
2014-05-01
2009-тӥ арын Ижевскын нырысьсэ Камсьӧр удмуртъёслэн фестивальзы ортчиз.
Сюлмазы калык кырӟан гуръёс курисько
2014-05-01
Таиз арысь «Чакара» Выль Татышлы школаын дышетскись Алина но Линда Гильмановаослэн (туспуктэм вылын паллянысен буре) кемалы тодазы кылёз. Сузэръёс нырысьсэ улосвылкуспо фестивале пы¬риськизы но жингрес куарао-сынызы паймытӥзы. Нылъёс нырысь туала пиналъёслэсь калык кырӟанзэс возьматӥзы, нош собере – вашкалае «вамыштӥзы». Озьы сцена вылын кык туклячиос пумиськизы. Та вакытэ тросэз ӧз но малпалэ, дыр, учкисьёсты кыкетӥ но сизьыметӥ классын дышетскись нылъёс шулдырто шуыса.
Нылпи синъёс, шудо аръёс
2014-05-01
Янаул ёросысь Шудек гуртын улӥсь Ралина Михайловна Гареевалэн улонэз пиналъёслы визьнод сётонэн герӟаськиз. Трос аръёс ӵоже дышетӥсь тодон-валан дуннеын «пӧзьыса» улӥз. Ралина Михайловна БР-ысь дышетон удысысь отличник луэ. Солэн ужез ёрос, республика грамотаосын но дипломъёсын пусъемын. Кема ӧвӧл дышетӥсь юбилейзэ пусйиз. Доразы куное кожылыса, мон гажано дышетӥсен пумиськи.
Чебересь, шаплыесь но йӧноесь
2014-04-24
Янаул ёросысь Вуж Варяш гуртысь культура юрт республикаысьтымы чебер нылъёсты пумитаз. 18-тӥоштолэзе татын ньылетӥез «Чеберина» конкурс ортчиз. Со кык арлы одӥг пол радъяське. Отчы пыриськон понна, нылъёс чебер мугорынызы данъяськон сяна, удмурт кылэз но ӟеч тодыны кулэ. Таяз арысь вожвылъяськонэ Калтасы, Татышлы, Янаул ёросъёсысь но Нефтекамск городысь укмыс чеберайёс вуизы. «Туннэ татчы республикаысьтымы тужгес чебер удмурт нылъёс люкаськизы, - шумпотон мылкыдзэ усьтӥз БР-ысь Эшъяськон юртлэн кивалтӥсезлэн воштӥсез В. А. Фарганова. - Соос сям-йылолъёсты ӟеч тодэмзэс, киужлы усто луэмзэс возьматозы».
Кырӟаса но вераса, мылкыдъёсмес бурдъяса
2014-04-24
Фольклор коллективъёсты учкыса, ӵем дыръя йыре малпан лыктэ: нош кызьы кылдо коллективъёс? Кырӟаны, вераны, эктыны яратӥсь капчи мылкыдо адямиос огазе кариськыса ужаны малпало? Оло нош сыӵе адямиосты клубын ужасьёс сцена вылэ, лулчеберет дуннее кыско?
Нырысетӥ «кечсинъёс»
2014-04-24
Нюлэс кушъёсын чебересь кеч¬синъёс ӧз ӝужалэ на. Нош лымы улысь соос интые тол ӵоже люкам ваньбуръёсмы «ӝутско» ни. Соос пӧлын тужгес трос пумисько пӧртэм ӟенеликъёс. Соин куддыр паймоно: макем узыр улӥськом асьмеос. Но со пумысен туж шумпотоно ӧвӧл, вылды. Уго со выллем узырлык куддыр трос синкылиен берыктӥське. Азьвыл аръ¬ёсы тросэз кузпалъёссы яке пиоссы коньдонзэс водкалы яке сурлы быд¬то шуыса ке ӝожтӥськизы, табере со¬осты спирт воштэ. Калыкын сое «фан¬фурик» нимало. Та выллем суретэз (сое оло спиртэн ниманы но уз луы) вуэн сураса, 40 градусъем курыт юон пӧрмытыны луэ. Басьяськисьёслэсь коньдонзэс со шӧдскымон шыръя. Нош тазалыксэс вормонтэм «сюпсе».
Калык пӧртэм сюлмаськонэн улэ
2014-04-17
Туннэ нуналэ республикаысьтымы аскивалтэт кун бюджетысь юрттэт вылын возиське. Озьыен, соослы ужъёссэс быдэстыны дотациос сётӥсько. Гурт поселениослэн асьсэ кужыменызы пыртэм бюджетсы туж пичи луэ. Угось интыысь бюджет налогъёслэсь кылдэ. Гурт поселенилэн музъем вылаз мувӧй поттӥсьёс яке мукет бадӟым огазеяськонъёс ӧвӧл ке, трос коньдон пыртонлы осконэз ӧвӧл. Нош асьмеос, огшоры калык, со сярысь куддыр чик ум малпаське. Сельсоветлэн коньдон пуйыез пыдэстэм кожаськом. Соин ӵемысь кивалтэтэз вормонтэмзэ но быдэстыны куриськом. Озьы нуналысь нуналэ пӧртэм юанъёсын яке сюлмаськонъёсын сельсоветэ дыртӥськом. Туннэ соос пӧлысь кӧняезлэн ке ужъёсынызы тодматском.
«Выжы кыл» пӧртэм калыкъёсты люказ
2014-04-17
Екатеринбургын удмурт фольклоръя куинетӥез «Выжы кыл» регионъёс куспысь фестиваль ортчиз.
Кусыпъёс юнмалозы, эшъяськонмы кужмоялоз
2014-04-17
Кылем арняын БР-ысь Культурая министерстволэн но Калык творчествоя республика центрлэн кичӧлтэмзыя культура удысын ужасьёслэн семинарзы радъяськиз. Ньыль нунал ӵоже радъяськем ужрадын Удмурт Элькунысь делегациез пумитаны чакламын вал. Отчы Ува, Шаркан, Сюмси, Якшур-Бодья, Пичи Пурга, Камбарка ёросъёсысь но Ижевск городысь культура юртъёслэн кивалтӥсьёссы пыриськизы. Делегациен кивалтӥз УР-ысь культура удысын ужасьёслэсь квалификацизэс будэтонъя центрлэн кивалтӥсез О. Н. Гелюх.
Таза анай-атай - шудо нылпи
2014-04-10
Россиын берло аръёсы наркотикен, юонэн, кысконэн нюръяськон ласянь бадӟым ужъёс нуисько.Озьы РФ-ысь Президентлэн В. В. Путинлэн косэмезъя шаерамы нимысьтыз Концепция дасямын. Со улсын республикаямы 2011-тӥ арысен «Трезвое село» проект быдэстӥське. Отчы 180-лэсь ятыр гуртъёс но городъёс пыриськыны мылкыд каризы. Проект калыкез тазалыко улонэн эшъяськытон, егитъёс пӧлын кысконэн, юонэн но наркотикен эшъяськисьёслэсь лыдзэс кулэстон вылысь радъяське. Туннэ «Трезвое село», Башкортостанын сяна, Новосибирск шаерын, Свердловск но Тюмень улосвылъёсын, Удмуртиын но Тыва Республикаын быдэстӥське. Татысь кивалтэтъёс оско: урод сямъёсты вормыны луоно.
Библиотекаын тунсыко арня ортчиз
2014-04-10
Балтач ёросысь Асавка гуртысь Совето Союзысь Геройлэсь Уль¬мас Шакирович Шакировлэсь нимзэ нуллӥсь модельной библиотекаын пӧртэм ужрадъёс ортчыло. Кема ӧвӧл татын нылпи книгаослы сӥзем арня луиз. Сое библиотекарь Гульфиза Са¬дриева ортчытӥз но Лулчеберетлэн арезлы сӥзиз. Нырысь библиотекае пичи лыдӟисьёс вуизы, соос понна тунсыко экскурсия радъяськиз. Пиналъёс пӧртэм писательёслэн но поэтъёслэн нылпиос понна гожтэм чуръёсынызы, выль книгаосынызы тодматскизы.
Лулчеберетлэн зарни сиосыз
2014-04-03
Башкортостан Республикалэн Президентэзлэн Р. З. Хамитовлэн Указэзъя, 2014-тӥ ар Башкортостанын Лул-чеберетлэн ареныз ялэмын. 23-тӥ толшоре Уфаысь Искусствоя училищелэн Концерт залаз Лулчеберетлэсь арзэ усьтон ужрад ортчиз. Со улсын республикаын муниципал огазеяськонъёс пӧлын «Культурная столица Башкортостана» марафон радъяське. Со нырысетӥ вамышъёссэ лэсьтӥз республикалэн уйпал-шундыпуксёнпал люкетаз интыяськем ёросъёсысен. Ар ӵоже марафон шаерлэсь котькуд карзэ но ёроссэ пыр потоз. Ужрад ар пумын Уфаын йылпумъяськоз.
Киргаысь зангариос
2014-04-03
Куинь ар талэсь азьвыл Куеда ёросысь Кирга школаын нылпиослэн «Зангари» ансамбльзы кылдӥз.
Эшъяськон – бадӟым кужым
2014-03-27
Ужрадэ Балтач ёросысь Асавка, Бурай ёросысь Выль Тазлар, Калтасы ёросысь Бадӟым Качак, Татышлы ёросысь Арибаш, Выль Татышлы, Калмияр, Кызыл-Яр, Улысь Балтач, Уразгильды но Янаул ёросысь Вуж Варяш, Каймашабаш, Максим, Сандугач, Шудек школаосысь пиналъёс вуизы. Арибаш школаын дышетскисьёс фестивале нырысьсэ пыриськизы.
Жингрес гурен тырмем аръёс
2014-03-27
Та нуналъёсы Свердловск улосвылысь Дегтярскын «Италмас» фольклор ансамбльлэн кылдэмез дырысен 10 ар тырмонлы сӥзем ужрад ортчиз.
Бакчазы узыр емышъёсын, школазы - нылпи куараосын
2014-03-27
Туала улонамы школаос пӧртэм секытлыкъёсты чидано луо. Пиналъёслэн лыдзы арысь аре кулэсме, предметъёс пӧртэм воштӥськонъёсты чидало, дышетӥсьёс ужтэк кылё. Озьы ке но школаосын ужъёс пӧзё, улон азьланьтӥське, пиналъёс тодон-валан дуннее шумпотыса мыно. Татышлы ёросысь Кызыл-Яр школаез гуртэ пырыку ик синйылтоно.
«Чеберина» республика конкурслэн ПОЛОЖЕНИЕЗ
2014-03-20
Ортчоно дыр но инты: 2014-тӥ арысь 18-тӥ оштолэзе; Янаул ёросысь Вуж Варяш гуртысь культура юрт.
Кутсконэз: 14.00 часын.
Конкурсэз радъясьёс: БР-ысь Калыкъёслэн эшъяськон юртсы, БР-ысь удмуртъёслэн национально-культурной центрзы, Янаул ёрос администрация.
Бадӟым букваен Дышетӥсь
2014-03-13
Котькуд адямилэн пичи, егит дыръёсыз тодон-валан юртэн, дышетӥсен герӟаськемын луо. Котькинлэн яратоно, мур тодон-валан сётэм дышетӥсез вань шуи ке но уг янгыша, дыр.
Пичиос шумпото - нылпи садэ ӵукна дырто
2014-03-13
Янаул ёросысь Сандугач гуртысь анай-атайёс но пичи пиналъёс понна кема возьмам нунал вуиз: тулыспал толэзьлэн кутсконаз гуртазы нылпи сад усьтӥзы.
Котьку мед луоз анай
2014-03-06
Тулыспал толэзьлэн берпуметӥ нуналъёсаз республикаысь 58 нылкышноосты «Анаймурт дан» медален пусйизы. Соосты ӟечкылаз Башкортостанысь Правительстволэн Премьер-министрезлэн воштӥсез Лилия Гумерова. Со дано анаймуртъёслы БР-лэн Президентэзлэсь Р. З. Хамитовлэсь ӟечкылан кылъёссэ но вуттӥз. Та нуналэ Калтасы ёросысь вить анаймуртъёслы медаль бырттӥзы. Соос пӧлын луиз Туганеевоысь вить нылпиослэн анайзы Венера Галимьяновна Зайнетдинова.
