Культура

Туала ӝог бызись улонын калык шутэтскон дырзэ кызьы радъя? Тужгес но гуртын улӥсь калык ке со. Тулысэн гужемез ке верано, та кысык дыръёсы гуртын улӥсьёс шутэтскон сярысь малпаськыны ик дышемын ӧвӧл. Бакчаын, юрт котырын пӧртэм ужъёс «пӧзьыку», кыӵе шутэтскон луоз? Тулысэн, гужемен но сӥзьылэн ваньзэ мерттыны, утялтыны, будэтыса октыны вутсконо. Соин ик гурт калыкез нокыӵе кунгож сьӧрысь зарезьёсын но курортъёсын, чебересь интыосын уд синмаськыты. Та дыръёсы соослы дор палъёссы, юрт котырзы, пудо-животъёссы но бакчазы котьмалэсь дуно. Гурт калыкез уж бордысь нокыӵе кужымен ишкалтыны уз луы. Мукет ласянь ке учконо, нош кытын шутэтскод? Кыдёкысь выжыкыл интыосы вуылон понна кисыед «зӧк» луыны кулэ. Собере дор палъёслэсь мозмытскыса кошкыны дӥсьтон но кулэ на. Кунгож сьӧрысь шаеръёсы самолётэн но лобоно луоз, поездэн но мынытэк уз луы. Нош усьылӥсь самолётъёс, шуккиськем поездъёс сярысь берло дыре трос кылыны луэ. Ойдолэ, пыдлось малпаськытэк, дор палъёсысь шутэтскон интыос утчаломе. Берло дыре Аскино ёросысь «Танып» санаторие ветлэмъёс сярысь ӵемысь кылыны луэ, яке тросэз Караиделе вуылэменызы ушъяськозы. Нош татышлыос табере асьсэлэн шутэтскон интызы сярысь вераны быгатозы.

17-ТӤ ТОЛШОРЕ Янаул ёросысь Вуж Варяш гуртын бадӟым, тодэ кыльымон ужрад ортчиз. Тупатъян ужъёсты пыр потэм культура юрт та нуналэ выльысь ӧсъёссэ усьтӥз. Ужрадэ трос гуртоос люкаськизы. Соос шоры учкыса, валаны луиз: шуныт, югыт, шулдыр юртлэн усьтӥськемез котькинлы шумпотон ваиз. Тупатъян ужъёсын сэрен ик, гуртын кемалась ини концертъёс но, тунсыко ужрадъёс но ӧз ортчылэ. Та нуналэ калык татчы шутэтскыны вуиз.

Кема ӧвӧл Удмурт Республикалэн шоркараз арганчиослэн но частушкаосты быдэсъясьёслэн «Играй и пой, удмуртская гармонь!» нырысетӥрегионъёс куспысь фестиваль-конкурссы ортчиз. Отчы трос арганчиос, частушкаосты быдэсъясьёс пыриськизы.

Одӥгаз толшор нуналэ Куеда ёросысь Кирга гуртысь культура юртэ трос калык люкаськиз. Вож кыз котырын пӧртэм шудонъёс, кырӟанъёс, тунсыко конкурсъёс ортчизы. «Нош кинъёс шулдыръяськизы?» – юалоды тӥ. Тол праздникъёсты азьланьтыса, кыз котырын арлыдоос шулдыръяськизы.

1993-тӥ арысь 24-тӥ толсуре Башкортостан Республикалэн Конституциез кутэмын вал. Валтӥсь законлы таяз арын 20 ар тырме.

Матэктэ Выль ар, соин ӵош ик тодэ лыкто пичи дырысь тунсыко малпанъёс, учыръёс, син азе пуксё Тол бабайлэн кузьымъёсыз, чеберъям кызъёс…

Ижкарысь Эшъяськон юртын «21-тӥдаурысь егитъёс» улоскуспо научно-практической конференция ортчиз, туэ со кыкетӥзэ радъямын ни вал. Солэн ужаз пыриськизы Удмурт Элькунысь, Татарстанысь, Марий Элысь, Киров но Свердловск улосвылъёсысь егитъёс, тодосчиос, егитъёсын кивалтӥсьёс, усточиос. Конференцие Башкортостан Республикаысь Балтач, Татышлы, Калтасы, Янаул, Кушнаренко ёросъёсысь дышетӥсьёс но нылпиос вуылӥзы.

Лымы усем бере, гуртъёсын бадӟым ужъёс кутско. Та вакытэ тросэз пудооссэс, бурдооссэс вандыны тыршо. Андреевкаысь Рида но Анфир Хасфатуллинъёс но та ужен ӧз ӝегалэ – ӟазег ишкон веме ортчытӥзы. Туэ соос 75 ӟазег утизы-вордӥзы. «Кылем арын асьмелэсь бурдоосмес быдтӥмы, соин табере басьтэменыз гинэ буйгатсконо луиськомы», - вера со пумысен кузё кышно.

Дунне вылын горд йырсиен адямиос 3 процент луо. Соос тросгес пумисько финн-угор калыкъёс пӧлын. Горд йырсиё адями мукетъёс пӧлын котьку тодмо луэ, син шоры йӧтэ. Горд тусъ¬ем йырсиен адямиос пӧлын пӧртэм ласянь таланто адя¬миос ӵем пумисько. Тодады ваелэ, шуом, тодмо удмурт суредасез Менсадык Гариповез. Горд йырсиё адямиосыз шундылэн нылпиосыныз лыдъяло.

Янаул ёросысь Каймашабаш школа 21-тӥшуркынмонэ ас дораз куноосты пумитаз. Та нуналэ ёрос школаосысь удмурт кылъя но литературая, биология предметъёсъя дышетӥсьёс люкаськизы. Урокъёс ортчем бере «Жингырты, удмурт кырӟан» конкурс радъяськиз. Отын 5-9- тӥклассъёсын дышетскись пиналъёс ас кожазы но дуэтын кырӟаса, быгатэмзэс возьматӥзы.

Туэ гудырикошкон толэзе Курск городлэн Горд Площадяз Быдӟым Атыкай ожын вормонлы 70 ар тырмонлы сӥзем «Салют Победы» калык творчествоя быдэсроссия фестиваль нырысетӥвамышъёссэ лэсьтӥз. Ужрадэ Россилэн пӧртэм регионъёсысьтыз калык творчествоя коллективъёс пыриськизы.

Бурай ёросысь Алтау гуртэ ву¬ыса, ми культура юртэн кивалтӥсь Ирина Байкузовна Шарафутдиноваен вераськон мытӥм. Со ас удысаз кызь вить арлэсь кема тырше ини. Ирина Байкузовна БР-ысь Культура удысысь сӥё-дано ужась нимен пусъемын.

Нефтекамскысь дышетӥсьёсты дасянъя колледж кылдэмез дырысен 25 ар тырмонзэ пусйиз.

Кылем арняын Свердловск улосвылысь Культурая министерстволэн но Калык творчествоя дворецлэн кичӧлтэмзы улсын, удмурт фольклоръя «Выжы кыл» региональной фестиваль ортчиз. Ужрадэз дасязы но радъязы Свердловск улосвылысь удмуртъёслэн «Эгес» национально-культурной огазеяськонзы но Екатеринбургысь удмуртъёслэн национально-культурной автономизы. Екатеринбургысь «Азвесь гур» ансамбльлэсь дас арзэ пусъён ужрад но та нуналэ ик тупаз.

Татышлы ёросын арлы быдэ кырӟасьёс пӧлын 10-лэсь ятыр конкурсъёс ортчыло. Нош та нуналъёсы соослэн лыдзы «Жингыртэ удмурт кырӟан» ужрадэн йылӥз. Со 25-тӥ коньывуонэ Калмияр гуртын ортчиз. Выль конкурсэз ёросысь культура ёзэтэн кивалтӥсьлэн С. Г. Гарифуллинлэн кичӧлтэмезъя «Агро-Танып» СПК радъяз. Табере со ёросысь кырӟасьёсты кык арлы одӥг пол люкалоз.

ФИНН-УГОР дуннеын ӵыжы-выжы калыкъёслэн нуналъёссы бадӟым праздникен лыдъяське. Эстониын сое нырысьсэ 78 ар талэсь азьвыл пусйыны кутскизы. Но 1940-тӥ арын со дугдытэмын вал. Эстониысь венгер обществолэн кичӧлтэмез улсын, 1988-тӥ арын сое выльысь улӟытӥзы. Озьыен, ӵыжы-выжы калыкъёслэн нуналъёссы туэ 25-тӥ ползэ радъяськизы. Эстон шаер пӧртэм кунъёсысь финн-угор куноосты пумитаз. Россия удмуртъёс пӧлысь отчы Баш­кортостанысь Татышлы ёросысь Вязовка гуртысь «Уӵы ныл» ансамблез келяз. Кунгож сьӧры вуылэмзы сярысь маде ансамбльлэн кивалтӥсез Фанил Нуриахметов.

Янаул ёросысь Максим школаын дышетскись пиналъёслэн «Алтын ай» («Зарни толэзь») ансамбльзы школаын гинэ ӧвӧл, ёросазы но тодмо луэ. Кырӟаны, эктыны яратӥсь пиналъёсты огазеясь коллектив аслаз чебересь костюмъёсыныз но паймытэ. Коллективлэн репертуараз бигер, удмурт, афган, инди но мукет калыкъёслэн эктонъёссы пумисько. Коллективен дышетӥсь Ильсияр Идрисовна Шарипова кивалтэ.

КУАРУСЁН толэзьлэн нырысетӥ нуналэз Свердловск улосвылын бадӟым праздниклы сӥземын вал. 2002-тӥарын губернаторен Эдуард Росселен юнматэм «День народов Свердловской области» улосвыл ужрад туэ дасэтӥ ползэ ортчиз.