icon_gotop
18+
autorisation
Войти | Регистрация
Время в Татышле
04:56
Sunday, 28 Ноября
Рекламный баннер 990x90px top

Культура

Киссаос но вӧсяськизы
2017-07-06
Берло дыре тросэз пичи удмурт гуртъёс бырон югдуре вуэмын. Егитъёслы уж луымтэен, школаос ворсаськемен, умой сюресъёс ӧвӧлэн, отын улӥсьёслэн лыдзы кулэсме. Со выллем югдур вал Бурай ёросысь Касиярово гуртын но. Гурт калык умме усемын кадь вал: нокыӵе ужрадъёс соосты иземысь ӧз сайкатъялэ. Колхоз ферма но основной школа пытсаськемен, та суред начармиз гинэ. Гурт калык каллен удмурт сям-нергеосызлэсь но куштӥськыны кутскиз. Ог 25 арлы чалмизы вӧсяськон интыос: гуртоос отчы люкаськемысь кемалась дугдӥзы.
Шулдыръяськонлэн шорсюлмыз – бусы ужасьёсты данъян
2017-06-30
Удмурт Элькунын, бусы ужасьёсты данъяса, бадӟым шулдыръяськон ортчиз. Соослэсь шумпотонзэс люкыны Татарстанысь, Башкортостанысь, Марий Элысь, Киров улосвылысь, Пермь шаерысь делегациос вуизы. Озьы Можга ёрос одӥг нуналэ тямыс сюрслэсь трос куноосты пумитаз. Туэ «Гербер» татысь Малая Сюга гурт вӧзын ортчиз. Можгаос кунооссэс нимысьтыз дасям капка азьын пумитазы.
Усьты аслэсьтыд шаердэ
2017-06-01
Берло дыре гужем кырын, палаткаосын, шутэтскон паськытгес но паськытгес вӧлме. Котькин шаерысьтыз чебересь, тодмо луись интыоссэ усьтыны мылкыд каре. Республикаямы сыӵе интыос трос. Куд-огъёстӥз ӵошен «ортчоме».
Синъёсады мед пиштоз яркыт тылгизьы
2017-06-01
Инмысь вуюись шоры учкыса ноку уд тыры. Чебересь буёлъёслэсь кылдэм выж кыӵе ке но аспӧртэм, выжыкылъёслы узыр шаере нуэ кадь, кытын быдэсмо вань малпанъёс. Вуюисен ик ӵошатыны луэ нылпиосты но. Соос шумпотто, бурдъяло, улыны кужым сёто, быгатонлыкъёсынызы паймыто. Пиналъёс шоры учкыса ӟечезлы осконмы будэ.
Вормонъёссы выль ужъёсы бурдъяло
2017-05-11
Калтасы ёросысь Бадӟым Туганеево гуртысь «Марӟан» фольклор ансамбль 2014-тӥ арын мыло-кыдо ужаны кутскиз. Сое выльысь «улӟытон» но люкан бордын трос ужаз гуртысь клубен кивалтӥсь Лилияна Шарафутдинова. Со дырысен ни нылкышно ансамбль культура удысын ассэ рос-прос возьматэ.
«Та нунал мон понна вунонтэм кылёз»
2017-04-27
Кылем арняын Татышлы ёросысь Выль Татышлы культура юртын улосчимылэн, удмурт гожъясьлэн, журналистлэн, Россиысь Писательёслэн союззылэн но Россиысь Журналистъёслэн союззылэн ёзчиезлэн, Россиысь огъя дышетонысь дано ужасьлэн, Удмурт Республикаысь культура удысысь сӥё-дано ужасьлэн, Эстониысь Ӵыжы-выжы калыкъёсъя программалэн премиезлэн лауреатэзлэн, «Кизили» журналлэн валтӥсь редакторезлэн У. Ш. Бадретдиновлэн творчествоезлы сӥзем ӝыт ортчиз. Пумиськонэ Ульфат Шайхутдинович матысь эшъёсыныз – удмурт кылбурчиен, тележурналистэн, Россиысь Писательёслэн союззылэн ёзчиеныз, Удмуртиысь но Россиысь дано ужасен Семён Карповен, кылбурчиен Люза Бадретдиноваен, Удмурт Республикаысь дано журналистэн, «Байгурезь» газетэз кылдытӥсь но солэн азьвыл редактореныз Валерий Нуриахметовен - вуиз.
Сюлэмаз крезьгур улэ
2017-04-27
Мар со культура юрт яке клуб гурт понна? Со – гуртлэн сюлэмез, шуысал мон. Ужаса жадем калык татчы шутэтскыны лыктэ, татын вуно кайгу-куректонъёс, сюлмаськонъёс. Татын таланто, небыт сюлмо, лулынызы чебересь, асьсэ ужзылы синмаськем адямиос ужало угось.
Быдӟымналын куриськизы, огазьын шулдыръяськизы
2017-04-21
Кылем шутэтскон нуналэ асьмелэн бадӟым праздникмы - Быдӟымнал - ортчиз. Та нуналэ тросэз ӵыжы-выжыосынызы куриськыса ӝук сиизы, нылпиос гурезь бамалъёсын буям курегпуз питыръязы. Нош Янаул ёросысь Андреевкаын улӥсьёс доразы трос куноосты пумитазы. Быдӟымналэ тол куазьлэн сётскемез ӧз поты ке но, инкуазьлэн керӟегъяськемез калыклы огинэ люкаськыса шулдыръяськыны ӧз люкеты.
Малпанзы быдэсмиз, удмурт огазеяськон кылдӥз
2017-04-13
1991-тӥ арын Ижевскын Вань удмуртъёслэн нырысетӥ Ӧтчамзы ортчиз. Отчы Янаул ёросысь делегатъёс но пыриськизы. Ӧтчамысь бертэмзы бере Сандугачысь Ю. У. Ахметханов но К. Ш. Шартдинов малпаськонэ усизы: «Асьмелэн но та выллем огазеяськон кылдытыны уз пӧрмы меда?» Соослэн кичӧлтонзылы Янаул ёрос администрацилэн со дырысь кивалтӥсез Н. З. Зиязов но дурбасьтэм. Озьы 1992-тӥ арын 30-тӥ южтолэзе Янаул городысь культура юртын огазеяськонлэн нырысетӥ учредительной конференциез ортчем. Ёросысь удмуртъёслы азьветлӥсе Юрис Саитович Саитовез бырйиллям. Со али ке но оскем ужзэс данэн быдэсъя.
Кырӟазы но эктӥзы, кылбуръёс веразы, куаш поттыса ужазы
2017-03-30
25-тӥ южтолэзь Янаул ёросысь Сандугач школаын ужасьёс но дышетскисьёс понна аспӧртэм нуналлы пӧрмиз. Татын республикаысь удмурт школаосын дышетскись пиналъёслэн нылпи творчествоя фестивальзы ортче. Сандугачъёс ужрадэ вань удмурт школаосысь усточи пиналъёсты витё. Но… Туннэ фестивальын дас командаос кужымзэс мерталозы: Балтач ёросысь Асавкаысь, Бурай ёросысь Выль Тазларысь, Калтасы ёросысь Бадӟым Качакысь, Татышлы ёросысь Выль Татышлыысь, Улысь Балтачысь но Уразгильдыысь, Янаул ёросысь Вуж Варяшысь, Каймашабашысь, Максимысь но Сандугачысь школаос.
Калык культураез утё но азинто
2017-03-23
Шаермы котькыӵе вакытэ культура удысын ужасьёсыныз дано вал: крезьгурчиосыныз, кырӟасьёсыныз. Вераны кулэ, лулчеберет – со дуннеын тодмо луись нимъёс гинэ ӧвӧл, калык культураез утёнэ но сое азинтонэ трос кужымзэс сёто музейёсын но библиотекаосын ужасьёс, крезьгуръя школаосысь дышетӥсьёс, культура юртъёсысь ӧнерчиос но гурт клубъёсын ужасьёс.
Байшадыысь удмуртъёсты возьматэ «Туганэ»
2017-03-23
2005-тӥ арын Бурай ёросысь Байшады гуртын, Ида Фаюршиналэн кичӧлтэмезъя, «Туганэ» удмурт фольклор ансамбль кылдӥз. Отчы пыриськисьёс удмурт кырӟан-эктонъёсын концертъёс возьматъязы, мукет удмурт гуртъёсы но вуылӥзы. Со сяна, удмурт калыклэсь, асьсэ гуртсылэсь сям-йылолъёссэс улӟытон сярысь сюлмаськизы. Али Ида Рахимовналэсь ужзэ Зухра Багаутдинова азьланьтэ. Гуртысь клубен кивалтӥсь кышномурт калыкез, гуртэз сярысь сюлмаськонъёсын улэ.
Утё анай кылзэс, йылолзэс но лулчеберетсэс
2017-03-09
Республикамылэн шоркараз Россиысь Финн-угор калыкъёслэн ассоциацизылэн Советэзлэн Президиумезлэн кенешонэз ортчиз. Сое нуиз Президиумлэн тӧроез, Россиысь калыкъёслэсь кылзэс, культуразэс утёнъя но азинтонъя комиссиен, Россия Федерацилэн Президентэз бордысь межнациональной ужпумъёсъя кенешен кивалтӥсь Пётр Тултаев.
«Тюрагай» но Заволокинъёс
2017-01-12
«Тюрагай» фольклорно-этнографической ансамбль ньылетӥ ползэ «Играй, гармонь!» телепередачае пыриськиз
Ортчем аръёссы сярысь жаляны дырзы ӧвӧл
2017-01-12
Купченеево – Ермекей ёросысь одӥг гинэ удмурт гурт. Со Уфаысь провинциальной канцелярилэн указэзъя 1773-тӥ арын 19-тӥ инвожое кылдэмын. Указэз «новокрещённой вотяклы» Михаил Степановлы сётӥллям. Ермекей музъеме удмуртъёслэн ӵыжы-выжыоссы туала Удмуртилэн лымшорпал люкетысьтыз вуэмын, улон инты утчаса. Соос Пурга, Можга, Бигра выжыосысь луиллям, но христиан нимъёс но фамилиос нулло, малы ке шуоно Купченееволэсь кыдёкын ик ӧвӧл Рождественское ӟуч гурт интыяськемын вылэм. Отын черк луэм. Татчы вуэм удмуртъёс православие выжемын. Купченейёс Янаул, Татышлы, Бурай, Калтасы, Балтач ёросъёсын улӥсь удмуртъёслэсь палэнын ке но луо, дауръёс ӵоже сямъёссэс, культуразэс быгатыса утё, йылолъёссэс выжыысь выжые кельтон сярысь сюлмасько.
Удмурт огазеяськон эшъёссэ люказ
2016-12-22
Кызь ар талэсь азьло башкир музъемын удмуртъёслэн национально-культурной центрзы кылдӥз. Соин 19 арлэсь ятыр кивалтӥз РФ-ысь гурт удысысь сӥё-дано ужась, Кузёбай Герд нимо премилэн лауреатэз, Калыкъёслэн эшъяськон ордензылэн кавалерез, СССР-ысь куасэн бызьылонъя спортъя мастер Ренат Галямшин. Туннэ нуналэ НКЦ-ен Салимьян Гарифуллин кивалтэ.
«Шундыберган» дыр ортчемъя уз куасьмы
2016-12-15
Шаерамы пӧртэм выжы калыкъёс уло: котькудӥз соос асьсэлэсь кылзэс, выжызэс, сям-йылолъёссэс утьыны тыршо, соосты пиналъёслы, егитъёслы пыӵатон сярысь сюлмасько. Кылем арняын Татышлы ёросысь Выль Татышлыын, БР-ысь удмуртъёслэн ИКЦ-зылэн кичӧлтэмезъя, удмурт калыклэн культураезлы, йылолъёсызлы сӥзем ужрад ортчиз. Со «Шундыберган» нимаськиз.
Пӧртэм сэрегъёсысь удмуртъёсты огазея
2016-12-15
Ижевскын «Удмурт Кенеш» огазеяськонлэн 25 ар тырмонэзлы сӥзем сӥё-дано ужрад ортчиз. Отчы Удмуртиысь, Татарстанысь, Марий Элысь, Свердловск но Киров улосвылъёсысь, Москваысь, Санкт-Петербургысь делегациос вуизы. Ужрадэ Башкортостанысь 16 адями пыриськиз.
Эшъёс пӧлын шулдыръяськон
2016-12-15
КУИНЕТӤ толсуре Татышлы ёросысь Вязовкаысь «Уӵы ныл» ансамбльысь кырӟасьёс вазь ӵукна ик кузь сюрес вылэ потӥзы. Та нуналэ соосты Свердловск уловылысь эшъёссы «В кругу друзей» удмурт культурая фестивале куное витизы.
Тон ке вӧзын, улонмы но чебер
2016-12-08
Анай ке вӧзын, улон но чебер. Со вылын быдэс юртмы, семьямы возиське. Та нуналъёсы Анайлэн нуналэзлы сӥзьыса Калмиярысь культура юртын шулдыр ӝыт ортчиз. Отчы ньыль анайёс, ньыль песяйёс но ӵужайёс, ньыль нылъёс пыриськизы. Соос понна пӧртэм конкурсъёс дасямын вал, кылсярысь, удмурт сям-йылолъёсты, пыжиськемъёсты возьматон, мода адӟытон. Со сяна, анайёслы но мусо нылъёслы доре сётэм ужзэс быдэстоно вал.
1 2 3 4 5 6 7 8 9 10