«Абдуллино» ООО-ысь валтӥсь агрономлэн Фамитдин Абдуллинлэн кылъёсызъя, хозяйствоын ужъёс азинлыко мыно. Али дыре Александр Фарвазетдиновлэн, Владислав Гилязевлэн, Андрей Исанбулатовлэн, Вячеслав Байметовлэн но Александр Шайдуллинлэн тыршыса ужаменызы, хозяйствоын 300 т силос дасямын. Толйись культураосты кизён ужъёс но татын йылаз-пумаз вуттэмын. Сергей Гильмуллин, Максим Галимов но Лев Васильев кын улэ гыро. Туннэ нуналэ хозяйстволэн 750 га музъемез гыриськемын ни.
«Новый путь» СХПК-ын 200 т силос дасямын. Хозяйствоын толйись культураосты кизён ужъёс но радъясько. 250 га музъем кын улэ гыремын. Бусы ужъёсын Сергей Шифаратдинов, Андрей Насипуллин но Андрей Султанов тыршо.
«Рассвет» АОАО-ын огъя 3500 т силос дасямын. Та дыре рассветъёс шундыберган кизем бусыын тыршо. Татын Геннадий Гайнияровлэн, Кадим Рахимовлэн, Леонид Рафиковлэн, Юрий Шайдуллинлэн, Ефим Гильфановлэн но Владислав Рахимовлэн ужъёссы пусйымон. Толйись культураосты кизён ужъёс хозяйствоын йылпумъяськемын. Кын улэ гыронэз дыраз быдэстон сярысь Григорий Шаймухаметов, Хусаин Шагиев, Владимир Гильфанов, Фаниль Ямалетдинов но Виктор Ахметов сюлмасько.
« А г р о ф и р м а « Д э м е н » СПК-ын но ӟырдыт вакыт. Та хозяйствоын ужасьёс но уждуразы силос дасянэз, кын улэ гыронэз дыраз быдэстон сярысь сюлмаськыса вамышто. Ужзылы вылӥ дунъет сётымон ужасьёс пӧлын лыдъясько Антон Шарафисламов, Евгений Шарифуллин, Яков Шарипов, Рудик Пукроков, Ильфир Вагапов, Григорий Минимухаметов. Вераны кулэ, хозяйствоын 5341 т силос дасямын, 1200 га кын улэ гыроно музъемлэн 700 гектарез гыриськемын.
«Агрофирма «Фанга» СПК- ын ужасьёс – Алексей Гарифьянов, Виталий Гилимзянов, Вадим Гатин, Григорий Абдрафиков, Владислав Ахмаев, Владислав Давлетханов, Салават Гаянов - 3850 т силос тырон сярысь сюлмаськиллям. Хозяйствоын 1100 га музъемлэн 350 гектарез кын улэ гыремын. Та бордын Алишер Каландаров тырше.
«Агро «Танып» СПК-ысь валтӥсь агроном Денис Мардамшин хозяйствоын силос дасян ужъёслэсь ӟеч азинскемзэс пусъе. Огъя 1679 т силос дасямын, пе. Вадим Камидуллинлэн, Владимир Муратшинлэн, Ринат Хайдаршинлэн, Геннадий Байрамшинлэн, Анатолий Шарафутдиновлэн, Алексей Шайсултановлэн, Рифат Басимовлэн, Сахип Гарайшинлэн, Арсений Байдиевлэн, Геннадий Валинуровлэн, Геннадий Гильмурановлэн но Валерий Семёновлэн ужъёссылы со вылӥ дунъет сётэ. Кын улэ гыронын Алексей Габоков тырше. Туннэ нуналэ хозяйстволэн 600 га музъемез гыриськемын. Толйись культураосты кизён ужъёс татын кемалась йылпумъяськемын.
«Восток» СПК-лэн 688 га музъемаз кукуруза, 764 га музъемаз шундыберган, 1416 га музъемаз суданской турын киземын вал. Туннэ нуналэ востокъёслэн силос дасян ужзы йылаз-пумаз вуттэмын. Хозяйствоысь валтӥсь агрономлэн Фёдор Тимерзяновлэн верамезъя, «Восток» СПК-ын тямыс гуос силосэн тырмытэмын, огъя 3092 т силос дасямын. Та уж бордын сюлмысь тыршизы Альфит Шарафисламов, Радик Тимирзянов, Павел Ушияров. Толйись культураосты кизён сярысь но востокъёс уг сюлмасько ни, та ужзы но соослэн йылпумъяськемын.
Котькуд гурт хозяйствоосын выллем ик, «АгроМ» ООО- ын но бусы ужъёс азинско. Хозяйствоын 2410 т силос дасямын, 820 га музъем кын улэ гыремын, 270 га музъеме толйись культураослэн кидысъёссы пыртэмын. Бусы ужъёсты быдэстонын тужгес пусйымон ужъёссы Александр Гараевлэн, Тахир Каримовлэн, Зиннур Валинуровлэн, Станислав Ахматгалиевлэн но Валерий Гарафутдиновлэн.
«Победа» ООО-ысь Ефим Биктимировлэн, Ильдар Чалгубаевлэн, Андрей Ямалетдиновлэн, Виктор Мухаметшинлэн, Радик Чужековлэн тыршыса ужамзы улсын, хозяйствоын огъя 2900 т силос дасямын. Трактористъёс Владимир Суфиятов но Алексей Садиков кын улэ гырон бордын ужало. Туннэ нуналэ хозяйстволэн 700 гектарлэсь ятыр музъемез гыриськемын ни.
Дасяз
Миляуша БУЛАТОВА.
Оставить сообщение: