Лулчеберетлэн арезлы сӥзем нылпи творчествоя фестивальлэн положениез
II. Радъясьёс:
Башкортостанысь удмуртъёслэн Национально-культурной центрзы, Татышлы ёрос администрациысь дышетонъя ёзэт.
III. Ужпумъёс:
- Пиналъёслэсь быгатонлыкъёссэс шараян но сое азинтон;
- анай кылэз но литератураез гажан мылкыд пыӵатон;
- нылпиосты калык ӧнеръёслы, калык культураез но сямъёсты гажаны дышетон;
- республикаысь удмурт пиналъёслэсь кусыпъёссэс юнматон.
IV. Фестивале пырисько:
БР-ысь удмурт школаосысь котьмалы устоесь пиналъёс. Командае 6 дышетскись но 1 кивалтӥсь пыре.
V. Фестивальлэн программаез:
09.00-10.30 – Куноосты пумитан, школаен тодматон, чай юон.
10.30 - Фестивалез усьтон.
11.00 – Командалэн визитной карточкаез (3 мин.)
11.30 – Деловой шудон.
12.00 -13.00 – Нуназеян.
13.00 - 15.30 – Творчествоя мастерскойын ужан:
1. Оригами (А4 форматэн кык палыз тусо бумага (ӵуж, вож, тӧдьы – котькудӥз кыкен мед луоз), качы, ПВА клей).
2. Туспуктон (фотоаппарат, флешкаын яке фотоаппаратын 5-10 туспуктэм).
3. Газетъёслэсь керттӥськон (1 керттӥськон вень, клей-карандаш).
4. Microsoft Office Publisher программаен ужан (ноутбук, флешкаын «Лулчеберетлэн арез» темая туспуктэм но текст мед луоз).
5. Литературной творчество (тетрадь, ручка).
6. Фелтинг – кӧс гындон (нимысьтыз вень, пӧртэм тусо кӧс ыжгон, 10/10 см пенопласт, 30/30 см басма, качы).
15.30 – «Чузъяськы, удмурт крезьгур!» праздник. Куноослэн но куно пумитасьёслэн выступлениоссы: юморескаос, кырӟанъёс, эктонъёс.
VI. Йылпумъян.
18.00 – Ӝытсэ сиськон.
19.00 – Дискотека.
20.00 – Куноосты келян.
Котькуд делегацилэн луыны кулэ:
1. Эмблемаез, школазэ возьматӥсь А4 форматэн таблицаез, котькудӥзлэн инициалъёсын пейджикез;
2. Конкурсэ кык номер дасяно;
3. «Куноосмылэн ужъёссы» адӟытонэ дышетӥсен яке дышетскисен дасям уж ваёно.
Юанъёсын (34778) 3-21- 50 номеро телефонъя яке urazschool@mail.ru электрон почта пыр вазиськыны луоз.
- ПОПУЛЯРНО
- КОММЕНТАРИИ
