Шутэтскон ӧвӧл со, мугорез кыдатон
2016-03-17
Тазалыкез коньдонэн уд басьты. Со – ачиз ваньлык. Соин адямилы нуналлы быдэ сое утёно, юнматоно. Нош со понна, тазалыко улонэн эшъяськем сяна, мугорез кыдатон сярысь но вунэтоно ӧвӧл. Зэм, гужем куазен гурт калыклэн лул-мугорезлэн котькуд люкетэз «ужа». Ваньмон дырыз но сокем трос ӧвӧл. Та вакытэ быдэс нунал уж пӧлын ортче. Нош тол куазен нунал но жадьымон кузь кыстӥське, телевизор сьӧрын пукыса пӧртэм висёнъёс но асьсэды шӧдытыны кутско. Соин берло аръёсы тросэз таӵе амалэн шутэтсконлы пумит луо. Озьы гуртъёсын но, бадӟым городъёсын сямен ик, пӧртэм фитнес-клубъёс кылдылыны кутскизы. Нош кытын ке куасэн, бодыосын (скандинавская ходьба) ветлӥсьёслэн лыдзы йылӥз. Тазалыко улонэн тросгес 40 ареслэсь бадӟым нылкышноос эшъясько.
Кузь йырси -нылъёслэн данъяськонзы
2016-03-17
Татышлы ёросысь Улысь Балтач культура юртын «Коса – девичья краса» конкурс ортчиз. Отчы школаын дышетскись нылъёс пыриськизы. Ӝытэз усьтыса но Нылкышноослэн калыккуспо нуналэнызы ӟечкыласа вераськиз гурт поселенилэн администрациеныз кивалтӥсь Эдуард Рахимзянов.
Пумит пельтӥсь тӧлъёс уг кышкато
2016-03-10
Котькин тодэ – шаерын экономика ласянь секыт югдур кылдэмын. Котькыӵе удысэз, ӧрез басьты – кризис. Гурт удыс но палэнэ уг кыльы. Хозяйствоослэсь вузъёссэс – йӧлэз, сӥлез – дунтэмен басьто. Со дыре ик гурт удысын пайдаяськон техникалэн, ГСМ-лэн дунъёссы нуналлы быдэ сямен будо. Но гурт калык секытлыкъёслэсь уг кышка, котькыӵе югдурысь но потыны быгатоз. Кужмоесь хозяйствоос котькуд ёросын вань. Удмурт хозяйствоос но сыӵеос пӧлын лыдъясько.
Люконтэм эшъёс
2016-03-10
Мынам тодматэме потэ школаысьтымы ньыль нылъёсын. Соос котьку ӵошен: школаын но, урамысен но ӵошен пумиталод. Ньыль нылъёс - люконтэм эшъёс.
Тулыслэн ненег но чебер праздникеныз!
2016-03-03
Анай
Лыз-чагыр синъёсыд. Учкиськод лушкемен
Вырӟытса мынэсьтым мугорме.
Кыӵе нош тон кужмо! Вераны луонтэм -
Сюлэмам пыремын та нылмурт вунонтэм.
Кер потыса мугорыд куалекъя мон азьын,
Бамъёсыд гордэктэм ӵук ӝужась шундыен.
Ческытсэ но, курытсэ но ворме кышномурт,
Изьытэк потылэ уйёссэ луыку шуг-секыт.
Анай, тон котьку визь-кенеш сётӥськод,
Ческыт сиёнэн возьмаськод кадь куно.
Югыт корка тыр нылпиос ӵашето -
Таӵе улонлэсь анаймурт туж шудо!
Шулдыр гур куддыръя мытӥськод,
Сюлмысьтыд шуныттэ жалятэк сётӥськод.
Туннэ котькин дыртэ сяськаос кузьманы,
Анайлы шунытэсь кылъёс вераны!
Антонина ИСЛАМОВА.
Куеда ёросысь Бадӟым Гондыр гурт.
Выль юртын ӟеч мылкыдын пумитало
2016-03-03
Кылем арын Вуж Варяш администрацилэн юртаз бадӟым тупатӥськон ужъёс кутскизы. Та вакытэ ик калык тодӥз: табере гуртысьтызы фельдшерско-акушерской пунктсы выль липет улэ интыяськоз. Шуркынмон толэзе фельдшер Клара Нигиева но акушерка Светлана Минигараева висисьёсты «выль юртазы» учкизы ни. Соку калыклэн шумпотонэз пумтэм луиз: табере соос тазалыксэс юнматон понна кезьыт эмъюртэ уз лыктэ ни угось.
Пайдаё но шуныт пумиськон
2016-03-03
Свердловск улосвылысь Вылысь Пышмаысь 25-тӥ номеро школаын «Эгес» удмурт огазеяськонэ пыриськисьёс пумиськизы. Ижевскын ортчем вань удмуртъёслэн XIII съездазы вуылэм делегатъёс ужрадлы огъя йылпумъянъёс лэсьтӥзы. Ужрадлэн кыкетӥ люкетэз огазеяськонлэсь почётной председательзэ Евгения Сергеевна Вахрушеваез 70 арес тырмон юбилееныз ӟечкыланлы сӥземын вал.
Дышетӥсез буре ваён ӵошатскон
2016-03-03
Арлы быдэ, 2007-тӥ арысен кутскыса, Сандугач школаын Барабановка школаын ужам физкультурая дышетӥсез Муллагали Шарафисламович Какимовез буре ваён ужрад - куасэн ӵошатскон - радъяське.
Кубок кужмоос кие шедиз
2016-02-25
Удмурт школаосысь волейболъя командаос Шаермес утисьёслэн праздниксылы сӥзем шутэтскон нуналъёсты чидатэк витё: та нуналъёсы арлы быдэ «Ошмес» газетлэн кубокезлы ӵошатскон радъяське.
Горд гвоздикаос
2016-02-25
Башкортостанысь удмуртъёслэн историяя но культурая центренызы кивалтӥсьлэн Ирина Самигуловалэн кемалась одӥг малпанэз вань вал: пӧртэм ёросъёсысь афган оже пыриськем удмурт геройёсты люкаса, соослы сӥзем ужрад ортчытыны. Кылем арняын кивалтӥсьлэн малпанэз быдэсмиз. Татышлы ёросысь Выль Татышлы гуртын воинъёсын-интернационалистъёсын пумиськон ӝыт радъяськиз. Со «Красная гвоздика» нимаськиз.
Анай кыл но удмурт квест
2016-02-25
Янаул ёросысь Каймашабаш школаын бадӟым ужрад ортчиз. Со тодон-валан праздниклы пӧрмиз. Таӵе уж удмурт огазеяськонлэн кичӧлтэмезъя радъямын вал. Ужрадэ вань удмурт школаосысь удмурт кылъя но литературая дышетӥсьёс, быдэн кык пиналъёс, озьы ик удмурт гуртъёсысь но Янаул ёросысь центральной модельной библиотекаын ужасьёс пыриськизы.
Пӧртэм калыкъёсты огазея чебер инкуазьмы
2016-02-25
Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.
Пӧртэм калыкъёсты огазея чебер инкуазьмы
2016-02-25
Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.
Валтӥсь ужмы – кылмес но калыкмылэсь выжызэ утён
2016-02-18
«Удмурт кенеш» огазеяськон Ижкарын 1991-тӥ арын кылдытэмын. Солэн ёзэтъёсыз Удмурт Элькунысь котькуд карын но ёросын вань. Озьы ик татчы пыро «Удмурт нылкышно кенеш», «Удмурт лулчеберетъя «Дэмен», егитъёслэн «Шунды» огазеяськонъёс но Башкортостанысь, Татарстанысь, Марий Элысь, Киров, Свердловск, Томск, Пермь улосвылъёсысь удмуртъёслэн национально-культурной огазеяськонъёссы.
Анайёс пиоссы понна медаз кисьтэ синвуоссэс
2016-02-18
Афган ож. Кӧня солдатъёслэсь, офицеръёслэсь улонъёссэс со чигиз. Башкортостанысь отын 335 адями бырыны шедиз. 15-тӥ тулыспал советской войскоосты Афганистанысь поттон нуналэн ялэмын. Арлы быдэ та нуналэ пӧртэм ёросъёсысь афган оже пыриськемъёс «Боевое братство» военно-спортивной конкурсэ люкасько. Туэ ужрад Татышлы ёросын ортчиз. Отчы Аскино, Балтач, Караидель но Мишкино ёросъёсысь командаос ӧтемын вал.
«Мар тӥледлы выжыкыл, со мынам улэп улонэ вал»
2016-02-11
1962-тӥ арын школаез йылпумъяса, Менсадык Ижевскысь Удмурт педагогической институтлэн художественно-графической факультетаз пыре. Нырысетӥ курсъёсын чиед мугоро, гордпыръем йырсиё но туж востэм сямо гурт пияш номырин ик, лулысь-сюлмысь тыршеменыз сяна, ӧз висъяськылы. Нырысьсэ со син шоры йӧтыны муг сётӥз куинетӥ курсысен, куке возьматӥз портрет амалэн быдэстэм ужъёссэ. Соосты туж быгатыса лэсьтэмын но уд шуы, но отын аспӧртэмлыко сямо адями тусбуйёс возьматэмын но авторлэн соослы шуныт мылкыдыз шӧдӥське. Со огшоры дышетскон ужъёс гинэ вал, но адямилэсь пуш дуннезэ адӟыны быгатон, сое валаны но дунлык-узырлыксэ пусйыны тыршон возьматӥзы, студент пушкын инкуазен сётэм суредась пуке шуыса.
Удмурт кышномуртъёслэн огазеяськонзы кылдӥз
2016-02-11
Витетӥ тулыспалэ БР-ысь историяя но культурая центрлэн кичӧлтэмез улсын, удмурт кышномуртъёсын пумиськон радъяськиз. Татышлы ёросысь удмурт гуртъёсысь кышномуртъёс огазе люкаськыса лулысь-сюлмысь вераськизы, кенешизы. БР-ысь Эшъяськон юртлэн ужан планаз пыртыса камсьӧрын улӥсь кышномуртъёслэсь огазеяськон клубзэс кылдытон сярысь вераськон мынӥз.
«Единая Россия» партилэн съездаз люкаськизы
2016-02-11
Башкортостан Республикалэн Тӧроез Рустэм Хамитов «Единая Россия» партилэн 15-тӥ съездаз пыриськиз. Отчы Россилэн пӧртэм сэрегъёсысьтыз делегатъёс люкаськизы. Съездын тужгес бадӟым саклык висъяськиз туэ сӥзьыл – 18-тӥ куарусёнэ – ортчоно быръёнъёслы. Ӵапак соку Кун Думае депутатъёсты быръёмы.
Кускерттонэн нюръяськыны ӟеч дасяськемын
2016-02-04
Вылысь Татышлыысь «Планета Спорт» ФОК-ын Татышлы ёрос администрациен кивалтӥсьлэн Р. К. Гараевлэн кузьымезлы кускерттонэн нюръяськонъя регионъёс куспысь ӵошатскон ортчиз. Отчы республикаысьтымы Октябрьский, Уфа городъёсысь, Туймазы, Шаран, Аскын, Балтач ёросъёсысь, Пермь шаерысь Чернушка но Барда ёросъёсысь нюръяськисьёс вуизы.
Эстрадая крезьгур – роклэн вуоноез
2016-02-04
Арлы быдэ Бирскын эстрада кырӟанъёсты но эктонъёсты быдэстонъя «Крещенские морозы» фестиваль-конкурс радъяське. Туэ со 22-тӥ ползэ ортчиз. Ужрад 39 сольной исполнительёсты, 10 вокальной ансамбльёсты, 6 рэп-исполнительёсты, 20 хореографической но 18 вокально-инструментальной коллективъёсты люказ. Соос пӧлын Татышлы ёросысь «Кордон» рок-группа но луиз.
