Камсьӧр удмуртъёслэсь гуръёссэс кисьто
2016-09-01
Туэ мыным Удмурт Элькунын радъяськись удмурт культурая фестивале вуылыны кылдӥз. Кык арлы одӥг пол ортчись фестивальын крезьгуро инструментэн шудӥсьёсты но, эстрада кырӟанъёсты усто быдэстӥсьёсты но, калык гуръёсын тунсыкъяськисьёсты но адӟыны-кылыны луиз.
«Сюресъёс пӧртэм луо. Нош тужгес кузез - астэ утчан сюрес»
2016-08-25
Журналистлэн, газетчилэн ужез туж тунсыко но аспӧртэм. Кытчы гинэ вуылыны, кинэн гинэ пумиськыны уг кылды! Нош адямиослэн ужзы сярысь ке гожтоно? Соку ини, кылсярысь, эмчилы но, пожарнойлы но, дышетӥсьлы но «пӧрмоно». Огкылын вераса, гожтоно адямиедлэсь ужзэ ас вылад эскероно луэ. Тунсыко ӧвӧл шат?
Бадӟым ужез огнад уд быдэсты
2016-08-25
Туэ Байшадыысь калык но «Единая Россия» партилэн «Реальные дела» проектэзлэсь кужымзэ шӧдӥз. Со гуртысь клубын тупатӥськон ужъёсты быдэстыны юрттӥз. Проект улсын выжъёс, липет, укноос, электропроводкаос выльдӥськизы. Татысь тупатӥськон ужъёсты йылпумъям бере, 22-тӥ гудырикошконэ клуб гурт калыклы ӧсъёссэ усьтӥз.
Кузь ты дурысь удмурт гуртын
2016-08-18
Уж сюрес Уфалэсь куатьтон иськеме интыяськем удмуртъёс доры, Канлы гуртэ, вуттӥз. Нырысьсэ мынӥ ке но, сюрес туж кузь ӧз пӧты. Агидель шур кузя кыстӥськись сюрес тодмотэм гуртэ вуттӥз. Со чебер ты дуре интыяськемын. Вырйылэ тубыса учкид ке, кузь-кузь кыстӥськись тыэз адӟод на. Со озьы ик нимаське, пе - «Длинное».
Муш кадь ужась Шаритдиновъёс
2016-08-18
Гурт хозяйстволэн одӥгез ӧрез – со муш утён. Калтасы ёросысь Бадӟым Туганеево гуртысь Шаритдиновъёслэн быдэс улонзы мушъёсын герӟаськемын ке но шуи, уг янгыша, дыр. Соос ёросын сяна, бускель ёросъёсын но тодмо мушкасьёс луо. Ми вуылон вакытэ но Флюр Михайлович мушъёсыз котырын берга вал.
Москваын удмурт праздник ортчиз
2016-07-21
Шаермылэн шоркарысьтыз «Эрмитаж» сад одӥг нуналэ удмурт дуннелы пӧрмиз. Татын удмурт калык праздник - Гербер – радъяськиз. Ужрадэ Удмурт Элькунлэн Тӧроез Александр Соловьёв, удмурт культурая огазеяськонъёслэн кивалтӥсьёссы, фольклор ансамбльёс но Москваын улӥсьёс пыриськизы. Кузь сюресэз вакчи карыса, празднике Татышлы ёросысь Кызыл-Ярысь «Марӟан», Янаул ёросысь Вуж Варяшысь «Югдон» но Пермь шаерысь Куеда ёросысь Бадӟым Гондыр гуртысь «Тюрагай» удмурт калык ансамбльёс но вуылӥзы.
Быдэсмем малпанэ
2016-07-21
Гожтэт
Котькинлэн но кунгож сьӧры потыны яке отын шутэтскыны малпанэз вань, дыр. Мынам но вань вал. Кема ӧвӧл сыӵе малпанэ быдэсмиз. Кык тодмо удмурт тодосчиосТатьяна Миннияхметовалэн но Ранус Садиковлэн кичӧлтэмзыя, мыным таӵе гожтэт вуиз: «Фридман Владимирович! Финнъёслэн этнической религияя Taivaannaula обществозы, эстонъёслэн этнической религияя Maavalla Koda общинаенызы ӵош, Лахтиын (Финляндия) финн-угор калыкъёслэн Быдэсдунне конгрессы ортчыку, 2016-тӥ арысь 16-тӥ июне огъя финн-угор вӧсь радъяны малпа. Соглаш-а тӥ со ужрадэ пыриськыны?» Кема малпаськыса ӧй улы, сыӵе луонлык кылдыку, мыноно, адӟоно кариськи. Нырысь загранпаспорт сьӧрын бызьылоно луиз, собере ини - виза сьӧрын.
Интернет пыр мон трос гожъяськи эстон этнической религияя общиналэн ёзчиеныз Андрес Хейнапууэн. Со сяна, Андрес «Учреждение Фенно-Угрия» недоходной огазеяськонлэн правлениезлэн ёзчиез, Тарту университетысь финн-угор калыкъёслэн Пауль Аристэ нимо центрзылэн Кенешезлэн ёзчиез, МККФУН-лэн Эстониысь координаторез луэ. Со ик виза лэсьтыны юрттӥз.
Ӟечбур, гуртэ – нуныяса будэтэм кӧкые
2016-07-14
Кемалась-кемалась, 1627-тӥ арын, шаермылэн одӥгаз шулдыр сэрегаз, шур дуре, удмуртъёс улыны интыяськиллям. Гуртсэс соос пӧлазы Шыр нималлям. Нош гожтӥськемын со Каймашабаш.1748-тӥ арын гуртын 47 адями лыдъяськем, 1920-тӥ арын ортчем лыдъян-чотанъя – 931. Али дыре гуртын 184 юртъеръёсын 600-лэсь трос калык улэ.
«Удмурт нылкышно - лякыт сямо адями, нылпиосызлы дуно эш, сюлмаськись анай»
2016-07-14
Вордскем но будэм Уразгильды гуртэ мыным туж дуно. Шулдыр интые со пуксемын. Маин нош со дано? Дано аслаз адямиосыныз – гуртоосын. Котькуд вапумын но гуртэ туж тыршись, ужась, данъяськымон калыкеныз висъяськем. Туннэ вераме потэ нылкышноос сярысь.
«…Кышномурт – ӝыны юрт, - шуиллям удмуртъёс.
Бен озьы шуиськом на одӥг дышемъя.
Кышномурт – быдэс юрт,
Кышномурт – нылпиос,
Гажано кышномурт – со шудбур но семья…»
О порядке прохождения военной службы по контракту по истечению его срока при необеспеченности военнослужащего жилым помещением.
2016-07-14
Вопрос: «Я военнослужащий, год назад у меня закончился контракт по достижении предельного возраста. Так как я не обеспечен жильём по избранному месту жительства, прохожу службу в добровольном порядке, без контракта, до момента обеспечения жильём. Исполняю свои должностные обязанности и общие обязанности военнослужащих. Должен ли я нести службу в суточных нарядах, если это является специальными обязанностями?»
Рустем Р.
Вӧсь лудын - вӧсь корка
2016-07-07
Кылем арын Вылысь Татышлыын, кема аръёс ӵоже чусомыса улэмез бере, выльысь гурт вӧсь усьтӥськиз. Инмар-кылчинлы интыысь вӧсясь Кабиок Бадамшин вазиськиз. Вӧсез радъясьёс, шонерзэ вераса, отчы сомында калык вуоз шуыса но ӧз малпалэ. Но куриськисьёс Инмарлы вазиськем бере, луд вылэ егитэз но, арлыдоез но кыстӥськизы.
Юртын шуд, ог-огдэ гажан но оскон кузёясько ке
2016-07-07
Илиш ёросысь Ташкичи гуртын милемыз трос пӧртэм семьяосын тодматӥзы. «Татын ог-огзэс валаса уло, анай-атайёс нылпиоссы понна шумпото», - вераз БР-ысь удмуртъёслэн НКЦ-енызы кивалтӥсьлэн Илиш ёросъя воштӥсез Сильвия Шайдуллина. Нош туннэ тӥледыз Зоя но Гаяз Нафиковъёслэн, Фагиля но Тимергази Минетдиновъёслэн семьяосынызы тодматэммы потэ. Соос улон сюресэтӥ 50 арлэсь кема ни ӵошен вамышто.
Оскон пыӵаз сюлэме, крезьгур вӧлмиз котыре
2016-06-30
26-тӥ инвожое Пермь шаерысь Куеда ёросысь кирга но бадӟым гондыр музъемын бадӟым ужрадъёс – Элен вӧсь но «Древние напевы удмуртов «Чакара» регионъёс куспысь фестиваль – радъяськизы.
Дышетӥсьлэн кужмыз пиналъёсыз бордын
2016-06-30
Дышетскон ар бере кылемын. Табере нылпиос кузь гужем каникулъёсын шутэтско. Школазы куарусён толэзе соос понна выльысь ӧсъёссэ усьтоз. Нош Янаул ёросысь Вылысь Барабановка гуртын со кӧня ке аръёс ӵоже ни пытсаськемын. Чылкак татысь борддоръёс сьӧрын ик ортчизы Светлана Ахматнуровна Гафутдиновалэн ужан аръёсыз. Школаын дышетскисьёсыз солы Светлана Аркадьевна шуыса вазиськылӥзы.
Ручкаез но компьютерез шутэтсконэн воштӥзы
2016-06-23
Кылем арняын Татышлы ёросысь «Косая степь» шутэтскон базаын республикаысьтымы журналистъёслэн фестивальзы ортчиз. Отчы валтӥсь редакторъёс, журналистъёс, республика но ёрос газет-журналъёсын, радиоын но телевидениын, интернет-изданиосын ужасьёс пыриськизы.
Андреевкаысь зангариос
2016-06-23
Андреевка – Янаул ёросысь удмурт гурт. Куке но татын юн гурт хозяйство вылэм, школа тыр чалмытскисьтэм пинал куараос жингыраллям. Нош туннэ нуналэ гуртлэн «кизилиез» луэ клуб. Огдырлы ужъёссэ вунэтыса, калык татчы шутэтскыны дыртэ. Клубен кивалтӥсьлэн Гузалия Губаевалэн верамезъя, клубын ужрадъёс ӵем ортчыло, кылсярысь, арняяз куинь пол нылпиослы ужрадъёс но радъясько.
Калыклы мӧзмыны дыр ӧз луы, крезьгур ӧтиз шулдыръяськыны
2016-06-16
11-тӥ инвожое Выль Татышлыын гырон-быдтонлы сӥзем шулдыръяськон ортчиз. Со кӧня ке люкетъёслэсь сылӥз. Отын ужын азьмынӥсьёсты данъязы, Бальзюгаысь вӧсясьлы Назип Садриевлы «Древо мира» премия сётӥзы, «Ошмес» газетэз лыдӟисьёс пӧлын «Счастливое авто» акция радъяськиз, трос кырӟанъёс чузъяськизы, спорт шудонъёс луизы. Ваньмыз сярысь радызъя мадёмы.
Юбилей но сабантуй одӥг бугоре биниськизы
2016-06-16
Истяк гурт поселение тямыс гуртъёс пыро. Соос пӧлысь одӥгез – Банибаш (Ваня) гурт. Одӥг урамлэсь гинэ сылӥсь Ваняын эшъяськись удмурт калык улэ. Шумпотоно, бигер гуртъёс пӧлын улыса-вылыса но соос кылзэс, лулчеберетсэс, сям-йылолъёссэс утё но азинто. Ваняос 12-тӥ инвожое гуртазы трос калыкез люказы. Та нуналэ тупась куинь праздникъёс одӥг бугоре биниськизы. Россилэн нуналэз, гырон-быдтон но «Инвожо» ансамбльлэн вить ар тырмонэз гурт калыклы, вуэм куноослы кемалы тодазы кылёзы.
«Кытын вордӥськи – отын ик кулэ луи»
2016-06-16
«Семьяямы ми вить нылпи будӥмы: куинь пи но кык ныл. Мон пичиез вал. Анаен атай котьку шуылӥзы, мон, пе, соослэн утись пизы луо. Озьы ик луиз. Кытын вордӥськи – отын ик кулэ луи. Туннэ нуналозь но мон Кирга гуртын», - ас сярысьтыз юанэлы валэктыса вера Пермь шаерысь удмуртъёслэн НКЦ-енызы кивалтӥсь Станислав Гадиятов. Со сяна, Станислав Идиятович Куеда ёросысь Бадӟым Гондыр гурт поселенилэн администрациез бордысь культурно-спортивной центрен кивалтэ. Со центр гурт поселениосысь культура юртъёсты, библиотекаосты но клубъёсты огазея.
Башкортостан – бадӟым шаермылэн люкетэз
2016-06-09
Россия Федерацилэн Президентэз В. В. Путин республикаямы вуылыкуз, шуиз: «Башкортостанын, ву шапыкын выллем, быдэс Россиысь калыклэн пӧртэм культураез, осконэз, кылэз но калыклэн эшъяськонэз шӧдӥське». Нош кылем арын, ШОС но БРИКС саммитъёс йылпумъяськем бере, со башкир кылэз дышетыны ӵектӥз.
