icon_gotop
18+
autorisation
Войти | Регистрация
Время в Татышле
13:32
Четверг, 28 Марта
Рекламный баннер 990x90px top

Сяськаос эшъяськон тугокое биниськизы

10:29 14.04.2016

Кылем арняын Выль Татышлыын «Эшъяськон тугоко» ужрад ортчиз. Отчы удмурт гуртъёсысь нылъёс, апайёс, сузэръёс, анайёс, песянайёс но ӵужанайёс пыриськизы. Котькуд гурт ужрадэ аслаз командаеныз вуиз. Соос азе азьпаласен ужпум пуктэмын вал – командазылы сяська ним бырйыны но со будос сярысь ужрадын мадьыны, быгатонлыкъёссэс сцена вылын возьматыны. Шумпотымон, эшъяськон ужрадэ Нефтекамскысь, Янаул ёросысь Вуж Варяш но Калтасы ёросысь Бадӟым Качак гурт поселениосы пырись гуртъёсын улӥсь удмурт нылкышноос но вуизы.

Ужрадэз усьтыса вераськизы Выль Татышлы гурт поселенилэн администрациеныз кивалтӥсь Николай Рахимьянов, БР-ысь удмуртъёслэн НКЦ-енызы кивалтӥсь Салимьян Гарифуллин, солэн воштӥсез Юрис Саитов. Со сяна, ужрадэ шумпотыса вуиз НКЦ-лэн почётной председателез Ренат Галямшин. Клубез кылдытӥсьёслы, отчы мыло-кыдо пыриськисьёслы со азинсконъёс но выль вормонъёс сӥзиз.

Сцена вылэ огзы бӧрсьы огзы пӧртэм гуртъёсысь лыктэм нылкышноос потӥзы. «Эшъяськон тугокое» дас сяськаос – нылкышно огазеяськонъёс – биниськизы. Арибашъёс шырттэльвесез (дикий пион) бырйиллям, улысь балтачъёс – легезьпу сяськаез, бальзюгаос – купанчаез, калмияръёс – инвожоез, выль татышлыос – лызгырлыез, кызыл-яръёс – италмасэз, уразгильдыос – етӥнэз.

«Кыӵе сяськаосты бырйизы меда бускель ёросъёсысь вуэм куноос?» - тунало залын пукисьёс. Синэз мальдытӥсь ӵуж дэремъёсын сцена вылэ потӥзы Вуж Варяшысь нылкышноос. Соос шундыберганэз бырйиллям. Бадӟым качакъёслы дыдыксин сяська тужгес кельшем. Нефтекамскысь вуэм куноос купанчаез бырйиллям. Ужрадэз дасясьлэн Ирина Самигуловалэн кылъёсызъя, та дырысен нылкышноослэн клубзы «Эшъяськон тугоко» нимаськоз, гуртъёсысь огазеяськонъёс - быръем сяська нимъёссыя.

Пумиськон тунсыко пӧрмиз. Удмурт нылкышноос асьсэлэсь быгатонлыкъёссэс усто возьматӥзы. Учкисьёслы капчи мылкыд кузьмазы «Шулдыр ӝыт», «Удмурт пиос» калык ансамбльёс но арганчи Александр Галиев.

Миляуша БУЛАТОВА. 

6144

Оставить сообщение: