icon_gotop
18+
autorisation
Войти | Регистрация
Время в Татышле
19:59
Пятница, 29 Марта
Рекламный баннер 990x90px top

Кускерттонэн нюръяськыны ӟеч дасяськемын

10:22 04.02.2016

Егит спортсменъёслы ӟечкылан кылъёсын вазиськиз Татышлы ёрос администрациен кивалтӥсь Р. К. Гараев. Нош собере кыл сётӥськиз куноослы: «Спортивная Федерация куреш и борьбы на поясах РБ» огазеяськонэн кивалтӥсьлы Вакиль Ильясовлы, Шаран ёросысь ДЮСШ-ен кивалтӥсьлы Салават Хусаиновлы. «Мон шумпотыса татчы вуылӥсько. Тӥ дорын ӵошатсконъёс ӟеч ортчыло. Егитъёслэн ӵошатсконлы дасьлыксы шӧдӥське», - шуиз Вакиль Искандарович.

Ӵошатсконэ 1996-2005-тӥ аръёсы вордӥськем пиос пыриськизы. Вӧзазы зол кужымзэс возьматӥзы 11-13 аресъем куинь нылъёс но. Шӧдӥське, азьланяз соосты бадӟымесь вормонъёс витё. Пиос пӧртэм весовой категориосын нюръяськизы. Вылысь Татышлыысь удмурт пи Вячеслав Миндияров, кылсярысь, 45 килограммъем спортсменъёс пӧлын кужымзэ эскериз. Со аслаз весовой категорияз 1999-2001-тӥ аръёсы вордӥськем пиос пӧлын нырысетӥ интыын луиз.

Регионъёс куспысь ӵошатсконэ 50-лы матэ спортсменъёс пыриськизы. Вормисьёс медальёсын, дипломъёсын но дуно кузьымъёсын данъямын.

  Ольга ГИЛЬМУРАНОВА.

5424

Оставить сообщение: