архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      «Валтӥсь ужпум – адямилы улон понна ӟеч луонлыкъёс кылдытон»

      2015.12.02 668 0
      «Валтӥсь ужпум – адямилы улон понна  ӟеч луонлыкъёс кылдытон»

      Шуркынмон толэзьлэн пумаз Башкортостанлэн Тӧроез Рустэм Хамитов республикаысь Кун Собрание - Курултай азе Вазиськонэныз потӥз.

      - Нырысетӥез таӵе Вазиськонэ вить ар талэсь азьло вал. Соку мон пусйи, калык понна ужано, калыклэсь тунсыкъяськонъёссэ лыдэ басьтоно шуыса. Со дырысен республикаын бадӟымесь ужъёс быдэстэмын: социальной политикаез азинтонын экономической но финансовой базаос юнматэмын, мукет шаеръёсысь инвесторъёсын кусыпъёс тупатэмын, - вераз Рустэм Хамитов.

      2010-тӥ арысен Башкортостанын промышленность 40 процентлы будэмын, инвестициос – кык поллы, валовой региональной продукт – 80 процентлы. Бадӟымесь но пичиесь предприятиослэн лыдзы 7,5 сюрслы йылэмын. Куатьтон сюрслэсь ятыр выль уж интыос кылдытэмын. Социальной ужпумъёсты быдэстонын но бадӟымесь вамышъёс лэсьтэмын. Кылем арын 2,6 млн кв. метр улон инты эксплуатацие пыртэмын. Пичиосты нылпи садъёсы интыянэн герӟаськем шуг-секытъёс но палэнтэмын. Вить ар куспын республикаын 85 нылпи садъёс ӝутэмын. Берло аръёсы республикаын культурной улон но воштӥськемын.

      Шаерез азинтонын валтӥсь инты басьтэ демографической югдур. Жаляса верано, берло дыре лыдпусъёс шумпотымонэсь ӧвӧл: нылпи вордӥсьёслэн лыдзы кулэсме, кулэмъёслэн лыдзы будэ. Демография ласянь тужгес секыт югдур кылдэмын гуртъёсын. Соин ик бадӟым саклык висъяно эмъюрттэт возьматон удысэз азинтонлы, спортлы, ГТО-лы. Со дыре ик нылпиослы нравственной воспитание сётон сярысь сюлмаськоно.

      Квалифицированной ӧнерчиосты палэнэ лэзёнтэм сярысь пыр-поч малпаськоно. Республикаысь палэнын дышетскисьёсты берен шаере кыскон амалъёс малпано. Дышетон но производство юн герӟаськемын луыны кулэ.

      - Валтӥсь ужпум – адямилы улон понна ӟеч луонлыкъёс кылдытон. Соин ик асьмелы калыклэсь табышсэ будэтон бордын кужмысь ужано. Республикаысь Правительстволы уждунэз будэтонъя планлэсь быдэсмемзэ сак эскероно, - пусйиз республикалэн Тӧроез.

      Башкортостанысь сюресъёсты тупатон сярысь но вунэтоно ӧвӧл. Урод сюресъёс адямилэн улонэзлы кышкытлык медаз кылдытэ. Со сяна, одӥгез валтӥсь ужпум – коррупциен нюръяськон. Законэз тӥясьёс кыл кутытэмын мед луозы.

      Кызьы тодмо, туннэ тросэз туристической центръёс террористической кышкытлыке шедемын. Соин республикаысь туризмъя программаосты паськытатоно, инфраструктураез выль ӧре поттоно. Терроризмен нюръяськонлы тырмыт саклык висъяно.

      - Шуг-секытъёс но пумисько. Но ми соос бордысь выль азинскон ӧре потон сюресъёс шедьтыны тыршиськом. Ӵошен асьмеос пуктэм ужпумъёсты быдэстыны быгатомы, - веранзэ йылпумъяса шуиз Рустэм Хамитов.

      Дасяз    Миляуша БУЛАТОВА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп