архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      «Республикамы кужмо, со – бадӟым шуд»

      2015.11.19 2007 0
      «Республикамы кужмо, со – бадӟым шуд»

      Кылем арняын Уфаысь Конгрес-холлын медиафорум ортчиз. Отчы республикаысьтымы журналистъёс пыриськизы. Медиафорумын валтӥсь интыын луиз Башкортостан Республикалэн Тӧроеныз Рустэм Хамитовен вераськон.

      Медиафорумлэн нырысетӥ люкетаз республика, город но ёрос газетъёслэн корреспондентъёссы, телевидениын ужасьёс экспертъёсын вераськизы. Соос татын пӧртэм ужпумъёсты эскеризы. БР-ысь Кун Собранилэн-Курултайлэн дышетонъя комитетэныз кивалтӥсь Эльвира Аиткулова журналистъёсты Россиысь калык фронтлэн уженыз тодматӥз. Солэн верамезъя, калык фронт республикаысь огшоры ужась калык но кивалтӥсьёс шоры огвыллем учке. Озьы со тросэзлэсь йыружъёссэс но шарая. Соин Эльвира Аиткулова асьмеды, республикаямы улӥсьёсты, ОНФ-эн валче ужаны куре. Солэн кылъёсызъя, сюлмаськытӥсь юанъёсты калык фронтлэн сайтэз пыр, пе, ивортыны луоз.

      Башкортостан Республикаысь Тӧролэн администрациеныз кивалтӥсьлэн внутренней политикая воштӥсез Максим Михайлов 2016-тӥ арын ортчоно быръёнъёс сярысь ивортӥз. Солэн малпамезъя, та вакытэ пӧртэм политической партиос бадӟым ужъёссэс кутскозы. Соин Максим Михайлов вера: «Соослэсь котькудзылэсь малпанзэс калыклы вуттыны тыршоно».

      Медиафорумлэн кыкетӥ люкетаз журналистъёс пӧртэм юанъёсынызы пырак Республикамылэн Тӧроезлы вазиськыны быгатӥзы. Но Рустэм Хамитов газетчиосты но телевидениын ужасьёсты нырысь республикамылэн экономической югдуреныз тодматӥз, азьпалан ортчоно бадӟым ужрадъёс сярысь вераз. Кылсярысь, 2020-тӥ арын Башкортостанын фольклориада ортчоз. Отчы быдэс дуннеысь куноос люкаськозы.

      Пумиськонэз пионериен герӟаськем юанэн усьтӥзы. Россилэн Президентэз В. В. Путин алигес пионериез улӟытон сярысь указ улэ гожтӥськиз угось. «Пионерилы мон пумит ӧвӧл, президентлэн указэзлы дурбасьтӥсько. Сое улонэ пыӵатон понна вань кужыммес сётоно», - вераз со пумысен Тӧро.

      Медиафорумын республикаямы инвестициосты кысконэн, туризмез азинтонэн, Торатау гурезен герӟаськем юанъёсъя но трос вераськонъёс луизы. Республикамылэн Тӧроезлэн малпамезъя, кылсярысь, туризмез азинтон понна интыысь ужбергатӥсьёсты «кытконо». Нош кунмы соослы юрттыны пумит ӧвӧл.

      Вераськон гурт удысэз азинтон ласянь юанэн йылпумъяськиз. Тӧролы гуртын ужась егит ӧнерчиослы юрттэт возьматон сярысь юанэн вазиськизы. Рустэм Закиевич шуиз: «Гуртын ужась егитъёслы «подъёмной» сётӥське, со борды федерал но республика бюджетысь коньдон ватсаське на. Соин гурт удысысь егит ӧнерчиослы ватсаса юрттэт уз луы».

      Рустэм Хамитов АПК-лэн вуоноез сярысь но вераны тыршиз. «Гуртэз выльдон сярысь сюлмаськоно, со туала улонлэн куронэз. Али асьме доры Москваысь, Москва, Ярославль улосвылъёсысь адямиос вуыло. Соос республикаямы лыкто но бадӟым ужъёс борды кутско. Ӝоген Мелеузын сыр поттыны кутскозы, со понна Москваысь 900 млн манет тыр инвестициос уже кутэмын. Зэм, республика понна со умой. Нош кытын асьмелэн гурт удысэз азинтӥсь нылъёсмы но пиосмы?» - юанэн вазиськиз со.

      «Республикамы кужмо, со - бадӟым шуд», - таӵе кылъёсын йылпумъяз Рустэм Закиевич 2015-тӥ арысь медиафорумез.

      Ольга НИГАМАТУЛЛИНА.   

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп