архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Кеносъёсы куинь миллион тонна ю тысь мед пыроз

      2015.07.30 560 0
      Кеносъёсы куинь миллион тонна  ю тысь мед пыроз

      Чекмагуш ёросын тысё но тысё-кӧжыё культураосты октонлы сӥзем «День поля-2015» республика семинар-совещание ортчиз. Отын Башкортостанлэн Тӧроез Рустэм Хамитов республикаысь агропромышленной комплекслы дунъет сётӥз. Со сяна, со та удыслэн вуоноез сярысь кылпум ӝутӥз.

      Башкортостанлэн Тӧроезлэн кылъёсызъя, гурт удысэз азинтон – республикалэн одӥгез валтӥсь ужпумез. Гурт хозяйствоослы юрттэт возьматон понна кун бюджетысь арлы быдэ тямыс миллиардлы матэ коньдон висъяське. Та выллем юрттэт куд-ог регионъёсын гинэ сётӥське. Чылкак соин ик республикалэн Тӧроез ёрос администрациосын, гурт хозяйствоосын кивалтӥсьёс азе бадӟым куронъёс пуктэ. Быдтэм коньдонлэн пайдаез адӟиськымон ӧвӧл угось. Р. З. Хамитовлэн кылъёсызъя, ар кутсконысен гурт удысын басьтэм лыдпусъёс, кылем арен ӵошатыса, туэ улӥынгес. Йӧл кыскон ласянь лыдпусъёс 2-2,5 процентлы усемын, сӥль дасянъя – 3 процентлы. «Лыдпусъёсты ӝутоно. Кытчы быдтӥськом коньдонмес?» - юанэн вазиськиз Рустэм Закиевич люкаськем калыклы. 

      «Дыр вуиз ю-нянь октон борды кутскыны. Бусыосын ю тысь удалтэмын, туэ сое куинь миллион тонна дасяно. Соин, куазь тупатскиз ке, ю-нянь октон борды ӝегатскытэк кутсконо. Ӟырдыт ужъёсты ӝог но ыштонъёстэк йылпумъяно, - вераз Рустэм Закиевич. – Но асьмеос озьы ужаны ум йӧндыриське. «Ӝог» асьмелэн кык толэзь кыстӥське, нош «ыштонъёстэк» 25-30 процентозь вуэ. Таӵе ужъёсын туннэ азьпала уд вамышты. Югдурез тупатон бордын ужано. Со понна ю-няньлэсь удалтонлыксэ ӝутоно, пудоослэсь йырзэс будэтоно, тросгес сӥль, йӧл дасяно. Мон уг шӧдӥськы туала агротехнологиосъя ужамдэс, выль малпанъёстылэсь быдэстӥськемзэс. Кожалод, асьмеос ваньмы ӵошен кыӵе ке гопе усимы но отысь дасо аръёс ӵоже потыны ум быгатӥське ни. Ужмес дотациослы, бюджет коньдонлы, инкуазьлы осконэн лэсьтӥськом».

      Рустэм Хамитов со пумысен ивортӥз: азьланяз Гурт хозяйствоя министерство ёросъёсын гурт удысэз азинтон ласянь эскеронъёс нуоз. Со ёросъёслэсь ужъёссэс дунъяны юрттоз. «Зэм, гурт хозяйствоослы азьланяз но юрттэт возьматӥськоз. Но вуоно арысен сое ас ужазы кужмоосыз хозяйствоос гинэ шӧдозы. Дотациосты туала улонэн ӵош вамыштӥсьёсыз  басьтозы», - пусйиз Рустэм Закиевич.

      Республикалэн Тӧроез азьланяз бадӟымесь агрохолдингъёс кылдытон сярысь кылпум ӝутӥз. «Ужаны ке уд быгатӥське – сётэ музъемдэс», - шуиз со. Агрохолдингъёс ужазы выль технологиосты кутыны, выль техникаос басьтыны, селекционной уж нуыны, ужасьёсыз сярысь сюлмаськыны, пе, кулэ. 

      «Гурт удысэз азинтон понна вань луонлыкъёс кылдытэмын, - вераз Рустэм Закиевич вераськонзэ йылпумъяса. – Асьмелэн вань тодон-валанмы, быгатонлыкмы, ужась киосмы, техникаосмы. Соин гурт удысэз азинтон ласянь Россиын азьмынӥсьёс пӧлын луоно».

      Дасяз Ольга НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп