архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Чагыр инбам медаз сьӧдмаськы

      2014.02.13 639 0
      Чагыр инбам медаз сьӧдмаськы

      Советской войскоосты Афганистанэ пыртон сярысь ужкагаз ЦК КПСС-лэн Политбюроезлэн заседанияз 1979-тӥ арысь 12-тӥ толсуре кутэмын вал. Кивалтэтлэн та выллем постановление улэ гожтӥськемез сярысь калыклы тодмо ӧз луы. Озьы ик анай-атайёс но, пиоссэс армие келякузы, вир кисьтонэ шедёзы шуыса ӧз малпалэ. Нош улон яке вылӥ кивалтэт али пыд йылазы султыны дасяськись егитъёслы со выллем кышкыт адӟон дасяз. Куд-огезлы отысь дор палаз вуыны ӧз гожты ни.

      Афган ож 1979-тӥ арысь 25-тӥ толсурысен 1989-тӥ арысь 15-тӥ тулыспалозь кыстӥськиз, ваньзэ 2238 нунал. Кивалтэтэн сётэм лыдпусъёслы оскид ке, Афганистанысь ожын Советской Армия 14 сюрс 427 адямизэ ыштӥз, КГБ-ен МВД ӵош – 604 адямиоссэс кулэмен но ышемен лыдъязы. Нош афган калык 2 миллионлы матэ егит пиоссэ быремен ивортӥз.

      Афганистанысь бугыръяськонъёслэсь вирен сураськем шӧмзэс удмурт пиослы но веръяны гожтэмын вылэм. Калтасы ёросысь Бадӟым Качак гуртысь али гинэ школаез йылпумъям егит пилы Сергей Зайруллинлы армие кошкон сярысь ивортӥсь кагаз 1979-тӥ арын вуиз. Сӥзьыл вуоно солдатэз шаермес утьыны келязы. Сергей тодмо краснознамённой 317-тӥ полке шедиз. Ас вакытаз та полк Быдӟым Атыкай ожын 1945-тӥ арын Берлинэз басьтонэ пыриськиз.

      Сергей Зайруллинлэн армиысь нырысетӥ толэзьёсыз мукет солдатъёслэн нуналъёссылэсь ӧз висъяськылы, дыр. Озьы ик бызьылӥз, ыбылӥськон тӥрлыкъёсын тодматскиз, присяга кутӥз…

      1980-тӥ арлэн кутсконаз шӧдтэк шорысь 317-тӥ полкез самолётэн Витебскысь Энгельс городэ вуттӥзы. Нырысь нокин номыр ӧз вала. Егит пиосты ӝоген дӥсятӥзы, ыбылӥськон тӥрлыкъёсын но кӧс сиёнъёсын тырмытӥзы. Полкез пыр-поч дасям бере, Энгельсысь аэродромын ик егит солдатъёслы полковник вазиськиз. Соку ваньзы кезьыт вуэн пылатэм кадь луизы: азьпалан ож, вир кисьтон, оло, кулон.

      Самолётъёс 300 солдатъёсты Кабулысь аэродроме вуттӥзы. Кезьыт тол куазьлы дышем мугоръёслы нырысь чидантэм пӧсь луиз, нош сюлэмъёсазы кышкан каръяськиз. Татысен соку ик егит солдатъёслы валэктӥзы: Афганистанын интыысь кивалтэт но душманъёс (маджахедъёс) куспын ожмаськон мынэ. Али дыре тӥ азяды теле-радио центръёсты утялтон пумысен бадӟым ужпум пуктэмын. Калыкен кусып возён макеос душманъёслэн ки улазы шедизы ке, Афганистан маджахедъёслы кылёз.

      Сергей Зайруллинлэн верамезъя, та вакытэ Афганистан быдэсак кышкан шобретэн «пытсамын» вал. Гурезьёсын уен-нуналэн ыбылӥськем-пуштытъям куараос кылӥсько, урамъёстӥ-сюресъёстӥ ветлыны ик кышкыт: уд тодӥськы, оло, та минутэ ик минае шедьыса кулод. Душманъёс солдатъёсын огшоры калыкез ӧз висъялэ – автомат пуляос улын ваньзы огкадесь потӥзы.

      Афганистанын луэм нуналъёссэ малпакуз, Сергей Зайруллин улонысьтыз тужгес кышкыт учырзэ вератэк уг кельты. Соку ук со нырысьсэ кулонэн одӥг азе вуиз, егит пилэн син азяз эшъёссэ виизы. Соку, лэся, со нырысьсэ улонлэсь зэмос шӧмзэ но дунлыксэ валаз.

      Одӥг нуналэ солдатъёслы боевой уж сётӥзы. Одӥгаз гуртын мятежникъёс бугыръяськон ӝутӥллям, гурт калыкез кивалтэтлы пумит луыны, душманъёс пала карыны медо. Соосты, пе, одно ик зӥбоно, гурт калыкен шонер валэктон ужъёс нуоно.

      Гурт доры икыр-кокыр серпантин сюрес гурезьёс дортӥ кыстӥське. Азьпалан танк мынэ, со сьӧрын грузовой машинаосын солдатъёс. Шӧдтэк шорысь гурезьёсысь ыбылэм куараос кылӥськизы. Со вакытэ ик азьпалан мынӥсь танк ӝуаны кутскиз. Валамон, иське, сюрес минаосын тырмытэмын. Егит солдатъёс паймыса ӧз улэ, машинаосысь ӝог гинэ васькылӥзы, ыбылӥськон тӥрлыкъёссэс дасязы. Нош ыбылыны душманъёсты адӟыны уг луы, гурезьёс угось соосты умой утё. Сергей Зайруллин но эшъёсыныз машинаосысь потӥзы, автоматъёссэс кутӥзы. Со дыре одӥгзэ эшсэ душман пуля шедьтӥз. Озьы Сергейлэн, али гинэ школа парта сьӧрысь лыктэм пилэн, син азяз эшсэ виизы. Нош кӧня ке минутскын вань машинаослэн шобыртон брезентъёссы пызь пужнонлы укшазы, берло вань машинаос кенӝизы. Ма карод таӵе дыръя, огпалласянь душманъёсын тырмем ӝужыт гурезьёс, мукет палан – син сузёнтэм мур гопъёс. Та ыбылӥськонын асьме сол­датъёс 1 кулэмен но 5 сӧсырмемен кылизы. Юрттэтлы вертолёт ке ӧй вуысал, оло, ыштонъёссы тросгес но луысал.

      Асьмелэн солдатъёс городысь теле-радио центръёсты утьыны быгатӥзы. Берло соослы гурезьысь теле-радио вышка понна кыл кутоно луиз. Татысен Афганистанлэн кивалтэтэз СССР-ен кусып возиз. Татын но Сергей Зайруллин кулонэн улон вискын луиз.

      Душманъёс вышка вӧзы вуыны медаз быгатэ шуыса, Сергей эшъёсыныз ӵош сюресъёсты минаосын тырмытӥзы. Трос дыр но ӧз ортчы кадь, сюрес вылын пуштылэм куараос кылӥськизы. Та суредэз адӟем беразы, солдатъёс-воргоронъёс синвуоссэс ӧз ватэ: кык пияшъёс ӟуч солдатъёслы сюрестӥ сиён-юон тубыто вылэм, соос ик душманъёс интые шедиллям.

      Вашкалаос верало ук, вир кисьтон уж пересен пиналзэ уг висъя – ваньзэс одӥг сӥсъет улэ лэзе. Тӥни озьы ик Афганистанын но трос дыръя огшоры улӥсь калык но душманъёс понна улонзэс сётоно луиз.

      Сергей Зайруллин та выллем кышкыт учыръёсты дугдытэк вераны быгатоз, дыр. Улонысьтыз одӥг арез гинэ Афганистанэн герӟаськемын ке но, туннэ нуналэ со солэн улоназ бадӟым пытьы кельтэмын. Ожмаськонэз адӟем воргорон зэмзэ но сайкыт чагыр инбамез, шулдыр улонэз дунъяны дышемын. Дунне вылын ыбылӥськем куара гинэ, пе, медаз кылӥськы, нош со интые нылпиослэн шудо куараоссы мед чузъяськозы.

      Туннэ нуналэ Сергей Сайфутдинович Зайруллин Бадӟым Качак гурт поселениын гинэ ӧвӧл, быдэс Калтасы ёросын шуи ке но, уг янгыша, дыр, одӥгез гажамон адями луэ. Вань улон сюрессэ гурт хозяйстволы, пудо утёнлы сӥзем воргорон али дыре но быръем удысаз тырше. Туннэ нуналэ со Калмиябаш ветучастокен кивалтэ.

      Со сяна, Сергей Сайфутдинович Афганистанысь Ветеранъёслэн кенешсылэн кивалтӥсезлэн воштӥсез луэ. Вераны кулэ, али дыре Калтасы ёросын Афганистан ожез адӟемъёслэн лыдзы 51 адямилы ӵоша, соос пӧлысь витез удмуртъёс луо.

      Туннэ нуналэ Афганистанысь Ветеранъёслэн кенешсы ӟеч ужась огазеяськонэн лыдъяське. Афганецъёс школаосын нылпиосын пумиськылонъёс ортчытъяло. Котькуд ар 15-тӥ тулыспалэ шайвылэ эшъёссы доры вуыло, сяськаос тыро.

      Инмарен сётэм адӟон адямиез яке бурдъя, яке кыдатэ. Улонын одӥг учыр но адями понна пытьытэк уг ортчы. Сергей Зайруллинлы но со кышкыт нуналъёс сярысь гадьысьтыз трос пӧртэм медальёсыз гинэ ӧвӧл, сюлэмзэ позыртӥсь тодэ ваёнъёсыз Афганистанэз вунэтыны уг сёто. Озьы ке но ортчем нуналъёсыз сярысь чик уг жаля: «Улонэн озьы гожтэмын вылэм бере, иське, мыным со кулэ вылэм. Туннэ мон валасько шудо улонлэсь но улэм потэмлэсь дунзэ. Медаз гинэ сьӧдмаськы чагыр инбам, медаз гинэ кылӥськы ыбылэм куара».

      Венера ИЛЬБАЕВА.

      Калтасы ёрос.

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп