icon_gotop
18+
autorisation
Войти | Регистрация
Время в Татышле
14:53
Четверг, 28 Марта
Рекламный баннер 990x90px top

«Спортэн эшъяськись адями кужмо луэ»

13:23 13.02.2014

- Левитан Михайлович, колледжады пӧртэм интыосысь пиналъёс дышетско. Пӧлазы спортэн эшъяськыны мылкыд карисьёс трос-а?

- Азьвыл аръёсын ӵошатӥд ке, пиналъёс лябомемын шуыны луэ. Спортэн эшъяськись, кужмо спортсмен луись пиналъёсты табере шергес пумитано. Татышлы, Калтасы ёросъёсысь вуэм пиналъёс спортъя мукетъёслэсь трослы кужмогес луо. Соос куасэн бызьылонъя, ӝӧквыл теннисъя, волейболэн шудонъя зол быгатонлыкъёссэс возьмато. ӟеч дышетскись спортсменъёсмес вылӥ стипендиосын пусйиськомы.

- Асьтэлы кыӵе видъёсъя ужаны тужгес кельше?

- Со сярысь мон пырак вераны уг быгаты. Котькуд вид ас сяменыз тунсыко. Татысь спортзал тужгес бадӟым луэ. Ми городлэн футболэн шудонъя центреныз лыдъясь­киськомы. Ӝӧквыл теннисъя, волейболъя, футболъя, куасэн бызьылонъя кужмо спор­тсменъёсмы трос. Пиналъёс республика ӵошатсконъёсы но ӵемысь пыриськыло. Соос котьку вормисьёс пӧлын луо. Ортчем спартакиадаын дас видъёсъя быгатэмзэс возьма­тыса, пиналъёсмылэн командазы республикаын кыкетӥинтыын луиз. Нылпиос куасэн бызьылонъя, капчи атлетикая, греко-римской нюръяськонъя, ӝӧквыл теннисъя, футболэн, волейболэн, баскетболэн шудыса но мукет видъёсъя кужымзэс мертазы. Ачим мон куасэн бызьылӥсько, волейболэн шудӥсько. Елизавета нылы но лицей понна куасэн ӵошатсконъёсы пыриськылэ. Семьяямы спортлы бадӟым саклык висъяськомы.

- Егитъёслы кыӵе сӥзёнъёсты луоз?

- Спортэн эшъяськыны, шутэтскон дырзэс тазалыко улонэн герӟаны. Спортэн эшъяськись нылъёс но пиос мукетъёс пӧлын котьку висъясько. Соос чебергес но, кужмогес но, тазалыксыя но юн луо. Огъя вераса, спортэн эшъяськись адями кужмо луэ.

- Тау.

Ирина САМИГУЛОВА.

Нефтекамск город.

6496

Оставить сообщение: