архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Ужъёс ӝегатскемез уг чидало

      2014.01.30 994 0
      Ужъёс ӝегатскемез уг чидало

      Кылем арняын Башкортостан Республикалэн Президентэз Рустэм Хамитов Янаул но Калтасы ёросъёсы вуылӥз.

      Республикалэн президентэз Янаулын Совето ульчаысь вить этажо юртысь тупатон ужъёсын тодматскиз. Татысь кыкетӥ но ньылетӥ подъездъёсысь куд-ог квартираосы калык улыны выже ни, нош куинетӥ подъездысь квартираос быдэсак тупатэмез кулэ каро.

      - Туала ӝутӥськон технологиос тупатон ужъёсты ӟеч но вакчи дыр куспын быдэстыны юртто. Соин вань ужъёсты южтолэзь пумозь - оштолэзь кутскытозь йылпумъяно, - вераз республикалэн президентэз ӝутӥськисьёслы. – Уж дурын коньдонэз шыръян сярысь сюлмаськоно ӧвӧл.

      Республикалэн Президентэз городысь эмъюртэ кожылӥз. Эмчиослэн верамзыя, ӝог эмъюрттэт тылпу потэм интые ваземзы бере ньыль минут дыр ортчыса вуиз. Эмчиос тылпу кысӥсьёсын ӵош калыклы юрттӥзы. Та нуналъёсы эмъюртын тылпуын сӧсырмыны шедем кык адямиос эмъясько. Рустэм Закиевич Янаул ёрос администрациен кивалтӥсез Ильшат Вазигатовез соослы котыр ласянь юрттэт возьматыны куриз.

      Рустэм Закиевич эмъюртлэн материально-технической базаеныз но тун­сыкъяськиз. Валтӥсь эмчилэн Ришат Хакимовлэн верамезъя, кылем арын эмъюртэ реанимобиль басьтӥзы. Со кышкыт учырын бадӟым юрттэт луиз. Нош эмчиос ласянь татын но югдур шумпотымон ӧвӧл. Эмъюрт эмчиосын 58 процентлы гинэ тырмытэмын.

      Калтасы ёросын Рустэм Хамитов Краснохолмскийысь ужбергатонэн тодмат­скиз. 2002-тӥ арын татын пуэз перерабатывать каронъя предприятие усьтэмын вал. Татын пиломатериал, евровагонка, блок-хаус дасян бордын тыршо. Вуззэс Янаулэ, Нефтекамске, Бирске тросэн басьто. Нош «Доверие» вуз карон сетьлэн сиён-юонъёсыз ёросэ паськытгес вӧлмо. Та нуналэ Рустэм Хамитов вуз карон сетьлэн производственной цехаз вуылӥз. Татын нянь пыжо, кампет-печенняос потто, сӥльлэсь полуфабрикатъёс дасяло. Рустэм Хамитов ужбергатӥсьёслы азьланяз ужзэс паськытгес вӧлмытыны ӵектӥз.

      Нош Калтасыын Рустэм Хамитов нырысетӥ номеро школаысь тупатон ужъёсты эскериз. Президент республикаысь Дышетонъя министерстволэн кивалтэтэзлы соосты таиз арысь 1-тӥ куарусёнозь йылпумъяны куриз. Татын 1960-тӥ арын ӝутэм юртэз выльдон борды 2010-тӥ арысь толшор толэзе кутскизы.

      Рустэм Хамитов ужзэ «Восход» СХК-ын йылпумъяз. Татын «500 ферм» программа улсын фермазэс тупатӥзы но араз йӧл кысконзылэсь быдӟалазэ 1 тонналы матэ будэтӥзы. Со сяна, хозяйство берло вить ар ӵоже 28,3 миллион манет тыр выль техника басьтӥз.

      Дасяз

      Ольга НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить