Зэмлыкез шедьтыны луонлыкъёс вань

7-тӥ куартолэзе ныл¬пи пособиос сярысь законэ воштӥськонъёс пыртэмын вал. Азьвыл нуныен пукись ужзэ ыштоно ке луиз, солы нимысьтыз юнматэм (фиксиро¬ванной) пособие тыриське вал: нырысетӥ нылпилы толэзяз 2454 манет, кыкетӥ но бӧрысь вордӥськемъёслы – 4908 ма¬нет. Нылпиен пукисьлэн уж¬лэсь мозымытэмлэсь азьвыл ужам аръёсыз (стажез) лыдэ уг басьтӥсько вал: Соцстрах фондэ уждунэзлэн люкетэз выжтэмын ке но вылэм. Ужась олокӧня уждун басьтыса ке но тыршем, солэн нылпи пособиез фиксированной лыдпуслэсь вылӥын луымтэ.
Законэ пыртэм воштӥськонъёсъя, нылпиен пукисьлэн уж интыез пытсась¬коно ке но луиз, пособиезлэн быдӟалаез уждунэзлэн 40%-лы ӵошалоз. Кылсярысь, «де¬кретникъёс» 100 сюрс манет уждун басьтыса ужаллям ке, соослэн нылпи пособизы 40 сюрс манет лыдъяськоз.
Трос дыръя декрет от¬пуске кошкем нылкышноос нылпи пособиен герӟаськем шуг-секытъёсын пумиськоно луо. Вераны кулэ, декретын, нуныен пукись нылкышноез ужысьтыз мозмытон закон чакламын ӧвӧл на. Ужан инты пытсаськыку гинэ сыӵе луон¬лыкъёсты уже куто. Яке кыш¬номурт дырызлэсь вазь ужаны потыса, трос янгышъёс лэсь¬тыны ке вуэм. Но трос дыръя ужӵектӥсьёс законэз тӥяса, янгышъёс лэсьто. ӧвӧл, соос нуныен пукисьёсты ужысьтызы палэнтыны уг дырто. Уго сыӵе дыръя суд нылкышноосты берен ужазы интыяны быгатэ. ӵемысь пумиське, кылсярысь, ужбергатӥсь ООО-ослэн пере¬гистрация лэсьтэмзы. Соку, юридической но физической адресъёс воштӥськемен, за¬конэз тӥям ужӵектӥсез шедь¬тыны ик шуг луэ. Сыӵе амалъ¬ёсын трос дыръя ужасьёссэс гажасьтэм кивалтӥсьёс пай¬даясько.
Нуныен пукись нылкышно¬лэн нылпи пособиос пумысен луонлыкъёсыз «чиго» ке, со судэ вазиськыса зэмлыкез шедьтыны быгатоз.
Татышлы ёрос судлэн пресс-службаез.