Ужан сюрессэ пиналъёсын герӟаз

Нелли Анатольевна Пермьысь физкультурая училищеез йылпумъ­яса, нырысь Куеда ёросысь Узяр гуртын покчи классын дышетскись пиналъёсты дышетӥз. Бӧрысь дас вить арлы матэ ас гуртаз покчи ёзо школаен кивалтӥз. Ужан аръёсаз со тодон - валанзэ будэтыны но вутскиз, УРГПУ-лэсь филиалзэ йылпумъяса вылӥтодон-валанэн дышетӥсь луиз. Школаен кивалтон аръёсаз Нелли Анатольевна котькытчы вутскыны тыршиз, пичи гуртэныз герӟаськем ужрадъёсы но пыриськылӥз. Солэсь лулысь-сюлмысь тыршыса ужамзэ ёрос администрацилэн, дышетонъя ёзэтлэн грамотаосыныз пусйизы. Ог дыре Нелли Анатольевна школаын ужанзэ вис кариз, нош яратоно ужез­тэк улэмез ӧз луы. Та нуналъёсы со Бадряш шор ёзо школаын директор­лэн внеклассной ужъёсъя воштӥсез луэ. Со сяна, удмурт кылъя но лите­ратурая урокъёсты нуэ.

- Тыршись, сюлмаськись, ужез понна вань лул-сюлэмзэ, тодон-ва­ланзэ сётыса ужа, ялан выльзэ утча­ны дышемын, - шуо со сярысь ӵошен ужам эшъёсыз. Выль дышетскон ар кутскемен дышетӥсьлы ваньзэ ӟечсэ но сюлэм шумпотымонзэ сӥзем потэ. Визьмо дышетскисьёс но тунсыко урокъёс тӥледлы, Нелли Анато­льевна!

Ирина САМИГУЛОВА.

Татышлы ёрос.