архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Одӥг вакытэ пӧртэм ужъёсты быдэстоно

      2017.08.31 113 0
      Одӥг вакытэ пӧртэм  ужъёсты быдэстоно

      Таиз ар гурт удысын тыршисьёс понна капчиен ӧз сётӥськы. Тулыс бер вуэмен, кизён ӝегатскиз - ужъёсты вакчи дыр куспын быдэстоно луиз. Инвожое но пӧсьтолэзе дугдытэк кисьтэм зоръёс пудо сиён дасяны люкетӥзы. Хозяйствоос зоръёсын нюръяськыса сямен сенаж, силос тыризы ке но, турын тырмыт дасяны ӧз быгатэ. Та уж али но азинске на. Ю тысь дасян дыр но вуиз. Тросаз хозяйствоосын толйись ӟегез но кизё. Уж трос, куазь гинэ медаз люкеты соосты быдэстыны.

      Куеда ёросысь «Горд кужым» СПК-ын но али ӟырдыт вакыт. Бусыосысь веттаськись зарни шепъёс шоры учкыса, мылкыд ик ӝутске – ужасьёслэн тулыс тыршемзы юнме ӧз луы, амбаръёс ю тысен, кидысэн тырмозы. Бусыосын ӵукнаысен ӝытозь комбайнъёс, тракторъёс ужало. Хозяйствоен кивалтӥсь Олег Фатталов ю тысь октон кампанилэсь азинскемзэ пыр-поч эскерыса улэ, кылдэм шуг-секытъёсты дыраз палэнтон сярысь сюлмаське.

      «Победа» ООО-лэн Калтасы ёросысь Бадӟым Качакысь участоказ туэ тысё культураос – чабей, ӟег, йыды, сезьы, кӧжы - 1570 гектаре киземын вал. Али хозяйствоын ужасьёс ӟег, йыды кутсало. Ужась киос тырмыт, техника ласянь сюлмаськонэз ӧвӧл бере, ужъёс дыраз быдэстӥсько.

      - Кӧжыез октыса быдтӥмы, гектарысьтыз 20 центнер усиз. Со 102 гектаре киземын вал. Али ӟег, йыды, сезьы кутсаськом. Ю тысьлэн удалтонлыкез сярысь туэ сюлмаськонэз ӧвӧл, кылсярысь, йыды гектарысьтыз шор лыдын 27 центнер потэ. Куазен гинэ мед удалтоз,  - вера участокен кивалтӥсь Назиф Абдуллин.

      Кивалтӥсьлэн кылъёсызъя, бусы ужъёсты дыраз быдэстон вылысь тыршыса ужало комбайнёръёс Александр Зиятдинов («Агрос»), Алексей Тимиряев («Нива»), Вадим Мингараев («Нива»), Вадим Абкаримов («ЗИЛ»), Юрий Насипуллин («ЗИЛ»), Виталий Минликаев («ГАЗ-53»), Руслан Байтимиров («Хино»). Толйись ӟегез 240 гектар музъеме «Джондир» трактореныз Радис Фаткиев кизем.

      Янаул ёросысь «Агрофирма «Урада» ООО-ысь валтӥсь агрономлэн Александр Гарифьяновлэн кылъёсызъя, татын ю тысь октон борды дас нунал азьвыл басьтӥськиллям.

      - Тысё культураос огъя 2000 гектаре киземын. Ӟегез басьтыса быдтӥмы ни. Солэн удалтонлыкез гектарысьтыз 23 центнерлы ӵошаз. Со сяна, кӧжы, чабей октӥськом. Соос но удалтэмын, гектарысьтыз 20 центнерлэсь ӧжыт уг усьы. Ю тысь октонын ньыль техника ужа. Сюлмысь тыршо кема аръёс ӵоже комбайнын ужам Виктор Саляхов но комбайнёр Алик Гараев. Пусйытэк кельтоно ӧвӧл Альфир Муллаяровлэсь но Айрат Хабибуллинлэсь ужъёссэс: мар ӵектӥськод, ваньмыз борды басьтӥсько, руль сьӧры но пуксё, амбарын но ужало, - вера Александр Рахимьянович.

      Урадаос кын улэ гырыны но потӥллям ни. Та ужез оскымон механизаторъёс Фанзил Гильфанов но Рамзил Галиев быдэсъяло. Куро прессовать каронын Рим Бадретдинов тырше.

      Бурай ёросысь Мамадыысь «Дэмен» ООО-ын но али ӟырдыт дыр. «Ю тысь октон бордын тыршиськом – ӟегез, кӧжыез басьтӥськом. Со дыре ик турын, сенаж но дасяськом. Туэлы пудо сиён тырмыт ке но, луонлыкъёс вань дыръя вуоно арлы но дасялом шуиськом. Куазь уг зоры, луэм турынэз бусые уд кельты ук. Ужась киос сярысь но сюлмаськонъёсмы ӧвӧл. Егит механизаторъёсмы но вань. Техника ласянь гинэ шуг-секытъёс кылдо – тракторъёс, комбайнъёс, машинаос вужмемын. Бусыосын из трос пумиське бере, техника но ӵем тӥяське. Туэ одӥг «Палесье» комбайн басьтӥмы. нош КамАЗ-ъёсты палэнысь вазьытэк уг луы», - вера «Дэмен» ООО-лэн директорезлэн производствоя воштӥсез Фидель Шамсияров.

      Фидель Фарахутдиновичлэн кылъёсызъя, хозяйствоын тыршыса, дырзэс но кужымзэс жалятэк ужало Дмитрий Ахметшин, Андрей Галямшин. Соос, кулэ ке луиз, ДТ, Т-150 тракторъёсы но, комбайнэ но, пе, пуксё. Озьы ик пусйымон ужъёссы Александр Шаяхметовлэн, Руслан Суфияровлэн, Фирдинант Минигалиевлэн, Рафиль Зайтдиновлэн, Альмир Валинуровлэн. Егит ужасьёссы сярысь но – Артём Минигалиев но Константин Минлиев – кивалтӥсьлэн воштӥсез данъяськыса вера, соослэн ужъёссылы вылӥ дунъет сётэ.

      Татышлы ёросысь «Рассвет» СПК-лэн бусыосаз но комбайнъёслэн, машинаослэн, тракторъёслэн гуретэмзы чалмытскыса уг улы. Татысь нянь будэтӥсьёслы туэ 2300 гектар музъемысь тысё но тысё-кӧжыё культураосты октоно. Рассветъёс оско, туэ соос ю тысь, кылем арен ӵошатыса, тросгес басьтозы.

      - Али ӟег, йыды кутсаськом. Валовой сбор огъя 12 сюрс центнерлэсь тросгес ни. Ӟеглэн удалтонлыкез ушъяськымон вылӥын ӧвӧл, гектарысьтыз 13 центнер гинэ усе, йыдылэн удалтонлыкез гектарысьтыз 20 центнерлы ӵоша. Бусыосын дугдылытэк вить ю тысь октон комбайнъёс ужало. Комбайнёръёс Алексей Мухаяров, Арсений Зиянгиров, Руслан Каюмов, Вениамин Мухаяров но Алик Гузаиров ужан дырлэсь котькуд минутсэ пайдаен ортчытоно шуыса ӟеч тодо, ӵукна потыса, уждуразы соос бер ӝытозь ӝегатсконо луо, - вера «Рассветысь» валтӥсь агроном Андрей Шайхуллин.

      Ю-нянь октонэн ӵош, хозяйствоын силос тыро, куро прессовать каро, ӟег кизё. Озьы ик кын улэ гырон ужъёс быдэстӥсько: ДТ тракторъёслэн кузёоссы Равис Салимов но Фаниль Ямалетдинов пеймыт усьытозь гыро. Гуртын улӥсь калык шундыё нуналъёс юнме медаз ортче шуыса сюлмаське.

                                                                                                                             Дасяз Миляуша БУЛАТОВА. 

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп