архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Гужемлэн шудо дас нуналъёсыз

      2017.08.31 85 0
      Гужемлэн шудо дас нуналъёсыз

      Нылпиос котьку возьмало гужемлэсь вуэмзэ. Соку соослэн улоназы трос вылез луэ: тодматсконъёс, выль интыос, малпанъёс. Та вакытэ тросэз лагерьёсы мыно. Собере ар ӵоже отысь улонэн «висё» на.

      2015-тӥ арын мон нырысьсэ «Усточикар» лагере ветлӥ. Отын мыным ваньмыз тунсыко вал. Нырысь ик монэ туж паймытӥз Удмуртиысь вуэм нылпиослэн вераськемзы. Асьмелэсь со шӧдскымон висъяське. Башкортостанысь удмуртъёслэн вераськоназы трос башкир кылъёс пыремын. Озьы ке но ми Удмуртиысь пиналъёсты валаськомы.  Ог-огенымы кусып тупатыны школаын анай кылэз дышетэммы юрттэ. 

      Тани туэ но шумпотыса Татышлы ёросысь В. М. Комаров нимо лагере интыяськем «Усточикаре» вуылӥ. Та нуналъёсыз азьвыллэсь но золгес возьмай. Нош вуэмзы бере соослэсь ортчемзэс шӧдытэк ик кыли.Ӵукна милемыз кырӟаса сайкатъязы вожатойёсмы Марина, Эдик, Окси, Света но Ильнар. Мисьтаськем бере зарядка лэсьтылӥмы. Сое Юра физрукмы ортчытъяз. Собере отрядъёсын султыса, кричалкаосмес вераса, сиськыны мынӥмы. Пӧзьтӥськисьёсмы нуналаз вить пол милемыз ческыт сиёнъёсын утялтылӥзы. Укмыс часысен пӧртэм мастерскойёсын ужаллямы. Азьвыл мон «Азьветлӥсьёс» пӧлын тырши, туэ «Журналистикаез» бырйи. Сое нуиз Ижкарысь ӧнерчи Мария Галеева. Дас нунал куспын со милемыз интервью, очерк гожтыны, туспуктыны дышетӥз. Мынам ноку интервью басьтэме ӧй вал на. Лагерьын «Дӥськут дизайн» мастерскойысь ӧнерчиен Елена Петроваен (Дарали Лелиен) вераськимы. Туннэ интервьюлэн пичи люкетэныз тӥледлы но тодматскыны ӵектӥсько.

      - Мон кылӥ, Тӥляд псевдонимды Дарали Лели шуыса. Малы сыӵе ним бырйиды?

      - Дарали горд шуэм яке сыӵе чебер басма, дарали кышет шуиськом. Кылсярысь, сыӵе лемлет, дарали кадь, шунды ӝужа, дарали кадь гордэктӥз. Сыӵе аслым ним бырйи.

      - Нош марлы тӥ дизайнэз бырйиды? Кӧня ар та удысын ужаськоды ни?

      -Дизайнэн мон 2013-тӥ арысен вырисько, малы ке шуоно одӥг вакытэ дискотекаосты, концертъёсты радъян бордын трос ужай. Отын удмурт мода возьматоно вал. Мон малпай, малы мукет адямиосыз гинэ весь возьматӥськом?  Эшшо мынам аслам «Мадмуазель Удмурт» модельной агентствое вань. Мынам аслэсьтым дӥсьме возьматэме потӥз, ачим но быгатӥсько шуыса.

      - Мар тӥ витиськоды нылпиослэсь?

      - Нырысь ик, сцена вылын мода возьматонэз соослы валэктыны быгатоно. Собере дышетом удмурт костюмез. Со сяна, эскеромы на ӵыжы-выжы калыкъёсмылэсь костюмъёссэс, пужыоссэс. 

      - Тау, Дарали Лели, вераськемды понна. Малпасько, тӥляд мастерскояды пиналъёслы туж кельшоз.

      Мастерскойёс йылпумъяськем бере, лагерьын пӧртэм шудонъёс, конкурсъёс но дискотекаос радъяськылӥзы. Озьы «Усточикарлэсь» йылпумъяськемзэ шӧдытэк но кылимы. Та шудо дас нуналъёсмы понна, лагерез радъясьёслы но отын ужасьёслы бадӟым тау карон кылъёсме вераме потэ.

      Лиана Габокова.

      Татышлы ёросысь Альга гурт.

       

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп