архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    АНЕКДОТЫ

      «Вуоно толэзьын почтальон ми доры кожылоз»

      2017.08.24 239 0
      «Вуоно толэзьын почтальон ми доры кожылоз»

      Редакциямы Пермь шаерысь Чернушка городын улӥсь удмурт нылкышно пыраз. «Эх, кыӵе шумпотысал, материалме газетэ поттыны быгатысалды ке», - малпанъёссэ кисьтӥз со. Татышлы ёросын улӥсь апаез доры бертылыкуз, «Ошмес» газетэз шумпотыса, пе, лыдӟисько. Нош малы асьтэос уд гожтӥськиське? – ӧй чида солэсь юатэк. «Чернушкаын солы гожтӥськыны уг луы», - валэктӥз выль тодмомы. Со пумысен вераме потэ: «Ошмеслы» туннэ шаермылэн пӧртэм сэрегаз улӥсь гожтӥськыны быгатэ.

      Зэм, газетмы Россиысь гожтӥськон каталоге пыремын ӧвӧл. Озьы ке но «Ошмесэз» лыдӟисез доры вуттыны пӧртэм амалъёс утчаны тыршиськом. Со сяна, rbsmi.ru сайт пыр газетмылэн электронной версиезлы гожтӥськыны быгатоды на. Но, кызьы шуо лыдӟисьёсмы, соку «Ошмесэз» кияды кутыса учкыны уд быгатэ ни. Газетэз компьютер пыр лыдӟоды.

      Газет-журналъёсты тросгес лыдӟисьёс доры вуттон понна, шаерамы пӧртэм ужъёс быдэстӥсько. Озьы ке но гожтӥськисьёслэн лыдзы арысь аре кулэсме. Нош ог кызь ар талэсь азьвыл Россия тужгес лыдӟиськись шаерен лыдъяськиз. Кема аръёс ӵоже Татышлы ёросысь Выль Татышлыын почтаын ужам Фания Николаевалэн верамезъя, азьвыл котькуд семьяын дас яке солэсь тросгес газет-журнал басьтӥзы. Соос пӧлын удмурт кылын потӥсьёсыз но ӧжыт ӧй вал. Тросэз песяйёс-песятайёс внукъёссылы нылпи журналъёс басьтылӥзы на. Та вакытэ котькуд юртын почтальонэз шумпотыса витизы. Соос но, кылсярысь, бадӟым сумкаоссэс ӝуткаса ветлонлы пумит луиллямтэ.

      Совето Союз куашкам бере, калык лыдӟиськон сярысь вунэтӥз. Туннэ гуртъёсын тросэз ёрос газетлы гинэ гожтӥсько на. «Ошмесэз» лыдӟисьёс но сокем трос уд шуы. Нош Удмурт Элькунысь удмурт газет-журналъёс республикаямы кӧня ке экземплярен гинэ вуо на. Таӵе воштӥськонъёсты тросэз соослы дунъёс будэмен герӟало. Но со бордын гинэ меда солэн мугез? Мынам малпамъя, со ваньмыз, нырысь ик, герӟаськемын лыдӟиськонэз телевизор учконэн, компьютер сьӧрын пуконэн но мукет тунсыкъяськонъёсын воштэмен.

      - Почтальонмы бускельёсылы газет пыртэ, нош монэ палэнтӥ ортче. Таӵе суредэз укно пыр вожмаськыса учкисько. Соин, бере кыльыса ке но, гудырикошкон толэзьын газетлы  гожтӥськи, - вера одӥгез тодмое. – Вуоно толэзьын почтальон ми доры кожылоз. Табере со тыриськонъёсын кагазъёсты гинэ уз вутты, газет пыртоз.

                                                                                                                                                 Ольга  НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    ПАРТНЕРЫ

    Поздравления

    Гороскоп