Культура

Куарусёнэз котькуд пинал пӧртэм сямен пумита. Кин ке, кылсярысь, выль дышетскон арлы шумпотэ, нош кин ке гужем каникулъёслэн ортчемзы пумысен жаля. Калтасы ёросысь Бадӟым Качакысь Валерий Галиахметовлэн но Фёдор Мениевлэн, Татышлы ёросысь Выль Татышлыысь Алёна Самигуловалэн но Линда Гильмановалэн, Калмиярысь Валерия Мардамшиналэн, Улысь Балтачысь Линда Зидымаковалэн, Янаул ёросысь Каймашабашысь Альбина Башировалэн гужем каникулъёссы кемалы вунонтэм кылизы. Туэ соос «Шундыкар» лагерьын шутэтскизы. Пиналъёс отын ортчем нуналъёссы сярысь шумпотыса верало.

Быдӟым Атыкай ож аръёсы улон, собере трос секытэз адӟон – ваньмыз со ортчеме кылемын. Егитъёс со сярысь песяй-песятайёссылэсь, книгаосысь гинэ тодо на. Нош музейёс котькуд нунал соин шокало. Отын улэ асьмелэн историмы. 1992-тӥ арын толшор толэзе Ташкичиысь дышетӥсьёс школазы борды музей кылдытыны малпаллям. Гуртазы тросгес удмуртъёс улӥллям бере, сое «Удмурт крестьянинлэн юртэз», пе, ниманы луоз. Дышетӥсьёслы малпанзэс быдэстыны гурт калык бадӟым юрттэт возьматэм. Соос огъя кужымен фольклорез эскерон, гуртэн но отын улӥсьёсын герӟаськем материалъёс, экспонатъёс люкан борды басьтӥськиллям. Школаысь музейлы чаклам висъет вакчи дыр куспын шӧдскымон узырмем. Та вакытэ ик калык люкам ваньбурзэ дышетӥсьлы Аниса Марваровналы осконзэ верам.

Шаермылэн шоркарысьтыз «Эрмитаж» сад одӥг нуналэ удмурт дуннелы пӧрмиз. Татын удмурт калык праздник - Гербер – радъяськиз. Ужрадэ Удмурт Элькунлэн Тӧроез Александр Соловьёв, удмурт культурая огазеяськонъёслэн кивалтӥсьёссы, фольклор ансамбльёс но Москваын улӥсьёс пыриськизы. Кузь сюресэз вакчи карыса, празднике Татышлы ёросысь Кызыл-Ярысь «Марӟан», Янаул ёросысь Вуж Варяшысь «Югдон» но Пермь шаерысь Куеда ёросысь Бадӟым Гондыр гуртысь «Тюрагай» удмурт калык ансамбльёс но вуылӥзы.

Кемалась-кемалась, 1627-тӥ арын, шаермылэн одӥгаз шулдыр сэрегаз, шур дуре, удмуртъёс улыны интыяськиллям. Гуртсэс соос пӧлазы Шыр нималлям. Нош гожтӥськемын со Каймашабаш.1748-тӥ арын гуртын 47 адями лыдъяськем, 1920-тӥ арын ортчем лыдъян-чотанъя – 931. Али дыре гуртын 184 юртъеръёсын 600-лэсь трос калык улэ.

26-тӥ инвожое Пермь шаерысь Куеда ёросысь кирга но бадӟым гондыр музъемын бадӟым ужрадъёс – Элен вӧсь но «Древние напевы удмуртов «Чакара» регионъёс куспысь фестиваль – радъяськизы.

Кылем арняын Татышлы ёросысь «Косая степь» шутэтскон базаын республикаысьтымы журналистъёслэн фестивальзы ортчиз. Отчы валтӥсь редакторъёс, журналистъёс, республика но ёрос газет-журналъёсын, радиоын но телевидениын, интернет-изданиосын ужасьёс пыриськизы.

Андреевка – Янаул ёросысь удмурт гурт. Куке но татын юн гурт хозяйство вылэм, школа тыр чалмытскисьтэм пинал куараос жингыраллям. Нош туннэ нуналэ гуртлэн «кизилиез» луэ клуб. Огдырлы ужъёссэ вунэтыса, калык татчы шутэтскыны дыртэ. Клубен кивалтӥсьлэн Гузалия Губаевалэн верамезъя, клубын ужрадъёс ӵем ортчыло, кылсярысь, арняяз куинь пол нылпиослы ужрадъёс но радъясько.

11-тӥ инвожое Выль Татышлыын гырон-быдтонлы сӥзем шулдыръяськон ортчиз. Со кӧня ке люкетъёслэсь сылӥз. Отын ужын азьмынӥсьёсты данъязы, Бальзюгаысь вӧсясьлы Назип Садриевлы «Древо мира» премия сётӥзы, «Ошмес» газетэз лыдӟисьёс пӧлын «Счастливое авто» акция радъяськиз, трос кырӟанъёс чузъяськизы, спорт шудонъёс луизы. Ваньмыз сярысь радызъя мадёмы.

Истяк гурт поселение тямыс гуртъёс пыро. Соос пӧлысь одӥгез – Банибаш (Ваня) гурт. Одӥг урамлэсь гинэ сылӥсь Ваняын эшъяськись удмурт калык улэ. Шумпотоно, бигер гуртъёс пӧлын улыса-вылыса но соос кылзэс, лулчеберетсэс, сям-йылолъёссэс утё но азинто. Ваняос 12-тӥ инвожое гуртазы трос калыкез люказы. Та нуналэ тупась куинь праздникъёс одӥг бугоре биниськизы. Россилэн нуналэз, гырон-быдтон но «Инвожо» ансамбльлэн вить ар тырмонэз гурт калыклы, вуэм куноослы кемалы тодазы кылёзы.

Россия Федерацилэн Президентэз В. В. Путин республикаямы вуылыкуз, шуиз: «Башкортостанын, ву шапыкын выллем, быдэс Россиысь калыклэн пӧртэм культураез, осконэз, кылэз но калыклэн эшъяськонэз шӧдӥське». Нош кылем арын, ШОС но БРИКС саммитъёс йылпумъяськем бере, со башкир кылэз дышетыны ӵектӥз.

Тюрагай кылэз кылыса, тросэз жингрес куараё тылобурдолэсь чирдэмзэ малпало, дыр. Нош Пермь шаерысь куеда музъемын улӥсьёс Бадӟым Гондырысь «Тюрагай» фольклорно-этнографической калык ансамблез син азязы пукто. Та нуналъёсы ансамбль 35 ар тырмонзэ пусйиз.

Вязовкаысь чиль-дол ворекъясь чеберъяськонъёсын но удмурт дӥськутъёсын уӵы нылъёс тросэзлы тодмо. Чебер апай-кенакъёсын кема аръёс ӵоже ни Фанил Нуриахметов быгатыса кивалтэ. «Уӵы ныл» удмурт калык ансамбль кырӟан-эктонъёсыныз республикаямы сяна, пӧртэм улосвылъёсы, кунгож сьӧры но вуылӥз ни. Нош оштолэзьлэн берпуметӥ нуналаз соос асьсэос жильыртыса бызись чылкыт ошмесо гуртазы, Вязовкаын, матысь но дуно кунооссэс пумитазы. Озьы шулдыр но шундыё тулыс нуналэ культура юртэ трос калык люкаськиз. Уго туннэ «Уӵы ныл» аслэсьтыз кызь арес тырмон юбилейзэ пусъе. Гажаса ӧтем кунооссэс кузёос тыр нянен, пӧрам-пыжиськемъёсын, пӧсь чаен пумитазы. Со вискын ик Лилиана Нуриахметова, Радис Гайниятов но Вязовкаысь культура юртысь «Зоренька» но «Калинка» ансамбльёсы ветлӥсь пиналъёс удмурт, ӟуч, башкир но итальян кырӟан-эктонъёсын шулдыртӥзы.

Кык арлы одӥг пол республикаямы удмурт нылъёс пӧлын «Чеберина» конкурс радъяське. Таяз арын со витетӥ ползэ ортчиз. Нырысь со 2008-тӥ арын Янаул ёросысь Шудек гуртын ортчиз но отын дас одӥг удмурт нылъёс нюръяськизы. Соку «Чеберина» нимез Татышлы ёросысь Выль Татышлыысь Лиана Миннимухаметова басьтӥз. Бӧрысь пӧртэм аръёсы Гран-прилэн кузёосыз луизы Янаул ёросысь Вуж Варяшысь Мальвина Нуриева, Ксения Нигиева но Кониговоысь Ксения Гарипова. Удмурт чеберайёсты таяз арын но вуж варяш музъем пумитаз. Та нуналэ республикаысьтымы Калтасы, Татышлы но Янаул ёросъёсысь тямыс нылъёс чеберлыксэс, быгатонлыксэс но устолыксэс возьматӥзы.

Туэ Башкортостанысь удмуртъёслэн историяя но культурая центрзы бордын удмурт нылкышноослэн клубзы кылдӥз. Тулыспал толэзе клубе пыриськисьёслэн нырысетӥ заседанизы ортчиз. Отын котькуд удмурт гуртын нылкышноослэсь огазеяськонзэс кылдытон сярысь кылпум ӝутэмын вал, огазеяськонъёсы кивалтӥсьёсты бырйизы, азьланезлы уж план кутӥзы.

«Дун вуо ошмесъёсын, гурезьёсын но шуръёсын узыр урал музъемын кемалась-кемалась удмурт калык улэ. Даурысь дауре, поколениысь поколение песянайёс но песятайёс нылпиоссылы но нунокъёссылы мадьыса возиллям-утиллям калык выжыкылъёсты, сям-йылолъёсты, мифъёсты. Озьы туннэ нуналозь возиськем калыклэн историез но выжы кылэз…»

Республикаысьтымы удмурт школаосысь пиналъёс нылпи творчествоя фестивале нырысьсэ 1999-тӥ арын люкаськизы. Соосты шумпотыса пумитазы Калтасы ёросысь Бадӟым Качак школаын. Та дышетскон юртлы туэ но Балтач, Татышлы, Янаул ёросъёсысь удмурт школаосысь пиналъёслы ӧсъёссэ усьтыны кылдӥз. Удмурт кырӟанъёсын, тыр нянен пумитазы соос кунооссэс. Нош собере школа улонэнызы, вормонъёсынызы, музеенызы тодматон сярысь сюлмаськизы. Нылпиосты ӟечкыласа вераськизы БР-ысь удмуртъёслэн национально-культурной центренызы кивалтӥсьлэн воштӥсез Ю. С. Саитов, Калтасы ёросысь дышетонъя ёзэтэн кивалтӥсь Э. Р. Гарипова, Бадӟым Качак гурт поселенилэн администрациеныз кивалтӥсь Г. Д. Хайдаршин но школалэн директорез Д. Ш. Галиахметов.

«Котькуд семьялэн аслаз чеберлыкез, аслаз шунытэз луэ», - шуо калыкын. Озьы ик со вань. Нош пиналъёсын артэ песянай-песятаез яке ӵужанай-ӵужатаез луо ке, семья трослы узыргес но учкымон луэ. Нылпиос таӵе семьяосын визьмогес будо, лякытгес луо, бадӟымъёсты гажаны дышетско.

Россиын 2008-тӥ арысен 25-тӥ южтолэзе культура удысын тыршисьёс асьсэлэсь нуналзэс пусъё. Со азьын ми Татышлы ёросысь крезьгуръя школаысь духовой инструментъёсъя классысь дышетӥсен, Улысь Балтачась оркестрен кивалтӥсен Алик Кайрановен пумиськылӥм. Тросэзлэн лыдӟисьёсмылэн солэсь кырӟамзэ кылзэмзы вань ни, луоз. Алик Кайранов - пӧртэм конкурсъёслэн но фестивальёслэн лауреатсы. Культура удысын со 2001-тӥ арысен тырше.

Илиш ёросын, 2010-тӥ арын ортчем лыдъян-чотанлэн лыдпусъёсызъя, 215 удмуртъёс лыдъясько. Соос пӧлысь тросэз Ташкичиын уло. Со сяна, ӵыжы-выжыосмы вань на Итеево гуртын но.

Татышлы ёросысь Улысь Балтач культура юртын «Коса – девичья краса» конкурс ортчиз. Отчы школаын дышетскись нылъёс пыриськизы. Ӝытэз усьтыса но Нылкышноослэн калыккуспо нуналэнызы ӟечкыласа вераськиз гурт поселенилэн администрациеныз кивалтӥсь Эдуард Рахимзянов.